محەمەد چەلکی
د دیرۆکا ئەمریکا دا چ سەرۆک وەکو دونالد ترامپی عاشق و نۆژێ کورسیکێ دەستهەڵاتێ نەبوویە، ب رەنگەک وەسا ب چ ئاوایا و هەتا ئها ڤێ گاڤێ ژی دان ب دۆڕانا خوە د هەلبژارتنان دا ناکەت و دبێژیت:” دەنگێن من یێن هاتین دزین و گزی و حیلە و حەوالا جۆ بایدن ئینایە سەر تەختێ فەروەریا ئەمریکا! لێ ئەمریکا دەولەتا دەزگەهایە و ب چ رەنگا رێکێ نادەت عاشقێن کورسیکا ژ دوو گەرێن هەلبژارتنان پێڤە بچیتە سەر تەختێ فەروەریێ. دونالد ترامپ ب سەرۆکێ تویتەران دهاتە نیاسین و ب تویتەرێن خوە جیهان هەموو بێهن مالق کربوو ژ بلی تویتەران دیدێن خوە یێن رەگەزپەرستی ڤەکری بەڵاڤدکرن د دەزگەهێن سوشیال مەدیایێ دا کو کار گەهەشتە وێ یەکێ کو قردێلا سۆر ل سەر پەنجەرێن وی دانان و دەنگێ وی قوتکرن. بڤێ چەندێ تارمپ هار و شێت بوو و هەموو بزاڤ کرن دا پەنجەرێن وی بهێنە ڤەکرن لێ دادگەهێ بریارا کوتا دابوو، بێهیڤی و ملشۆر ژ هەموو بزاڤێن ڤەکرنا وان پەنجەران دەستڤالە زڤری. وەک دهێت زانین، ترامپ دان پێنان ب شکەستنێن خوە ناکەت و هەر چاڤێ وی یێل بلندیێ و بێزار نابیت ژ هنلگاڤتنان، لەوا ب دەمەکی کورت شیا پەنجەرەکا دن ل سوشیال مەدیایێ بڤەکەتن, ئانکو تۆرەکا دن ل سوشیال مەدیایێ زێدەکر کو ژ نهو وێڤە دێ بیتە ڕکابەری سەرەکی یێ سەکۆیێن سوشیال مەدیایا فەیسبۆک و تویتەرێ یا سوکەربێرگی. دبیت هەما شوینا وێ بگریت چونکو کۆمپانیا فەیسبۆکێ ل هەمبەر دادگەهێیە و نەچار کریە کو هەتا ناڤێ خوە ژی بگوهۆڕیت! ئەڤە خەبەرەکێ خۆشە بۆ مستەر تارمپی. پەنجەرا مستەر ترامپی ب ناڤێ “truth social” ب واتا متمانا جڤاکی و یەکەم پەیڤا ل ڤێ تۆرا نوی یا سوشیال مەدیایێ دا بەڵاڤ ببیت دێ پەیڤا مستەر ترامپی بیت. ب زڤڕینا مستەر تارمپی بۆ ناڤ تۆڕێن جڤاکی دێ جۆشەکا دن کەڤیتە تۆڕین جڤاکی و گۆتارا رەگەزپەرەستی دێ ل سەر چەمکی بیت. مەترسیا گۆتارا رەگەزپەرەستی ئەوە سنووران ناس ناکەت و هێزدار دێ نۆرمێن خوە ل سەر لایەنێن بێهێز سەپینیت، ئەگەر حوکمەت و قانووندانەرێن ئەمریکا چاڤێن خوە ل وێ گۆتارا ترامپ پێشەنگیێ دکەت، نقاندن ل بن فشارا هەر پاساوەکێ بیت، دڤێت جیهان ب تایابەت رۆژئاڤا خوە ئامادە بکەت بۆ ب رۆژهەڵاتبوونێ و ڤەگەریتە سەردەمێ شەرێ ناڤخوە یێ هەردوو کلیسا(کلیسا کاسولیک و پرۆستانت)، یێ پشت ڕاستم ئەڤە ناهێتە هەبوونێ لێ گریمانە چونکو ئەمریکا و رۆژئاڤا دەولەت ل سەر گرێبەستا جڤاکی و دەزگەهێن جڤاکێ سڤیل ئاڤا کرنە کو ئەڤە ب خوە بەربەستەکا هەری بهێزە ل دژی سەر خولولەیێن عاشقێن دەستهەڵاتێ و نژادپەرەستێن باوەری ب پێشداچوون و سەروەریا رەگەزەکی دکەن کو ئەو ژی پیست رەنگن. ل هەیڤا بهێت پەنجەرا سوشیال مەدیایا ترامپی دێ کەڤیتە کار و هەر زووی دێ هێز و هێزا قانوون و دەزگەهبوونا حوکمەتا ئەمریکا دیار بیت کانێ دێ کاریت هزر و تویتەرێن نژادپەرەستیێن ترامپ و هەڤ ئاوازێن وی لغاڤ کەن ئان نەء! ئەز باوەر دکەم کو دێ لغاڤ کەن. لێ هەر چەوان بیت ئەڤ پێنگاڤا ترامپی دێ قورغکاریا کۆمپانیا فەیسبۆکێ د بیاڤێ سوشیال مەدیایێ دا ناهێلیت و ژبلی پتر دێ خزمەتا سوشیال مەدیایێ هێتە کرن.٢١-١٠-٢٠٢دهۆک
