بژار نێروەی
دەولەت بھێز و رێکخستی ژلایێ ئیداری و کارگێری فە چجاران گازندێ ژ ھاولاتیێن خو نەکەن بوچی دخینن و دەردچن ل زانکو و پەیمانگەھا، چجاران نابێژن مە شیان نین، و نابێژن ل چ وەلاتان نینە تو دەربچی و ئێکسەر بھێیە دامەزراندن،! ئەو وەلاتێن وە دبێژن دشەکستینە ژلایی ئابوری و سیستەمێ رێکخستنا وەلاتی دا.! …………………….. ئەو وەلاتێن میلاکێن خو تژی کرین ژ فەرمانبەران و دامەزراندنێ و ئێدی وان دەرچویان دانەمەزرینیت، کەرتێ تایبەت وێ فەراغێ تژی دکەن، ب دانانا کومپانیان و کارگەھێن سادە و مەزن ژبو ھندێ بشێن کار بکەن و نەمینە بەتال، یان ژدەف خو دێ موچەیەکێ بو برن، ئانکو ب ھەمی شێوا کەس نابێژیتە ھاولاتیێ خو بخو شول بکەن مە فەرمانبەر نەفێن، …………………… ل کوردستانێ سەروکێ بەرێ حکومەتا کوردستانێ و جێگرێ وی گەلەک جاران ب نەراستەوخو ئەف چەندە گوتیە، سەروکێ حکۆمەتێ گوت بو ل چ وەلاتان نینە دەربچی و بھێ یە دامەزراندن، جێگرێ وی ژی گوت بو، ئەگەر ئەز لجھێ دەرچویەکێ بام، دا لبەر خارنگەھەکێ کارکەم..! ئانکو ئەو مشکیلا ھەوەیە ھەوە خاندی، بەلێ گەلەک جاران دێ بینن ھاولاتی بخو ژی دێ بێژن کار ھەیە بەلێ گەنج کار ناکەت خو مەزن دکەن، یان دێ بێژن ئیلا موچەکێ ملیونی بیت ھەتا کاربکەن، ئەسل و ئەساس بو فان گوتنا نینە، تە گەندەلی شورکریە لسەر جادێ ژی ئێدی کەرتێ تایبەت ژی ھاتیە قورخکرن، کار ب ریژا٩٠٪ نینە، ئەو کارێ ھەی ژی ب موچەکێ ٢٥٠ھزاری، کو ئەگەر بتنێ کرێیا ھاتنوچونا خو بدەت بو ھەر ھەیفەکێ پێتفیە ٣٠ھەتا٦٠ھزارا بدەت، ئەگەر خارن ژی لسەر وی بیت، چ ما وێرێ ژبلی بھایێ ئافێ و کارەبێ و باجێ، واتە دەرحەق نەدەرکەفت، بەلێ چ کەس نەشێت ب وی موچەی ژیانێ بورینیت، بو پەنابەرەکێ دێ قەتیت ژبەرکو ئەو بھایێ گەلەک تشتان نادەت، لێ بو سەروک خێزانەکێ دێ شەرمزار دەرکەفیت بەرامبەر خێزانێ، ……………… واتە بەسە بێژن گەنج فلان و بێفان، گەنجی پشتا خویا شکاندی ھندە سالە یا خاندی دا خزمەتا وەلاتی بکەت د پسپوریاخودا نەدا بچیت ئامانا بشوت یان جگارا بفروشیت، شەرم نینە کار، بەلێ شەرم ئەوە دەمێ ژیی دەسھەلاتا من سیھ سال بن و ھێشتا ئەف ھەمی نەھامەتیە ھەبن، و شکەستنێن خویێن ئیداری بێخیتە پاتکا مللەتی و گەنجی را، تایبەت جیلێ بەرێ بەردەوام دبێژن ئەفە جیلەکێ شیمە و بکێر تشتەکێ ناھێن بەحسا جیلێ مە، باشە بەرێز تە پشتەفانیا ھندەک کەسا یاکری گو گەندەلن، بوچی گازندێ ژمە دکەی، چبکەین ھەتا ھین بێژن، بەلێ ھین دمافدارن،.! سەردێرێ گوتارێ ژبو وان کەسا دەمێ گازندا دکەن ژنەبونا کاری، و ب درەوین قەلەم ددەن.! بەلێ ئە کار نینە، بەلێ پشتی فێ ئایا ئەز درەوینم یان تو…!
