كوردستانینێرین

جڤاکێن بێ چارە!

سەگڤان ئەرتیسی

Kan vara en bild av Segvan Ertisi, står, utomhus och träd

هەردەما مروڤ کەفتە دانوستاندنەکێ، ل گەل هەر تاکەکێ ڤی جڤاکی، تەدیت ژ ترس و نە دویفچوونێ ئێکسەر دیوار بوو مروڤی دانان، و نابیت مروڤ ژ وان دیوارا دەرباز ب بیت، ئێ بەرێز تو دزانی ئەڤ دیوارێن تە بو خوە و بو من و بو تەڤ جڤاکی دانای، هیچ بهایەکێ خوە نینە بەرامبەر زانست و پێشکەفتنێ.ب راستی ژی جڤاکەک پاشڤەماییە، جڤاکەک گرێدای بنەمال، گوند، عەشیر، حزب، بال بالانێ، شێخ و ئاغا و مەلا مەزهەب و دین و تا دیماهیکێ…….دێ رەخنەکا دینی گری دێ بینی هندەک هاتن، و کەتنە توهمەتێن بێ چارەیێ، و دێ بێژیت بەرێز ماتو نابینی 95% موسلمانن تو بوچی رێزێ ل وێرێژا هندە یا زور ناگری! راستی ئەگەر بتنێ ئێک چرکەژی تە هزر کربا تو نە د هاتی رەخنێ بگری؟چونکی تە نەشیایە ب دروستی ئاریشێن جڤاکی بخوینی؟دێ بوتە هندەک ژ وان ئاریشا دیارکەم، هەرە وان کێشا چارەکە پاش وەرە رەخنا بگرە. ئەڤ پرسیارە بو گشت وان بەرێزا، ئەرێ ب راست مادەم ئەڤ رێژا هندەیا زور ژ موسلمانا مە هەنە! ئەرێ پا ئەڤە چ حیلە و تەشقەلەنە، ئەڤە چ درەو درەوانێ یە، ئەڤە چ نان حەرامی یە، ئەرێ بەرێز تو دشێی بچی یە جهێن کرین و فروتنا ئەرد و خانیا بێ کو دربەک بتە بکەڤیت و زوربەیا وانا ژی حەجی و ما حەجی نە؟ یان پیشانگەهێن ترومبێلا یان گرانکرنا بازاری و تا دیماهیکێ…… ئێ بەرێز تو بوچی پرسیارا ژ خوە ناکەی ئەرێ بوچی جڤاکەک 95% موسلمان بن و ئەڤ کارەساتە دناڤ دا بن؟ دڤێت تو بەراهیا هەر پێنگاڤەکێ خوە رەخنەبکەی نەک وان ئەوێن دهێن نەخوەشی و ئاریشێن جڤاکی د ئینن بەرچاڤ!هەروەسا دەما مروڤ حکومرانیەکا گەندەک رەخنە دکەت، دێ بینی هەر وەکی یێن ئاینی ددانێن خوە د هوسینە ها ها دێ تە دەت بەر ددانا، دێ ئەوژی ئێت بەرێز ئەو دەنگدان و ئەو نزا چ و چ تو بوچی رێزێ ل دەنگدانا ناگری و رێزێ ل ڤی خەلکی ناگری! ئێ ب راستی هوین زور د سەیر و سەمەرن، ئەرێ بەرێز پا ئەڤ ئاریشە یێت کێنە؟ کی ئەگەرن؟ بوچی روژ بو روژێ خەلک ژ ڤێ دەسهەلاتێ بێزار بینە؟ ئاریشێن ئێک ل دویف ئێک بوچی سەرهەلددەن؟ کارەب، ئاڤ، غاز، نەفت، موچە، بندیوار، خاک فروتن، پەروەردە، تەندروستی، گومرک و هندی بێژم دەرباز نابن.ئەرێ بەرێز تو دزانی تو نەشێی هزرکەی، نە وێری بن لحێفا ژی داخازا مافێن خوە یێن دەست پێکی بکەی؟ بتنێ تو د وێرێ بو وان گەندەلکارا باخڤی و نە زێدەتر.ئاریشا سەرەکی یا جڤاکێن مروڤایەتیێ ئەڤ جورێن مروڤانە دەما دزانن ئێک راستیێ دبێژیت، و ژ نە هزرکرنا خوە یێ بەرامبەر شاش د بینن و دبنە پێخارنک، بۆ دەسهەلاتێن مروڤ کوژ و مشەخوور!!!سگڤان ئەرتیسی18\8\2021

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close