كوردستانینێرین

موچەیێ من بو گەنجەکێ بێ ژنە دیتنا دەلیفا کاری ئەرکێ منە.!

بژار نێروەی

Öppna fotot

دگەل نێزیک بونا ھەلبژارتنان دێ گەلەک سوز و وەعد ھێنە دان نە کارێ وان کەسانە یێن بوینە کاندید بو پەرلەمانێ عیراقێ، گرنگە کارێ وان بزانین بەری بریارەکێ بدەین لسەر ئەساسێ بەرژەوەندیەکا شەخسی و مفا وەرگرتنەکا تاکە کەسی، ………… پەرلەمان وەک دەزگەھەکێ گرنگ و پێتفی بو وەلاتی دھێتە دانان بو چافێدێریا کار و رێکەفتنێت حکومەتێ و دانانا یاسایان بو وەلاتی و رێکخستنا ژیانا مللەتان، پەرلەمانی دوۆ کارێن سەرەکی ھەنە، ئێک: چافدێریکرنا حکومەتێ د ھەمی بیافان دا دوۆ:دەرکرنا یاسایان، ژبلی فان ھەردوک کاران پەرلەمانی چ کارێن دی نین، بەلێ ئەگەر سەحکەینە دروشمێن فان کاندیدان دێ تشتێن گەلەک سەیر بینی، ئێک یێ دبێژیت دەلیفێن کاری دێ پەیداکەم، ئێک یێ دبێژیت دێ جادەیێن ھەوە قێرکەم ئێک یێ دبێژیت موچێ منێ ئەول بو گەنجەکێ بێ ژنە، ئەف دروشمە بتنێ خاپاندنە، ھێشتا کورد نە گەھشتینە وی ئاستێ دروست یێ دێ چاوا بانگەشێ کەی و دێ چ بابەت کەیە درۆشمێ خو.! ……………….. کاندیدێ ھێژا موچێ تە بوتە و نەکە موزایدە لسەرسەرێ گەنجەکێ، بەلکی کاربکە لەسەر یاسا وەرگرتنا سلفێن زەواجێ بو گەنجان، کاندیدێ ھێژا کارێ تە ئەو نینە تو دەلیفێن کاری بو چەند کەسەکا بینی، کارێ تەیە یاسایەکێ دەربکەی بنافێ یاسایا کاری دەمژمێرێن کاری دەست نیشان بکەی، د وەزارەتا پلاندانانێ دا،پلانەکێ بدانی چاوانیا کێم کرنا رێژەیا بێکاریێ.! چ درۆشمێن بریسقەدارن ھین لسەر خو دکەنە مال و بێ کو ئێک ژ سەدێ ژی جێبەجێ بکەن، ھین ب دەنگێن فی مللەتی دچنە سەرکورسیا دەسھەلاتێ و پاشی ژبیردکەن، سوزێن ھەوە بلا لدیف بەژن بالاھەوە بن، بزانن کارێ ھەوە چیە و دێ چکەن نە ھێن موچێ خو بدەنە فەکرنا خولەکا تەپاپێ و خولەکا دروارێ، ئەفە نە کارێن ھەوەنە، ھین بفێ چەندێ بھێزناکەفن لدەف مە، بەلکی ئەفە ھەمی موزایدەنە، …………….. یێ موچەی دبرن تویێ بێدەنگی،یێ رێگریێ ل دەزگەھێ پەرلەمانی دکەن بو چافدێریا حکومەتێ تویێ بێدەنگی، حکومەتێ دامەزراندن ژبیرکریە تویێ بێدەنگی، لایەنەکێ سیاسی ب دلێ خو ھەرو دگەل وەلاتەکێ رێکەفتنێت ژێربە ژێر دکەت تویێ بێدەنگی، شنی تە دفێت ب فەکرنا خولەکێ و ئینانا ژنەکێ بو گەنجەکێ و کرینا چانتەکێ بو قوتابیەکێ بدانی خزمەت و کارکرن.! ژبلی خاپاندنێ تشتەکێ دی نینە ئەفە، گرنگە خەلک بزانیت دروشمێن بفی شێوەی ب ھیچ شێوەیەکێ نابنە ئەگەر کو مافێن خو دەستەبەر بکەین ب ئێک دەنگ بون راستیێ دێ مافێن خو بدەست خوفە ئینن، نە ب دروشمێن وەھمی.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close