كوردستانینێرین

دای و باب و قارەمانی خوە د ئێک پیروزی دا د بینن ئەگەر ب دروستی تێبگەهن!!!

سەگڤان ئەرتیسی

ئاستێ هشیاری و تێگەهشتنا جڤاکا پراکتیزەکرنا کریار و ئەرکا دیاردکەن! جڤاک ژ جڤاکا جیاوازتر ڤان رولا د بینن! کا دیتنا وانا دورهێل د چ ئاست دا د بینیت دێ وێ هەلینیت! زور جارا ژ لایێ دای و باباڤە، خوە ژبیرکرنەک هەیە، دەما هەمی ئەرک و کارێن خوە دکەن منەت سەر سەرێ زاروکێن خوە! و ب توندی کار و ئەرکا پێ د سپێرن و ب تەهدید وانا تێخن بەر رێکێن مەترسی! وەک دبێژنێ ئەز بو تە فلان و بێڤان کارا دکەم و هێشتا تو نە رازی! یان دێ تە فرێکەم کولانا، یان تە بڤێت نەڤێت دێ کارکەی ما نانێ گوهـ شور و چاڤ شورا کێ خاری یە! و زور میناکێن دی! راستی بو من بخوە زور سەیرە! بێژە بۆ؟ ئەرێ ڤان زاروکا چ واستە گرتینە یان داخاز ژ ئێکی کری نە هەتا وانا بینن سەر دونیایێ! یا راست و دروست ئەوە دای و بابا بڤێت نەڤێت دڤێت خزمەتا ڤان زاروکا بکەن، چونکی وان دای و بابا ئەو زاروک بێ حەزا وانا یێت ئیناین سەر دونیایێ یان بێژین بۆ کەیف خوەشیا خوە یێت ئیناین سەر دونیایێ! لێ چ بکەین تێگەهتشن و وەرگرتنا بابەتا زور ئەستەمە دناڤ جڤاکێن هەڤدژ دگەل هەمی تێگەهێن ژیانێ! بوچی مە قارەمان هەڤبرکر دگەل رولێ دای و بابا؟ ب دیتنا من هەردوو ئەرک بەروڤاژی دهێن وەرگرتن! چونکە ئەوێ ب رزگارکەرێ جڤاکی رادبیت یان خوەدی دەردکەڤیت! ئەو جیاوازیا وژدان و هەستێن وینە و نە تشتەک دی! چونکە وی جڤاک نە خستی یە بەر راپرسیێ ئایا وە دڤێت ئەز ب بم رزگارکەرێ وە یان نە؟ هەتا ئەو قارەمان ئەرک و کریارێن خوە ل سەر جڤاکی بکەت منەت! مەبەست ل ڤێرێ ئەگەر ئەڤ جورە کەسە ب دروستی د رولێ خوە بگەهن، چ جارا دل ساری و بێ ئومێدی ناکەڤیت دناڤ هەست و وژدانا قارەمانا و هەردەم ئەو قارەمان دێ بنە میناکێن هەرە پیروز بۆ نڤشێن داهاتوو! ژبەر وێ سەر دای و باب و قارەمانا فەرە رولێ خوە یێ دروست بزانن و کار و کریارێن خوە نەکەنە منەت، تاکۆ بشێن ئەرک و کریارێن خوە ب پیروزی بگەهینن مەبەست.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close