شەبان مزوری
دوو هەفتیا بەری جەژنا قوربانێ ئەڤ سالە من سەرەدانا کوردستانا باشور کر. بو من هەردەم ئەڤ جەژنێن ئولی د کومەلگەها مەدا کارتێکرننەک پوسیتیڤ هەبو، وەک بو نمونە هندەک مروڤ ژ یەک دلماینە لێ ژبەر جەژنێ سەرەدانا یەک دوو دکەن و بڤی شێوەی دلخوەشی ڤەدگەریت ناڤا وان. کورونا دویسان د پلەیا هەرا دژوار دا بو دەمێ جەژنێ لەوما سەرەدان زۆر دکێم بون.
هەرچەندە پرانیا دەزگەهێن بەرپرس زۆر هوشداری ددا خەلکی کو خوە بپارێزن و چەندی پێ چێببن لمالێن خوەدا بن، سەرەدانا کێم کەن و ئەگەر کوم بون ژمارەک زۆر نەبیت. من زۆر چاڤەرێ وێ یەکێ دکر کو مەلا، قەشا نوینەرێن دی یێن ئولی ل کوردستانێ بگشتی و لدهوک بتایبەتی بانگەوازیێ لخەلکێ بکەن و بەشدار بن د هوشداریێن دەزگەهێن پەیوەندی دا ژبو خوە پاراستنا و کێم کرنا زیانا. ئەز چاڤەرێ بوم قەشا بخوە دەرێن دێرا گرتبان، مەلا دەرێن مزگەفتا گرتبان، چونکە ئەڤە مروڤێن کارتێکەرن و خەلکەک زۆر گوهداریا وان دکەت، لێ بمخابنیڤە ئەوان کارێکرنەک نەگەتیڤ هەبو لسەر رەوشێ.
ڤەگرم سەر بابەتێ خوەیێ سەرەکی هەنر چەندە بمن ئەڤ پێشەکیا سەری ڤەرێژا هەمان بیرکرنا ژێریە. مەلا مستەفا رێکانی ل ئەرافاتا جەژنا قوربانا ئەڤ سالە گوت ( هەر مروڤەکێ روژا ئەرەفاتێ بروژی بیت گونەهێن خوەیێن دوو سالا سفر دکەت، سالا بوری و سالا تێدا دژیت ). وەک پرانیا مە مەول؛ا نستەفا رێکانی ناسدکەت دلێ وی هوین نابیت ئەگەر بزمانێ عەرەبی ژی نەبێژیت. لڤێرە دویر ژ کەرب و کینێ یەک پرس تێتە پێش گەلو چەوا خوەدێ دێ گوننەهێن دو سالا بنپێکەت ژبو یەک رۆژی؟ باشە نڤێژ بو چنە؟ رەمەزان بوچیە؟ زوکات بوچیە؟ حەج بو چیە؟ کارێ خوێرخازی بو چیە؟
لڤێرە پرسەک بو مەلا مستافا رێکانی، تو دوزانی تاوان چیە و چەند رەنگێن تاوانە هەنە؟ تو دوزانی کو بەنی لبەشەک تاوانا خوەش نابن ئەگەر لگەل رەوشتێن مروڤاتیێ یەک نە گرن؟ تو دزانی بڤێ گوتنا خوە تە خوەدێ کرە پارێزەرێ ملیونان مروڤێن درندە، تالانچی، مروڤ کوژ، دز، دەست و دەهمەن پیس؟
ئەز وەک دوکتورەک خەلکێ هەمیێ پشتراست دکەم کو ئەگەر بو ماوێ ٢٤ دەمژمێرا هیچ نەخود و نەڤەخوت، مەترسی لسەر ژیانا وی نینە ژ لایێ تەندوروستیڤە. واتە لدویف دیتنا مەلا مستەفا رێکانی هەر دوو سالا جارەکێ روژا ئەرەفێ بروژی بە جهێ تە بەهەشتە. ئاها ئەڤ گوتارەنە تالانکەر، دز.گەندەل لژێر کارێ خوە دکەن، وەک دبێژن گا… بدە حێسیلک و حێسیلکا لمزگەفتێ دانە؟
