كوردستانینێرین

هیتلەر و دامەزراندنا برایێن ئیسلامی/ 1928

محسن ئوسمان

ئەڤ نڤیسینە دیاری: بۆ کوردێن مروید و دەروێشێن ئەردۆگانێ ئیخوانی و شەیدایێن قودسێ!پشتی ئەلمانیا و ئیتالیا د شەرێ جیهانێ یێ یەکەم دا شکەستین، ب سایا هلبژارتن و پەرلەمانی، روو ل تەڤگەرێن فاشیزمێ ل ئیتالیا “مۆسۆلینی/ 1922” و نازیزمێ ل ئەلمانیا “هیتلەر/ 1933″، وەک ڤەژەن و راگرتنا ئالیسەنگیا مۆرالا خوە کرن. هەروها ژ بۆ بەرسینگگرتنا هزرێن چەپ/ شۆرشا 1917 ئۆکتۆبەرێ، کو ل وی دەمی یەکێتیا سۆڤیەت پشتگری دکر. ب تایبەتی ژی، پشتی هلوەشیانا ئیمپراتۆریا ئۆسمانی و ئەتاتورک داوی ب خیلافا ئیسلامی/ 1924 ئانی. سەرهلدان و دامەزراندنا پارتێن کۆمۆنیستێن ئەرەب، بوونە ئەگەرێن هندێ، کو رۆژئاڤا/ “ئەلمانیا و بریتانیا” ل هەمبەر ڤان گاڤان پارتێن ئیسلامی، مینا حەسەن بەنای “برایێن موسلمان/ 1928” ل مسرێ دامەزرینن. ئێدی ئەڤ تەڤگەرا برایێن ئیسلامی، رێکخستنەکا بریتانی/ ئەلمانیە، هەروەکو ژ دانپێدان و پێکۆلێن “جۆن کۆلمان”(1) بەردەڤکێ ئاسایشا برێتانیێ بەرێ دیار دبیت، کو ب ئارمانجا رۆژهلاتا ناڤەراست ل ژێر دەستێ وان بمینیت. ئانکو مرۆڤ دکاریت ب شێوەیەکێ دی ژی بێژیت، حەسەن بەنای ئەڤ رێکخستنە ب هاریکاریا دراڤیا برێتانیا/ 500 جۆنەیێ، کو دژی تەڤگەرێن نەتەوەیێن ئەرەب/ وەک سیکولار براوستن، دامەزراند.سەرباری هیتلەر ژی ب رێکا “ئەمین حوسینی” موفتیێ قودسێ، هاریکاری و تێکهلی دگەل ئیخوانان درستکرن. مینا “گرۆپا برایێن ئیسلامی 2000 جۆنەیێن مسری ژ رۆژنامەڤانێ ئەلمانی ڤیلهیلم شتیلبۆگن رێڤەبەرێ ئەژانسا ئەلمانی، یێ کو نێزیکی رەڤەندا مسری ل قاهێرە وەرگرتن. ئەڤ هاریکاریا نازیان، ژ بۆ دامەزراندنا برایێن ئیسلامی بوو”(2). لەورا “برایێن ئیسلامی پرۆپاگەندێ هندێ دکر، کو هیتلەر بوویە ئیسلام و ب دزیکیڤە چوویە حەجێ و ناڤێ خوە ژی کریە حەجی محەمەد هیتلەر، ئەڤە تەڤ ژ بۆ هندێ بوو، داکو بالکێشیا خەلکێ مسری بۆ لایانگریا نازیان راکێشن”(3). ل سەر ڤێ هاریکاری و تێکهلیێ، هەروەکو دەربازبووی “ب رێکا ئەمین حوسینێ موفتیێ قودسێ، هیتلەر مزگەڤتەکا مەزن ــ Der Moscheebau Kommission ل موینشن ئاڤاکر و سکرتێر و زاڤایێ حەسەن بەنای، سەعید رەمەزان ئەو مزگەڤت کرە ناڤەندا برایێن ئیسلامی ل ئورۆپا”(4).ژێدەر1) د. عبدالحفیظ محبوب ـــ مرحلة ما بعد الإسلام السياسي ـــ بنێرە: http://elsada.net/69729/ 2017.09.31.2) این جونسون ــ مسجد فی میونیخ/ النازیون… وکالة الاستخبارات المرکزیة و بزوغ نجم الإخوان المسلمین فی الغرب ــ ترجمة: احمد جمال ابو اللیل، الهیئة المصریة العامة للکتاب، القاهرة ــ مصر 2015 ص194.3) حامد عبدالصمد ـــ الفاشیة الاسلامیة ـــ دار میریت، القاهرة ــــ مصر، 2019 ص41.4) حامد عبدالصمد. ژێدەرێ بەرێ، بپ.33/ 34.محسن ئۆسمانبەرلین، 2021.05.14

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close