كوردستانینێرین

ب سیاسەتا جهـ گر دشێین چ بدەست بێخین؟

سەگڤان ئەرتیسی

هەر چەوابیت پێویستە هەول و بزاڤ د رژدبن ل سەر ڤەدیتنا چارەسەریا ژ ڤان نەهامەتیا، ژ بەرکو روژ بۆ روژێ نژاندنا ئاریشا نژاندیتر لێ دهێن ، و رەشبینی پتر خوە د مە د ئالینیت مینا دار ئالینکێ ، ژبەر وێ پێویستە ئەم خوە ژ ئانتیاتیێ دویر بێخین ، ژبەرکو تەنها ئەوا ژ ئانتیاتیێ دهێت بەرهەمئینان روژ بۆ روژێ کەرب و کین و ژێک دویرکەتن و مال وێرانکرن و نە زێدەتر ، ئەوا گرنگ بۆ ڤەدیتنا ڤێ ئاریشێ وەک چارەسی بەرپا بۆنا ئۆپوزسیونەکا ب دویربین و دویر ژ ئەنتیاتیێ یە ، بەلکو تەنها هەبوینا پروژەکێ درێژخایەنە ل سەر بنیاتێ تیورێن گشت گیر و درێژخایەن ، ژ لایێ کەسانێن بیرمەند ڤە کا دێ چەوا شێن گەهن ئارمانجا ، سیاسەتا جهـ گر ئێک ژ وان تێکوشانانە کو پێویستیا وێ ب جان فیدایەکا ئێک جار زورە لێ ئەو جان فیدایە دێ یا ب بەرهەم بیت ( گرامشی ) ، ل سەر ڤێ بۆچونێ ب دیتنا مە دگەل سیاسەتا جهـ گر دویرکەفتن بیت ل تەڤلیبوونا وێ ئۆپوزسیونێ بۆ دناڤ حکومرانیێ دا ، ئەگەر هات و ئەوێ هێزێ شیا 50 کورسیێن پەرلەمانی ژی بدەست بێخیت ، و شیانێن پێکئینانا حکومەتێ هەبن ژی دڤێت خوە دویر بێخیت ژ پێکئینانا حکومەتێ ژ بەر کو نژاندنا ئاریشا و کەم و کوریا ناهێلیت ئەو هێز یا سەرکەفتی بیت ، ئەگەر هات و بەشداری حکومەتێ بی ،ئەم باوەرین د هەلبژارتنێن بهێت دا دێ مەزنترین شکەستنێ ژ لایێ پارتێن خوەدانێن نژاندنا ئاریشا دێ ب سەر وێ هێزا ئۆپوزسیونێ ئینن ، ئەوا ل سەر مللێن وێ هێزێ ئەوە کۆ پێشنیاربکەت هەر لایەنەکێ پروژێ مە وەربگریت و جێبەجێ بکەت ئەم دێ پشتەڤانیا وێ هێزێ کەین بۆ نمونە چ پارتی بیت یان ئێکەتی ، هەردەما ئێک ژ وان ئەو پروژە جێبەجێ نەکر ئێک سەر ئەو هێز دشێت وێ حکومەتێ ژێ بستینیت و پشتەڤانیا حکومەتەکا دی بکەت ، کو مەرج ژی د دیارن ئێک گرتنا هێزێن لەشکەری و ئەمنی و دویرخستنا دام و دەزگەهێن میری ژ بن هەژمونا حزبی و گەلەک چاکسازیێن دی ، هەردەما ئەڤ چاکسازیە هاتن کرنێ بێ ئێک و دوو هەر هێزەکا شیا کورسیێن پێتڤی بدەست بێخیت ئێکسەر و بێ ئاریشە دێ شێت حکومەتێ بدەست ئێخیت و هیچ لایەنەک نەشێت ب بیت رێگر د رێکا پێشخستنا حکومەتێ دا ، تەنها ئەو شاشی نەبن ئەوێت ئەو هێز ب خوە دکەتن، ئەز وەسا باوەرم ژ دەرڤەی سیاسەتا جهـ گر هیچ رێکەکا دی یا ناڤخووی نەشێت ڤی بارودوخی بگوهەریت.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close