کراس گوهور
شەعبان مزوری
بێگومان سەنگەر گوهارتن، بوچون گوهارتن، ئول گوهارتن، ئایدولوژی گوهاتن و هتد، تشتەک زۆر سروشتیە، چونکە ئەزمونا ژیانا هەرکەسەکی ئەگەر ب وژدان بیت دێ بینیت سەردەم هەبوینە، شاشی کرینە یانژی بشاشی هزر کریە، لەوما پاشگەزبون ژ رەفتار، کار و بوچونێن شاش نیشانا مروڤێ ئاڤاکریە، بوێرە و ئازادە. لێ گرنگە بو کەسێن سەنگەرێن خوە دگوهورن گرنگە بشێن وێ گوهارتنێ ژبو نێزیکێن خوە زەلال بکەن.
وەک من ئاماژە دای لسەری پرسا د گڤاکەک تەندوروستدا دڤێت مروڤ هەما هەر دکراسەکی دا نەمینیت بەلکو مە هەمیا پێویستی ب نوژەنکرنێ هەیە. لەوما بابەتێ تەنها گەلێن رۆژهەلاتاناڤینن یێن کو پرانیا وان ئەز ژ نێزیک تێکەل بویمە.
من دڤێت راشکاوانە بێژم کژو من هیچ دژبەریەک لگەل هەیا کەسێن رەگەزا خوە دگوهورن، ئەگەر کەسەک نێر دناخا خوەدا خوە ژن ببینیت ئاساییە ترانس ئوپێراسیونەکێ بکەت ژبو ببیتە ئەو کەسێ ئەو دخوازیت، لێ ژبەر کو مروڤەک نێر خوە مێ دبینیت نابیت بو وی پشتی دبیتە وێ هێرشێ سەر هەمی رەگەزێ نێر بکەت، بەرەڤاژی ڤێژی ئەڤە بو رەگەزێ مێ ژی دەرباس دبیت.
ئول یانژی مەزهەب گوهارتنژی دڤێت نورمال بیت، چونکە مافێ دەربرین و ئازادیا هزرکرنێ یەک ژ مافێن سەرەکیێن مروڤانە د هەمی وەلاتەک دیموکرات دا. مروڤی ماف هەیە پروپاگەندێ بو هزرێن خوە بکەت لێ ماف زۆرێ یانژی دەسهەلاتێ بکاربینە ژبو چەسپاندنا رەنگەک هزرێ یانژی باوەریێ دژی ژیانا سەردەمانەیە.
زۆر جار دبینی کەسەک ئولا خوە یانژی مەزهەبێ خوە گوهورتیە ب ئولەک نوی یانژی مەزهەبەک نوی، لێ شوینا ئەڤینا خوە بو ئولا خوە نوی نیشان بدە، وێ هێرشێ بکەتە سەر ئولا کەڤن و برەنگەک پر دژوار و دوژمنکارانە. ئەڤەژی یەکگرتنا جڤاتێ سست دکەن و وەک ئەم دبینین لزۆر وەلاتا بویە ئەگەرا تێکدانێ و شەرێن ناڤخوەیی.
ژبەر هویێن جڤاکی و کەلتوری جڤاکا مەیا کوردی روبەروی کراس گوهورێن رەگەزی و ئولی نەبوینە، لێ ئەز دکارم بێژم وەک سەربورا خوە، کەسەک وەک کوردان بئاسانیپارتی و سەنگەرێن خوە نا گوهوریت. ڤان رۆژا لباشور ئەم بەرەف هەلبژارتنێن ئەنجومەنێ پەرلەمانێ عیراقێ ڤە دچین و چەندین نێزیک بین، چەندی نەختێ کراس گوهورا دێ بەرزبیت. رۆژانە دێ وەکی ترافیکا سپێدەیا لستۆکهۆلم لێ تێت، هند بەرەڤ رۆژهەلات و هند بەرەف رۆژئاڤا، هندەک بەرەف باکور هندەک بەرەف باشور.
وەک من ئاماژە پێکری پرانیا کراس گوهوران چڤێ نینە لەوما بکرێتترین شێوە هێرشێ دکەتە سەر کەسێن هەیا دوهی هەڤبیر بون. لڤێرە بێ دو دلانە خوێریترین ، گەندەلترین، پیسترین مروڤ دناڤ دەستهەلاتا کوردیدا ئەون ئەوێن کراس و سەنگەرێن خوە گوهورین
