رۆژه‌ڤكوردستانی

مەسعود بارزانی سەروکێ عیراقێ

د. شەبان مزوری

پشتی دەرئەنجامێ هەلبژارتنێن عیراقێ تێن پشراستکرن بو جارا دوماهیکێ ژ لایێ کومیسیونا هەلبژرتنا عیراقێ تازە وێ گروپ گروپکرنا هێزێن ناڤا پەرلەمانێ عیراقێ دەستپێکەت، راستە ئەڤ دانوستاندنە ژمێژە دەستپێکرینە لێ دوماهیکێ سەرئەنجاما هەلبژارتنا یە هێزا هەر لایەکی نیشان ددەت. یەکەمین پێنگاڤ وەک هەردەم وێ هەلبژارتنا سەروکێ پەرلەمانی کو دڤێ بەری ڤێ پێگاڤێ لایەنەک زورینا پەرلەمانی پێکبینیت و لسەر هەرسێ سەروکاتیا لهەڤ بکەن. واتە هەلبژارتنا سەروک پەرلەمانی نیشانا لهەڤ هاتنێ یە لسەر سەروک کومار و سەروک وەزیر.

وەک ئەم هەمی دوزانین کو سەروک وەزیر دڤێت شیعە بیت و هەردەم ئەڤ پرسەیە پترین دەمی دکێشیت ژبو نامزەدکرنا سەروک پەرلەمانی و سەروک کوماری لدویف دا، هەرچەندە هەردو پوستێن دوماهیکێ پێشیا یێ یەکەمین تێن هەلبژارتن. بمن بو مە کوردا گرنگە ئەم خوە تێکەلی پرسا سەروک وەزیر نەکەین تا کەندیدێ وێ نەیێت پشتراستکرن، چونکە بونا مە بەشەک ژکێشا شیعا وێ زیانێ بدەت پرسێن مەیێن هەلاویستی لبەغدا وەک مەدیتی بەری نوکە.

بمن زۆر گرنگە کوئەم پرسا سەروک کومارێ عیراقێ بجدی وەرگرین، تا رۆژا ئەڤرو مە سێ سەروک کومار هەبوینە، جەلال تالەبانی، فوئاد مەعسوم، بەرهەم سالح، لێ پشتی جەلال تالەبانی هەما بێژە پۆستێ سەروک کوماری مر، چونکە کەسێن پشتی وی هاتین نەکەسێن کارتێکەر و بریاردەر بون دناڤ پارتا خوەدا، نە کەسێن خوەدان کەساتی لناڤ لایەنێن دن یێ باشورێ کوردستانێ، بەلکو کەسێن لاواز بون و ئەڤ پوستە تەنها مایە پارەک باش و ئەنجامەک خراب.

من بخوە هیچ نەڤیانەک هەمبەر ڤان کەسا نەبویە کو پشتی جەلال تیلەبانی بوینە سەروکێن عیراقێ. لێ ڤێ جارێ کوردا پێویستی هەیە بکەسەک کارتێکەر، بریاردەر، کاریزما و خوەدان رێز لدەف هەمی لایەنێن عیراقێ، بکاریت سیاسەتەک بەرپرسانە بگێریت لبەغدا ژبو هاریکاربیت ژبو دەستهەلاتا هەرێمێ ژبو چارەسەرکرنا پرسێن هەلاویستی ل گەل هوکمەتا ناڤەندی. کورد نابیت بچاڤێ موچە و دەرفەتەک کار تەماشەی پوستێ سەروکێ هەرێمێ بکەت، بەلکو بو مە کوردا ژڤی پوستەی گرنگتر و مەستر نینن وەک دەرگەهێ دبلوماسی بو ناڤ جیهانا دەرڤە، دانە ناسکرنا کوردا، پەیداکرنا هەڤخەمی و پالپشتیێ بو پرسا کورد بگشتی، لەوما لدویف دیتنا من مەسعود بارزانی سەروکێ پەدەکێ باشترین بەربژێرە کوردا هەی ژبو پوستێ سەروک کومارێ عیراقێ. مەسعود بارزانی خوەدان سەنگە لناڤ  عەرەبا و خوەدی تێکەلیێن تا راددەکێ بەر فرەیە لسەر ئاستێ هەرێمێ و جیهانی ئەڤە ژ لایەکی، ژ لایەکێ دی کەس ژ مەسعود بارزانی ژناڤا کوردێن باشور باشتر نکارە ڤی پوستەی پرکەت و ژیانێ بدەتێ.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close