نزار بێجان
بەشا یەکێ
“ز ل ۱٤ تەموزا سالا ۱۹٨۲ باێ شدەتی خوە بسەر تورکیاێ دە بەردا و ل ئاستێ هری بلندێ توندوتێژیێ زیندانا دیاربەکرێ دورپێچ کر. ئەڤ زیندانە ژ هەمو باجارێن ترکیا و کوردستانێ تژی ببی، ژ هەمو تەمەن، رەگەز، ول، ئاین و ئەتنیکان مێهڤانێن ئەڤێ زینداێ بون. چو جورێن ئەشکەنجێ نەمابون لسەر ئەڤان گرتیا نەهاتین تاقیکرن و بکار ئیناندن. ژ لێدان، هلاویستن، ڕویسکرن. پاشی ژی گوی خوارن، تەجاوز و سنگ قووتان و گەلەک جورەیێن دی ژی دهاتن کرن رێنماین ئەڤێ زیندانێ: ل زڤستانا برویتی لگەل هەڤ دانا بەرفێ دا و گوتنا مارشا جمهوریەتا ترک لسەر دهات سەپاندن. سلوگانێن رێڤەبەرێن ئەڤێ زیندانێ نەخێر بو کومونیستی، سوسیالزم و کوردینیێ. بەلێ بو یەک ئالا، یەک دەولەت و ترکیت یێ. ل دەولەتێ ناڤێ ئەڤێ زیندانێ “خوەندنگاها لەشکەری بوو و دناڤا زیندانی یێن دئەڤێ زیندانێ دە “دوژەهـ بو. مالباتێن ئەڤان گرتیا دروژێن دەستپێکێ دا دزانین کو گرتیێن وان ل کیڤەنە و جار جاران سەرادانێن وان ژی دکرن بمەرجێ کو ب زامانێ کوردی نەئاخڤن. و دگوتن وان ژی ئەگەر هوین ب ترکی باخڤن و بێژن ئەم ترکین چو پرسگرێکێن وە نامینن، و بەلکی هوین ئازادکرن ژی ببن. لێ بەلێ چو گرتیا سوز ڤینا خوە نەشکاندن ژبو رێ و رێبازا خوە لبەر خوەدان بەرنبەری داوەرێن ژی خوە کێم نەکرن حەتا گرتیێن ترک ژی ئێدی نەگوتن ئەم ترکین لسەر چالاکیێن خوە بەردەوام بون یا ددەستێ واندا مای خوە هلاویستن، شەوتاندن و کەتن روژیا مرنێ. و دڤێ مرنێ دا گەلێ ژدەرڤەی زیندانێ بسالا مری جاری زیندی بون و دەنگێ گەل بلندبوو. چالاکڤانێن بەهدینان بەردەوامیا ئەڤی دەنگی و دەستپێکا شورەشەکا نوی و سپی یە ل باشورێ کوردستانێ. .
