كوردستانینێرین

زانستێ سیاسەتێ و شانۆیا قەرەقۆز

محسن ئوسمان

راستە سیاسەت ل جیهانا مۆدێرن، وەک “هونەر، ئەقل، هزر، فەلسەفە و زانست” سەرەدەری دگەل دهێتەکرن، بەلێ پا ئەگەر مرۆڤ وەک پێشەکیێن دیرۆکی ل پەیدابوون و سەرهلدانا پارت و سیاسەتا کوردان بنێریت، ل سەر بنواشەکێ ساخلەم و زانستی درستنەبووینە. ئێدی ئەڤ دیفاکتۆیا ئیرۆ کورد سەرەدەریێ دگەل دکەن، ب ڤی ئەقل و کاودانی برێڤە ناچیت. لەورا چ رێزانی و پرنسیپین سیاسی نکارن، رەوشا ئیرۆیا پارتاتی، سیاسی و دیپلۆماسیا کورد تێرا دەرباز دبن، بپیڤن. هەروها ل گۆر شۆپاندن و نرخاندنا زانایێن سۆسیۆلۆگی ژی، رۆژهلاتا ناڤین وەک قوربانا هەڤرکیا دوئالیزما “باژارڤانی و ئەقلێ کۆچەری” دبینن، بەلێ پا ئەڤا ئیرۆ ل سلێمانیێ وەک پایتەختێ رەوشەنبیری و یەکێتی مینا پارتەکا “چەپ، مۆدێرن و سۆسیال دیمۆکرات” دهێتەکرن، ب ڤێ پێناسێ ناهێتە پیڤان! ب راستی، ئەقلێ کۆچەری هزار جاران مۆدێرنتر و گەلەک دوورهێلی و باشترە، ژ ئەقلێ ڤان جورە باژار و پارتان! بنێرە تا بێژی، ریتما دیرۆکا دوهی و چارەنڤیسێ ئیرۆیا کوردان ل بەر مەترسیێن گرانە، بەلێ پا دیسان هەڤرکیا مەیا ل سەر ئاستێ پارتان د ناڤ پارتان ب خوە ژی دا، گەهشتیە قووناغا کۆمێدیا رەش و شانۆیا قەرەقۆز!گەلۆ ما ئەو کەس و ئالێن دخوازن یەکێتیێ وەک قەرەقۆز بکاربینن، چ دەرهێنەرێن باشتر نەبوون؟ مرۆڤێ ل ڤان تەڤ کۆمبوون و مانیفێستێن بێواتەیێن سەرکرداتیا یەکێتیێ دەردکەت، بنێریت. بەرمایێ شانۆگەریەکا قەرەقۆزا هەژار و لاوازن، لەورا ئەڤێ سیناریۆ و دەرهێنەریێ، ژ بهایێ شانۆگەریێن قەرەقۆز ژی کێم کریە! ئێ باشە هوون ئەڤ پارت و پێکهاتێن کوردی، ب ڤی ئەقلێ هندەیێ سادە و هەژار، نکارن خوە ژی برێڤەببەن، پا دێ هوون چەوا کارن پرسگرێکا ئیرۆیا رۆژهلاتا ناڤین، یاکو پرە ژ گرفت و هەڤکێشێن ئالۆز و تێکهلکێش، دۆزا گەلێ کورد ب ئارامی دەربازکەن؟!ب کورتی، ئیرۆ ئەڤ هەڤرکی و شەرێ ئاشکرا و ڤەشارتیێ د ناڤبەرا پارتی و یەکێتیێ دا دهێتەکرن، چەندێ دلئێش و خەمگینە، هند ژی راستی و ئاستێ سیاسی و دلسۆژیا ڤان پارتان “ژ دوهی تاکو ئیرۆ”، بۆ خەلکی ب زەلالی بەرچاڤ دکەن. ئێدی ئەڤ کەس و ئالێن وەک بینەرێن دلرەش و کیندار، ل ڤێ شانۆگەریا قەرەقۆزا یەکێتیێ دنێرن. بیرا مرۆڤی ل شانۆگەریا کۆمێدیا “رۆژانێن/ بیرئانین دینەکی/ 1835” یا نڤیسەرێ رووس نیکۆلای گۆگۆل دئینن، دەما قەهرەمانێ شانۆگەریێ ل داویێ روو ل بینەران دکەت و دبێژیتێ: هوون ب کێ دکەن، مانێ هوونێ ب خوە دکەنن! ئها ل ڤێرێ و نوکە دبێژینە هەوە، هوون وەک پارت و پێکهاتێن کوردی ژی، ب خوە و خەلکێ هەژارێ کورد دکەنن! مخابن…محسن ئۆسمانبەرلین، 2021.08.26

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close