سەردار هێتوتی
پێشی چەند ڕۆژان، وەک سڤکاتی پێکرن ب حکومەتێ ب ناڤ پەرلەمانتەرەکی ئەڤ گەندەلە حکومەتا خاڤ و خۆپەرێس وەک مێ ل قەلەم دا، لێ وی ژ بیر کریە کو نێرێن وەک وینە د ماوێ 30 ساڵێن بوری دا حکومەت ژار و بەلەنگاز و خولیسەر کری. سەرێ ڤان هندە ساڵان حکومەتا کوردی یا کو مێر وێ برێڤە دبەن یا هاتیە داعیران ب دەستێ تاڵانکەران، وان نەفت و گاز و گومرک و باج و رسومات و هەمی داهاتێن نافخۆ ئێخستنە د خزمەتا دەوڵەمەندکرنا خۆ دا و خەلک ڕۆژ بۆ ڕۆژێ یێ بەرەڤ نەداریێ و هەژاریێ و خولیسەریێ دچن و ژ نەچاری و ژ بەر ترسێ نەشێن دەنگێ خۆ بلند بکەن. لێ هەکە ئەڤ حکومەتا وی پەرلەمانتەری ب مێ ب ناڤکری، ب ڕاستی ژ لایێ مێ یانڤە هاتبا بڕێڤەبرن د وێ باوەرێ دامە دا نوکە کەرتێ تایبەت یێ ئازاد بیت و دا چاندن و پیشەسازی بەرەڤ پێش چن و ژیان ب تمامی دا ب ڕەنگەکێ دیتر بیت. ل وێ حکومەتا کو دا مێ بڕێڤە ببەن پشت ڕاستم دا مافێ مڕۆڤی یێ دەستەبەر بیت و خاندن دا د ئاستەکێ باشتر دا بیت و ساخلەمی د ناڤا ڤێ شەڵالێ دا نەدبوو، پشت ڕاستم حکومەت نەدبوو حکومەتا کومپانیان و هەر تشت نەدهاتە تاڵانکرن. لەوما ب شانازی ڤە دبێژم خوزی ئەڤ حکومەتا سیهـ سالی یا نێرا برێڤە دبر ژنان ئەو برێڤە بربا و سەرۆکا هەرێمێ بلا ژن با، سەرۆکا جڤاتا وەزیران بلا ژن با لێ ب عەقلەکێ ڤەکری یێ پشتەڤانێ زەڵامان.
