كوردستانینێرین

كەلتورێ ڕەڤێ

دەمھات نوورى

Kan vara en bild av Demhat Nuri Abdal, sitter och inomhus

ھەگەر نھا چوار تيلەكێن دى يێن داعشێ ژ چيچان، پاكستان و تركيا ھێرشى سەر مە بكەن، دێ مللەتێ مە ب مليونان ل بەر بازدان و ڕەڤين. ھەگەر نھا بەحسا گەڤ و ھێرشێن ھەما گروپێن تيرورستێن بھێتەكرن، دێ بينين كو سەدا ھزاران بەرەڤ سنورێن كوچكرنێ دا بازدەن ڤە وھتد. ل دەستپێكا شەرێ خوە ئەمريكا زەترى سێ مليون يابانيا كوشتن لێ يابانى نەرەڤين و وەلاتێ خوە بەرنەدان. ژ بوونا صين نكاريت كۆنترولا سيستەمێ خوە يێ كۆمۆنيستى ل سەر ڤێتنامێ دا ئەنجام بدەت، ئەمريكا چەندين چەنگ دگەل ڤێتنام كرن و زەترى سێ مليون ژێ كوشتن لێ ديسان ڤێتنامى نە ڕەڤين و وەلاتێ خوە بەرنەدان و ب سەدەھا نموونێن زندى ل سەر ئيرادا خوە پێڤەگرێدانا وان مللەتێن خوە ب ئاخ و نشتيمانێ خوە ڤە د بەستن ھەنە. ھەمى مرۆڤ دەما ژ دايك دبن د ئێكسانن لێ ياكو مرۆڤان ل ھەڤ جودا دكەت پەروەردەيە. ئەرێ ئەم كورد كۆرێن چول و چيايان بووينە لەورا ژى د كێم پەروەردە بووينە ژ لايێ پەروەردێ ڤە، لێ د ھەمان دەمدا كورد ب سەر ڕەقييا خوە لەھنگ و قەھرەمان بووينە. ئێدى كەلتورێ ڕەڤێ ل كيڤە ھات؟ ژ نە بوونا نەدادى و نەياسايێ و بەردەوامبوونا بن ديوار و گەندەليێ ئەڤغانستان جاردى ڕادەستى ھوڤێن تاليبانێ بوو و ب ھەبوونا ھەمان ئەگەرێن ناڤبرى شنگال و موسل ژى ڕادەستى داعشێ بوو و زێدەتر پێنچى ژ سەدێ ژ ئاخا باشور ژى ب ھەمان شێوە ھاتەڕادەستكرن وھتد. بديتنا مە، ھەر مرۆڤەك ب سروشتێ خوە و ب شێوێ رێژەيى حەزا بەرگريكرنێ و ژێياتى نەتەوەيێ و ڤيانا ئاخێ ل دەڤ ھەيە، حەز خوەپارستنا ژ مال و كەسوكارێن خوە ل دەڤ ھەيە. لێ د ديروكێ دا دەما جڤاك ژ ئيرادێ دھێتە بێ ئيرادەكرن راست و راستى قەيرانان دھێت، ئێدى سفكاتيكرنێ ب ھەموو پيروزييان دكەن ھەروەكو سفكاتيكرنا نھا ل باشورێ كوردستانێ، لەورا ژى ڤيانا ئازادييێ، خاك و وەلاتێ كو كوردان ب قاسى رويباران خوين ژ بۆ ڕشتى و ب سەدان سالان مرۆڤێ كورد خەون پێڤە ديتينە، مخابنى ڤە ئيرۆ گەلەك ب رەشكاوانە سفكاتى پێ دھێتەكرن. ھەلبەت ئەڤ ئێكە ژى شكەستنە ژ بۆ سازيێن گرێدايى كاروبارێن حكومەتێ و بەرپرسێن دز و گەندەل. نابيت ئەم ژبير بكەين كو ديروك بتايبەت ل ڕۆژھەلاتا ناڤين خوە زوى ب زوى د گوھريت؛ مە دوھى كێلەشوكا بوھارا عەرەبى ديت، مە ئيرو ئەڤغانستان ژى ديت، چاوا وەلاتێن وان ژ ئەگەرێن نەدادى و گەندەليێ ھاتنە ژناڤبرن. ئێدى ب زەلالى خوەيايە ھەگەر حكومەتا ھەرێمێ پێداچوونەك ھوويربين د خوە دا نەكەت و دەست ب بەرنامێ خوەيێ مەزنێ چاكسازيێ كو سەرێ چەندين سالانە بەحس ل سەر دھێتەكرن نەكەن كو تا نھا ئێك ژ سەدێ ژى نەھاتيە ب جھئينان، حەز و ڤيانا خەلكێ وەفادار و قەھرەمانێ باشور نە ڤەگەرينينن بگرە؛ ژ دابەشكرنا پارچێن ئەردى، دانا مووچە و پاشكەفتێن مووچەيى، و پيتەدان ب سيستەمەكێ رێكخستى و ساخلەم و عادلانەيێ پەروەردێ نەھێتەدان. ئەڤ پيچا ئيرادا ل دەڤ خەلكێ باشور مايى ژى دێ وەك ئەڤغانستان، بەرەڤ نەمانێ دا چيت.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close