کرمانج هاریکی
ـ مەرجەع واتە پێشرەو یان پیشەوا . د ناڤەروکا خودا تێگەهەك نافەرمی سمبولیکییە .ئەڤ تێکەهە وەکی تێگەهـ د بنگەهدا تێگەهەکێ نێگەتیڤێ پاشکەتیە. تێگەهەکێ سەردەمێ عەقلێ فیئودالی پاشڤەرویی یە. بو سەردەمێ مە و د گەل پێشکەتنێن جیهانی یا ئەڤرو ب پوزەتیڤی ناهێتە دیتن. تێگەهێ مەرجەع یان پێشەوا تێگەهەکێ ئولی مەزهەبێ تایبەت یێ شیعیە. د مەزاهبێت سونی د ئیسلامێ دا مورشد یێ هەی. کارێ وی هەماهەنگی د ناڤبەرا تەشریعا مەزاهبا دکەت. د کوکا خودا ئەڤ مەرجەعیەتە شیعا یا ل هزرا پاپ ل مەسیحیەتێ وەرگرتی. کو مەرجەع راستەوخو ل عەردی نوێنەریا خود دکەت. مەرجەع د کار و بارێن روحی دا رولێ خو دگێرین. کو ناڤبژی کەرەکە د ناڤبەرا ئیماندار و خودێ دا. خودێ حسابەکا تابەت بو مەرجەعی د گونهبارکرن و بێگونەهکرنا مروڤاندا دکەت. د بەیاڤێ سیاسی و نەتەوەییدا د دیروکا بزاڤێت ئازادی خوازێت جیهانی دا رێبەر و پێشەوا یان پێشرەو یێ هەبوی. لێ تاکە مەرجەع یانژی پێشرەوێن فەرمی و دانپێدای د دەولەتێن سەردەمدا پەرلەمانە. لێ جهێ داخێیە ل بەر کەڤنەشوپیا هزرا مە د روژهەلاتا ناڤین دا پەرلەمان یێن ترویی بێ نرخ کرین. د کوردستانێ دا گەلەك سمبول و کەسایەتی یێن چێبوی . ل سەر ئاستێ روحی و هەستا نەتەوەیی ژی سمبول ل مەیدانێ یێن پەیدا بوی. تەنێ ئەو سمبول یێت ژیای و گەلەری بوی یێن د سروشتێ خودا د دلێ جڤاکێ دا ب خوزایی جهێ خو گرتی. لێ بەختێ مە یێ رەش کادرێن هندەك حیزبێن کونزەرڤاتیڤ حیزبایەتیێ ب پیروز و وەکی ئول دبینن.تەقدیسا سەرکردە یا بویە مەرجێ دلسوزیا ئەندامی. د مەسەلێن نەتەوەیی دا کەسایەتی چێدبن د هەلویستێن بلند یێت نەتەوەیی دا رولێن پوزەتیڤ بو ئێك گرتنا ملەتێ خو و بو رزگارکرنا مللەتێ خو ل کێشێن دەرەکی و ناوەکی یێ دیتی. د دلێ جڤاکێ دا ئەو کەسایەتی بلندی شوناسیا خو ڤیانا گەلدا دگێرن. ئوتوماتیکی دبیتە راوێژکارەکێ نافەرمی یێ مللەتێ خو. سیاسەتمەدار خودی بریارێن سیاسی ژی ب هەمی لایەناڤە رێزێ لێ دگرن ، پایێ نافەرمی د هندڕوی بریارێن سیاسی دا بو چێدبیت. گوهداریا شیرەت و پەژراندنا دەست تێوەردانێن سنوردار و تایبەتێن وێ دکەن. بو نمونە کیسنجەر ل ئەمریکا و ئەدناوەر و وەلی برێند ل ئەلمانیا ئەڤ رول د بەیاڤێ سیاسی دا هەبو. یا ژ من وەرە بو کوردا نەمازە دڤی کاودانی دا یڕ بەربەلاڤێ کورد تێدا ئەڤ پەیکەر دارشتنە نە یا فەرە. جەنابێ کاک مەسعود بارزانی ئەڤ تشتە نەگوتیە و نە خواستیە. دزانیت کا مەرجەع یان پێشرەو ، پێشەوا چ مانا خو یا نێگەتیڤ ئەگەر یێ سەپاندی بیت هەیە. باش یێ ل کەسایەتیا خو رازی و مەکانەتا خو دناسیت .بو ڤی کاودانی و بو ڤی ئەتموسفێرێ کورد بگشتی ئەو ب تایبەتی باشورێ کوردستانێ تێدا، جەنابێ وی پێ خوش ژی نینە ئەڤ ناڤ ل سەر بێتە دانان . باش دزانیت وەختێ حیزبا وی ئەو پلە و پایا فەرمی دایێ، دێ ل مەکانەتا خو یا رێزا بلند د ناڤ جڤاکێ دا دابەزیت. بو چێبونا سمبولا ، حیزب نەشێن سمبولا چێکەن . ئەو سمبولێت حیزب چێدکەن نابنە سمبولێت گەلەری ل سنورێ کادرێ حیزبی دەرباز نابیت. ئەڤ هەولا دەستەیەکا کورت بینێت کادرێت پارتی دەن بو لەزقاندنا پاشناڤێ مەرجەع دێ ل مەزناتی و بهایێ جەنابێ بارزانی کێم کەن. دێ د چاڤێت خەلکی دا دابەزینن. کاك مەسعود ب باش یان خراب تەمەنەکێ درێژ یێ د بزاڤا ئازادێ خوازا کوردی دا مەزاختی. بو زەمانەکێ دور و درێژ سەرکردایەتیا راستەوخو و ناراستەو خو یا مللەتێ خو د باشورێ کوردستانێ دا یا کری. هەلبەت کەسێ بێ کێم و کاسی نینە، لێ نە مەعناوێ ئەوە بارزانی نەشیایە جهێ خو د دلێ خەلکەکێ دا بکەت. ئەو پاشماوێت ئوتوماتیکی بارزانی د هزرا خەلکی دا ب جهـ هێلای بو جەنابێ وی باشتر و پترە کو ب بریارەکا حیزبی و سەپاندنا بریارەکا چەند کاسەلێسا بکەنە مەرجەعەکێ فەرمی. کاك مسعود ل گور سەربورا خو یا سیاسی و ئاستێ خو یێ بەرپرسیاریا حیزبی جهێ خو یێ هەی خەلکەك حسابێ بو دکەت. کەسایەتی و سیاسەتمەدارێن کورد چاڤ پوشیێ ل رولێ جەنابێ بارزانی ناکەن. ل سەر ئاستێ سیاسەتا ئنتەرنەسیونال ژی جهێ خو یێ تایبەت یێ هەی. لێ هەکە وەك مەرجەع ب بریارەکا کاسەلێسی سەپاند و ب زوری زورداریا بریارا حیزبی دێ ئەو نرخێن گەلەری یێ نوکە هەی، دێ ل دەست دەت. کەسەك دبیتە رێبەر و راوێژکار دەمێ د کریزە، قەیرانێن نەتەوەییدا رولەکێ حەکیمانە یێ گشتگیرێ پوزەتیڤ گێرابیت. ئالیگریا حیزبی د کێشێن هەڤرکیاندا نەکربیت. دەستەك بالا د دارشتنا دامەزراوەیێن نەتەوەیی و حکومیدا هەبیت.د کێشێن هەمی حیزب و گروپاندا لێ خودی دەرکەتبیت.ب کێشێن خو هەژمار کربن. ل چارەسەریێن باش بو گەریابیت. نەهێلابیت دامودەزگایێن حیزبی کارتێکەرێن ژیانا جڤاکی بن. رێ ل تونرەوی و دەسهەلاتا تاکە حیزب د دەڤەرەکا دەست نیشان کری دا گرتبیت. د سیاسەتا دەرڤەدا یێ زانا و دوربین بیت. شیابیت ب هەست و زانین و .حیکمەتا خو وەل دوژمنی بکەت رێزێ ل بوچون و بریارێن وی بگرن. بو وان خویا و گەلەك سالوخێن دی هەکە ل دەڤ سەرکردە نەبن نکاریت رولێ رێبەریێ و راوێژکاریا نەتەوەیی بگێریت. 21/4/2021
