رۆژه‌ڤكوردستانی

پلانێن ئەولەکاریێ

سەردار هێتوتی

پشتی دیماهی هاتنا هەر هەلکەفتەکێ، پۆلیسێن باژێران ب ناڤێ پلانا خۆ یا ئەولەکاریێ و سەرکەفتنا وان پلانان شانازیەکێ ددەنە خۆ، ئەو د وێ باوەرێ دانە کو هەر مترەکا چارگۆشە یا ل ژێر هەیبەت و پاراستنا وان. ناهێتە ژبیر کرن و کەس ژی نەشێت ئینکارا وێ ڕاستیێ بکەت کو ئەندامێن ناڤا ڤێ سازیێ کو ب پۆلیس د بەرناسن خەمخۆرن و گەلەک ژ وان زێدە ب باشی ئەرکێن خۆ ب جهـ دئینن و ب تایبەت پۆلیسێن هاتن و چوونێ. لێ دخازم بێژم کو ژ بلی پۆلیسێن هاتن و چوونێ چ ئەرکەکێ دیتر ل سەر ملێ پۆلیسا نینە و ئەوا هەی ژی ژ بۆ پاڕاستنا ئەولەکاریێ یا گرێدای هزرا خەلکی بخۆیە و ئەون کو نابنە ئەگەر بۆ چ کریارێن ب ترس و ئەگەر بەروڤاژی ڤێ چەندێ بیت ڕەوش چ جاران د ڤی ئاستێ ئارامیێ دا نابیت. لەوما نابیت ب ناڤێ پلانان و ل سەر شاشێن تیڤیان کەس بهێت و شانازیێن پری درەو بۆ خۆ چێکەن و رولێ خەلکی ب چڤە نەکرن. ئەم یێن ل وەڵاتەکی ب ناڤێ عیراق و یا تژی گروپ و دەستەکێن تێکدەرن کو ژ بلی عەرەبا مە گروپێن کوردی ژی هەنە لێ زیکا ئەڤ گروپە ل کوردستانێ ئاشکرا دبن چونکی خەلک وان د ناڤا خۆ دا ناحەوینن و زیکا دەزگەهێن پاراستنا ئەولەکاریێ ل سەر ڤان گروپان ب ئاگەهـ دئینن. خەلکێ ڤی وەڵاتی هەر چەندە یێ بویە قۆمارا دەستێ بەرپرس و ڕێڤەبەران لێ چ جاران ناهێلن دەستێ تیرورێ وەڵاتێ وان یێ تژی جانی ژ ناڤببەت و ئەو ب خۆ هەر تاکەک خۆ ب پارێزەرەکێ وەڵاتێ خۆ ددانیت.

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close