نزار بێجان
” پشتی سەرهلدانێ دەما پێڤاژویا هلبژارتنا دەستپێکری، ژوی ڕوژێ و هرڤە ئەو یێ خوە بەر بژێر دکت بەر دەوم ژی دەنگا بدەست خوەڤە تینت و نوکەژی بەربژێرە.
ئەرێ تو ژی چ ئامادەکاریا دکی، تە چ پروژە هەیە ؟
! ئەو بەردەوام بەربژێرە و ژبو ئارمانجا خوە چوجارا جوک نەدانایە و ماندی ژی نابت.
ئەرێ ئارمانجا تە چیە، ما تو ژی بگازندکرێ ڤە ماندی نابی ؟!
هەلبەتە ئەو کەسێ خوە بەربژێر دکت ئەو کەس خوەدان حەزە و خونا ب ئارمانجا خوەڤە دبینت لەوما هەولددت بگەهت ئەنجامەکێ ئەوێ ل هیڤیا ئەنجامە هەلبەت خودان پلان و پروژەیە.
ئەرێ ئەوا کو توژی نەخوازی ئەو بگەهت ئارمانجا خوە، ئەرێ ما ئەو ژی ئارمانجەکە ؟!
ئەوی شیایە حەتا ۱٤ جارا خوە بەربژێر بکت و هەر ۱٤ جارا دەربکەڤت.
و دڤێ دەرکەتنێ دە ژی “تەقەز یێ بکێر هاتی، ئەڤجا بکێر چی و کێ! کێرهاتنا “عشرێ “حزباخوە یان ژی بکێر خوە؟ یاگرنگ کێرهاتیە.
ئەرێ توژی بکێر تشتەکی هاتیە ؟!
ئەو شیایە دەم بو دەمێ خوە بگوهورت وەک “روناکبیر “هونەرمەند “مەلا و “کورێ ئاغا عەشیری.
ئەرێ توژی دزانی جارەکێ ڕێیا کارکرنا خوە بگوهوری، تە چوجارا خوە گوهارتیە یان تە نەلبەرە جوجارا خوە نەگوهەری ؟!
وی شیا ۳۰ سالا گوهێن جڤاکێ فێری دەنگێ درەوێن خوە بکت و چاڤێن جڤاکێ وەلێ بکت کو رەنگێ وی بتنێ بێت دیتن و ناسکرن.
ئەرێ تە ژی شیایە راستی یەکێ بکی گوهارکەکی سڤک و نەرم کو جڤاک بێی بجنقین د راستیا ژیانێ بگەهت ؟ هەر وسا تە شیایە چاڤێن جڤاکا خوە هند روناهی بکی کو رەش و سپێ ژێک جودا بکت و بزانت دناڤ بەرا رەش و سپی دەژێ ڕەنگێ بەلەک هەیە ؟!
ئەو شیا ۱٤ جارا سختەکاری یێ ئەنجام بدت.
ئەرێ “سختە بکوردی چیە ؟!
ئەوی وەکی کو “عبدالرەحمان” ی گوتی: وی سەر، چاڤ و پێ نەڤێن. وی پەز دڤێت و هزردکت جڤاک اپەزە و حەتا مرنێ ئەو شڤانە. ئەرێ دەما تو ژی دبێژی جڤاک پەزە تە دڤێت خزمەتا وی بکی یان بێهنا خوە پێ فرەهـ بکی یان ژی گوتنا تە پلانە و تەژی ئارمانجەک پێ هەیە؟! ئەوی تێر خوار، ڤەخوار، پارە لێکدان و یێ کار دکت کو “دزی “حیزی “تالان و هەمی جورێن گێندەلیێ پێ ڤەشێرت و لداویێ بەروڤاژی یێ کار لسەر پرتوکەکا پر ژ قەهرامانی و ژیری یێن خوە، ژ دلوڤانیا لگەل جڤاکێ و دلسوزیا وەلاتێ خوە دکت کو ژ پێنڤیسا نڤیسەرەکی پروفیسورەکێ کولەتیێ دەربێخت و ناڤێ خوە لسەر بنڤیست و ژبو رایا گشتی و دیروکێ بوەشینت.
ئەرێ تو پرتوکا دخوینی ؟!
یان هەول ددی بەرێ جڤاکێ بدی زانین و زانستی کو بشێت ژ خەوا تێکچونێ، ژ نیڤا رێیا “ئاسملەبونێ ڤەکەرت و بپەرتوکێن خوە یێن دەنگێ راستیێ پرتوکا درەوێن وی ئاشکا بکت و پوویچەل بکت ؟!
ئەوێ ب کەنیڤە دبێژت من تەمەنەک درێکا دیموقراسێ یێ دا بداوی ئینا سوپاس کو لدەنگێ دەگدەرا خودان دەرکەتم.
ئەرێ تو ژی هەول ددی ل پێشەروژێ جڤاکا خوە فێری دەنگدانەکا جڤاکی بکی کو ئێکی ژخوە و بوخوە ب هلبژێرت ؟! ئەو دبێژت ئێدی بەرهنگاری نەما هەر “ئەز بووم، “ئەزم و دێ هەر “ئەز بم. ئەرێ تە ژی لبەرە تو خوە بگوهوری بو پشتی هلبژارتنا خوە دادگەهـ بکی و سەرو ژنوی برەنگەکی نووی یێ رێکخستنی لسەر گەشەپێدانا جڤاکی کاربکی کو جڤاک تەندورست و خوە ناس بکت دا بشێت بەرهنگاری یا یێ بەرەمبەری خوە بکت؟!
یان ژی دێ هەر وەکی خوە مینی “پتپتی و ل تورێن جڤکاکی نیز نیزێ کی و ئالایێ چالاکڤانیێ بەروڤاژی بلند هلدی ؟!
