فەرسەت حاجی
چەند تێبینیەك لسەر ڕەوش و سەرەدەريا خەستەخانێت ئەهلی لدهوکێ و هەڤلێرێ لگەل نەساخا و کەسوکارێت نەساخا .من ئەف چەند ڕێزکە نڤێسین پشتی ماڵا مە دوو عەزیزێت بەر دلێ مە ژ ئەگەرێ توشبون ب نەخوشیا کوڕونایێ ل خەستەخانێت ئەهلی گیانێ خوو ژدەست داین و چوینە بەر دلوڤانیێ خودێ و هەروەسا مە نەخوشێت کوڕونایێ ل خەستەخانێت حکومی ژی هەبون لێ سوپاس بوو خودێ ب سڵامەتی زڤڕینە ماڵا خوو . ئەڤ سەربورە ڕاستیە .1-لخەستەخانێت ئەهلی دختور گەلەك دەرمانا بوو نەساخی دنڤێسیت و ئەڤە بخوو کارەکێ خڕابە چنکو هەمی دەرمان کیمیاویاتن و گەلەك خرابیا لدویف خوو دلەشێ نەساخیدا دهێلن ، پشتی کەسوکارێت نەساخی وان دەرمانا ژ دەرمانخانا خەستێ دکڕن و ڕادەستی وان دختور و برینپێچا دکەن ، دختور پڕانیا وان دەرمانا نادەتە نەساخی بەلکو ژ نەساخی ددزن و ب دزیڤە جارەکا دی وان دەرمانا د فروشنە دەرمانخانێ و جارەکادی دەرمانخانە دێ وان دەرمانا فڕوشیتە نەساخا و هوسا دوو و سێ و چار جاری !!!!!لێ ل خەستەخانێت حکومی کێمترین دەرمانا د دەنە نەساخی چنکو دەرمان ل دەرمانخانێت خەستێت حکومی دکێمن ، ئەڤە بخوو کارەکێ زۆر باشە چنکو دەرمانا خڕابیا خوو یاهەی . 2-لخەستەخانێت ئەهلی دختور گەلەك درەوا لگەل کەسوکارێت نەساخا دکەن ، ڕاستیا نابێژن و دێ بێژن نەساخێ هەوە دوو حەتا سێ ڕوژێت دی دێ باش بیت و هوین لگەل خوو بەنە ماڵ ، لێ ئەو دوو یان سێ ڕوژ دێ بنە 20 ڕوژ و 30 ڕوژ و دختور هندی بشێت دێ نەساخی گیرو کەت و دێ بەنج کەت و نەساختر لێکەت و ژ خەستێ نادەرێخیت دا خەرجیێ وی نەساخی زێدە کەت حەتا دگەهیتە 20000$ و زێدەتر ، چنکو هەر ڕوژەکا نەساخ لژورا خەستێ بمینیت ب 600$ول انعاشێ ب 1500$ ژ بلی خەرجیێ دەرمانا ئەوژی ڕوژانە نێزیکی 500$ ! لێ لخەستەخانێت حکومی و ژبەر نەبونا جهی و دەرمانا و بەرطەنگیێ دختور هەوڵ ددەت بزویترین دەم دێ نەساخی فڕێکەتە ماڵ دەمێ نەساخ پیچەکێ باش دبیت و ئەڤە گەلەك باشترە ژ بوو بارێ دەرونی یێ نەساخی و کێمکرنا کیمیاویاتا د لەشێ نەساخیدا .3-ل خەستەخانێت ئەهلی هەردەمەکێ نەساخی گیانێ خوو ژ دەست دا و چوو بەردلوڤانیا خودێ ، کادرێ خەستێ دێ ڤێ چەندێ ل کەسوکارێت نەساخی ڤەشێرن و کەسوکارێت مری ئاگادار ناکەن حەتا دبیتە ڕوژا پاشتر (پشتی دەمژمێر 12 ی شەڤێ ) چنکو دبیتە ڕوژەکا دی یان دەمێ بانگێ نڤێژا سپێدێ ، مەرەم ژ ڤێ چەندێ ئەوە دا خەستەخانە ڕوژەکا دی لسەر کەسوکارێت مری پژمێریت و وێ ڕوژێ ژی حساب بکەت !لێ لخەستەخانێت حکومی هەردەمێ نەساخی گیانێ خوو ژ دەست دا ئێکسەر کادرێ خەستەخانێ کەسوکارێت مری ئاگەهدار دکەن .4- لخەستەنێت ئەهلی هەمی ڕوژا دختور خوشخوشکا بوو کەسوکارێت نەساخی دبێژن و بهارێ تیننە چوکا و چوو ڕاستیا نابێژن ، نابێژن نەساخێ تە یێ خرابە دڤێت هوین ببەنە نەخوشخانەکا دی یان نەساخێ خوو نیشا دختورەکێ دی بدەن یان نەساخێ خوو ببەنە دەرڤەی کوردستانێ چنکو ئەفە دژی بەڕژەوەندیا وان دختور و وان خەستێت ئەهلی یە ، لێ ل خەستەخانێت حکومی دختور ڕاستیێ دبێژنە کەسوکارێت نەساخی و هەکە ب باشی بزانن دێ بێژنە کەسوکارێت نەساخی نەساخێ خوو ببەنە دەرڤەی وەڵاتی .لدویف پێزانینێت من کێم نەساخا ژ ئەگەرێ توشبون ب نەخوشیا کوڕونایێ ل ماڵ گیانێ خوو ژدەست دایە ، لێ بەروڤاژی پڕانیا نەساخێن کوڕونایێ ل خەستەخانا گیانێ خوو ژ دەست دایە . خودێ ژ مریێت مە هەمیا ڕازی بیت و جهێ وان بەحەشت بیت ، خودێ مە هەمیان بپارێزیت .
