نزار بێجان
ئەرێ دڤێ سێ گوشەیا مافیای دا “لاهور ژی گوشەیەکە ؟! وەکە کو مە “لاهور شوپاندی کەسەکی کەدکار بو، ژ کارێ خوارنگەهەکێ دەرباز بو بەرەڤ کاروانێ ئەڤێ سیاسەتا ئاوازتە. “لاهور کێم زێدە قەرتە گەنجەکی پێگەهشتیە. چەند زمانا دزانت و ژیریتیا وی ئەوە کو د پێشبرکا ئەڤێ سێ گوشەیێ دا کەتیە پێشیا هەردویان. ئەگەر بپرسن نیشانێن سەرکەتنا چیە ؟ ئەم دشێین بێژین دڤی تەمەنێ کێم سەربوردا شیایە دهەمو بویەرێن روژەڤێ دا ئامادە ببت خو ژبەر چاڤکێن کامیرا نەدایە ئالی و ژ واقعی نەرەڤیە. هەر وها دهەمو بویەرێن گەرم و گوڕدا هاتیە ناڤ جڤاکێ و داخویانیا خوە ببێ منەتی دایە و دهەمو گوتوبێژیا خوەدا خوە سپارتیە شەهیدا. هەر وسا دبەردەوامیا بەرهنگاریا ئەڤێ سێ گوشێ دا قەب خوەستنە و حسابا کتەک پێلاڤێ بو یێ بەرانبەری خوە نەکریە. ئەم وەکە چالاکڤانەکی ئوپوزسیون و نەرازی نابێژین “لاهور کاوەیەکی هەمدەمیە ل همبەر زحاکێن خوینا ئەڤێ هەرێمێ دمێژت و دڤێت ئاگرەک هەبت دا ئاسنەکی بچەمینت. لێ بەلێ ئەم وەکە شلوڤەکاریەک سیاسی و بێ لایەن دشێین دیروک و ژیان و ڕەوشا “لاهوری یا نوکە راڤەبکین و لدویڤ هەلسەنگادنەکێ وی بپارێزین. ئەم ڤان چەند پرسا دەینین پێشیا دوسەریا دەستهەلاتەکێ و جڤاکا سڤیل ژی. ئەرێ شوین تلێن “لاهوری: 1 ل سالا شێست و شەشێ 2 ل حەفتێ و جار و پێنجێ 3 کارەساتا هەکاری 4 سهو ئێکی ئاپێ 5 “عەلی عەسکەری و “حەمەسوریا “سورانی و “زەردەشتا. کوشتنا دیلێ عەرب ئەوێ کو مام جەلالێ گوتی یان ژی مژارا سکرێ میسل تێدا هەنە ؟ نەخێر. لێ بەلێ ئەم نەشێین “لاهوری ژ گونەها 16 ئۆکتوبەرێ وشنگالێ بێ باهرو تافیل بکین چونکی ئەو ژی کەسەک بی لگەل دوسەریا ئەڤێ سێگوشێ و ئەڤان هەمو کەسا. ئها لڤێ خالێ دادگەهەک دشێت “لاهوری دادگەهـ و سزا بدت لێ بەلێ لگەل ئەوان هەمی کەسا. ل جهەکی دی ئەگەر ئەم دپەنجەرەکا دی دە ل “لاهوری بنێرین دێ زانین کو پشتی وەغەرکرنا “مەم جەلالی بتنێ “لاهور هات پێشچاڤ و بەرنیاس بو ئێدی هێدی هێدی “یەنەکێ رەنگەکێ دی دا خو، خوە بچەقێن نەتەوی ڤە گرت، سیستەما هەڤسەروکایەتی پەیرەوکر و هێدی هێدی بەرەو سوسیال دیموکراتیکێ ڤە دهات هاژوتن ئها ل ئەڤێ قوناخێ دەردورا “لاهوری ترسیان و چاڤنەباری کرن ژبەر کو “لاهوری چاڤ ل “مامەی دکر هەما بێژە دڕحا خوەدا بدورستی ببو “مامە، لەوما سەرەگوهیا وی لگەل مالباتا “مامەی وەکی یا باب و زاروکا بو لاوما زاروکێن “مامەی هەست ببجویکیا خوە کرن و کەتن ڤێ سێگوشێ ئەوگوشەیێ ڤالا مای ژ جیرانەکی پرکرن ئێدی ئەڤێ سێگوشەیێ بدورستی دەست بکارێ خوەکرن. ئەڤ قوناخ سەخت بو براستی ئەڤ قوناغە ژبو “لاهوری گەلەک زور و زەحمەتبو. ژبەرکو هەڤگرتنا نەتەوی و ناڤێ هەڤسەروکیێ جیران گەلەک عاجز کربون ھەروها نوینەرتیا “مامەی پلێن “کاک مسعودی سار دکرن مالباتا “مامەی ژی خواستن خوە ژ بچویکاتیێ رزگار بکن، لەوما هەر سێ سوی، گوهشی وپاشی ژی هاربین لەوما ژبو پلانگێریێ خوە لسەر “لاھۆری ل بهانەیا گەریان و “لاهور شداندن و بەردەوامیا ئەڤێ پلانی ئەوە یان ئەوبو کو ڤێ قەفتکا “یەنەکێ بەلاڤ بکن و یەک یەکە بشکێنن. ئەگەر ئەز پارێزەرێ “لاهوری بام دا ژهەمو پێکهاتەین ئەڤێ هەرێمێ پرسم: ئەرێ وە جارەکێ جەندەکێ “مافیایەکی دیتیە، بریندارەک دزایندانەکا ئەڤێ هەرێمێ دا وە مافیایەک دیتیە ؟ من خوە لبەندا بەرسڤێ نەدگرت هما دا ئێکسەر بێژم: نەخێر. چونکی کوشتن بو کاوە و وەدادایە برینداری بو عبدالمسەور و غالبایە گرتن بو هێمن، بەدەل و شێروانایە. لەوما ئەڤ یەکە وەکی باوەریەکێ لدەڤ مە چیبو. هەرکەسەکی لڤی وەلاتی”نەئێت کوشتن ،دەرێخستن، لێدان و زیندان کرن ئەو نەکەسەک ئازادی خوازە ، لەوما دەما ئەز ڕەوشا “لاهوری یا نها دبینم کو پرە ژ بهانە و گەفا و حەتا ئەڤێ دەمژمێرێ ژی نە “لاهور رەڤی و نە خوە راژەنی لبەر هەر تشتەکی ئامادەیە کەواتە “دلسوزەکی ئازادی خوازە، نە تێکدەر و تاوانبار و مافیایە.