رۆژه‌ڤكوردستانی

هێرشا ل سسەر هەولێرێ و ئاماژەیێن وێ!

Kan vara en bild av Mihemed Celki

محەمەد چەلکی

دوهی سەرۆکێ عێراقێ دکتۆر بەرهەم سالحی پەیوەندیەکا تەلەفۆنی د گەل سەرۆکێ ئیرانێ روحانی ئەنجامدا هەروەک د دەزگەهێن ڕاگەندنێ دا بەڵاڤبووی هەردوو سەرۆکان تەکەزی ل پێشبرنا پەیوەندیان و کێمکرن و نەهێلانا خاڵێن دبنە ئەگەرێن توندوتیژیێ و گەلەک خاڵین دن … لێ هێشتا پەیڤا روحانی ب دوماهی نەهاتی رەشەکێن ئیرانێ هەولێر کرەڤە ئارمانجا هێرشێن خوە یێن تەرورستی. ئەڤە نە ژ نشکاڤە رویدایە بەلکو هەر پەیڤەکا بەرپرسەکێ ئیرانی بکەتن ل پەی خوە پێلەکا توندوتیژیێ دئینیت و کۆمکێن سەر بئیرانێڤە ئەڤێ ئێکێ باش دزانن ئانکو هەر پەیڤەکا بەرپرسەکێ ئیرانێ بەحسێ ئاشەتواری و پێکڤەژیان و ئارامیا پەیوەندیان بکەن هەموو تەڤ کۆدن و فەرمانکرنە بۆ وان کۆمکان کو رەوشێ تێکبدەن!

هەلبەت رەوشا ئیرانێ نەهندا باشە و یا لبن مەترسیەکا مەزن چ ژ لایێ وەڵاتیێن ئیرانیڤە و چ ژ لایێ جڤاکێ ناڤنەتەوی و زێدەباری شەرێ نە جاڕدای دگەل ئیسرائیلێ و وەما ئەدراکە مەل ئیسرائیل! هەر ئەڤەیە ژی رایەدارێن ئیرانی توشی هیستریایێ کرین!

لێ بۆچی هەردەما پەیوەندیێن هەولێرێ دگەل بەغدا و ئەمریکا بەرەف باشترێ بچن تەروریستێن شیعە هەولێرێ دکەن ئارمانج و قەوانێ بێ ڕامانێ هەر جار ڤەدگێرن کو بارەگایێن موسادێ ل هەولێرێ کرنە ئارمانج! جهێ پێکەنین و تڕنەکرنێیە چونکو موساد خوە یا لبن عەبایێن وان ڤەشارتیە و هەردەما دخازیت دربێ خوە ل مێلاکێن وان ددەت و کوشتنا زانیارێ ئەتۆمیێ ئیرانی ل نیڤا تەهرانێ و پەقاندنا بنگەهێ پیتاندنا ئەتۆمی ل نەتنەز ١٢-٠٤-٢٠٢١ ئەرێ هێرشبەر ژ هەولێرێ چووبوون؟

ئیران کویرها هەموو کێشێن عێراقێ و دەڤەرێیە و هەموو کارتێن تائیفی ددەت کار دا کێشین خوە یێن ناڤخوە یی پێ هاویش بکەت و لەیزتن دگەل گورگی ژ دەرڤەی سنورێن خوە پێ خۆتشترە ژ هێربوونا کێشان کو دێ بیتە سەدم خەلک داخازا مافێن خوە یێن بنگەهین بکەت لەوا بەردەوام کێشێن دەرکە دئافرینیت و هەر جارەکێ ب رەنگەکی کێشان هەل دئێخیت.

هێرشا کۆمکێن تەرۆریستێن سەر ب ئیرانێڤە بۆ سەر هەلێرێ گەلەک ئیماژان ب خوەڕا هەدلگریت ل سەر ئاستێ ناڤنەتەوی بۆ بهێزکرن کارتا شاندێ دانوستاندنێ دگەل رۆژئاڤا ل سەر پرسا پیتاندنا ئەتۆمی، هەروەسا بۆ پەیداکرنا پشتەڤانیا هێزێن ئەنتی ئیسرائیلە ل ناڤ جیهانا ئیسلامی ب تایبەت یێن شیعە ل سەر ئاستێ ناڤخوە ژی بۆ پەردەپۆشکرنا هێرشا ل سەر بنگەهێ نەتنەزێ ئەتۆمی و شکەستنا هێزێن ئەولەکاری و ئاساییشی و هەواڵگەریا ئیرانێ کو ئەڤە چەندین جارا دوپاتکریە کو شیانێن پاراستنا ئاسییشا ئیرانێ نینە لێ یا هەری گرنگ کو پەیوەندی ب حوکمەتا هەرێما کوردستانێڤە هەی ئەوە ژبۆ تێکدانا پێگەهێ هەولێریە د هەڤکێشا کێشێن دەڤەرێ دا کو بوویە ناڤەندەکا بازرگانی و ئارمیێ ب تایبەت ل سەر ئاستێ عێراقێ و چاڤەرێ دهێتەکرن و هەروەسا ترسا ئیرانێ ئەوە د هەلبژارتنێن بهێن یێن عێراقێ دا هەولێر رۆلێ گەهاندنا هێزێن ئەنتی ئیرانی د بەرەیکی دا بگێریت چونکو کۆمکێن سەر ب ئیرانێڤە د حوکمڕانیا عیراقێ دا شکەستن د هەر بیاڤەکی دا ئینایە و عیراق ل سەر هەرفتێ پارچەبوونێ نێزیک کریە بەلکو ل دەف گەلەک لایەنێن سیاس بوویە داخاز کو ئەڤێ رێکێ بتنێ دبین بۆ قۆرتالبوونێ ژ هەژموونا ئیرانێ! هەلبەت پارچەبوونا عیراقێ نە بەرژەوەندا ئیرانێ دایە و دوماهیک ئینانا کارتێن فشارا ئیرانێیە دگەل رۆژئاڤا و حوکمەتێن دەڤەرا رۆژهەڵاتا ناڤین ب تایبەت دگەل شانشینا سعودی کو ئەڤرۆ بوویە هێزەکا ئابووری ل دەڤەرێ!

هێرش ل سەر هەولێرێ ژ لایێ کۆمکێن سەر ب ئیرانێڤە دێ دبەردەوام بن هەتا هەلبژارتنێن بهێت دا حوکمەتا هەرێما کوردستانێ نەچار ببیت دگەل کۆمکێن سەر ب ئیرانێڤە بگەهیتە رەنگە رێکەفتنەکێ دا حوکمەتا ئاییندەیا عێراقێ هەر بمینیت لبن هەژموونا ئیرانێ!


١٥-٠٤-٢٠٢

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close