كوردستانینێرین

سۆپرایزا نوو د ڕێدایە

سەردار هێتوتی

ئەڤە کوردستانە، ڕۆژانە تشتێن ژ دەرڤەی هزر و خەیالێ رویدەن، جار شەرێ براکوژیێ جار ژی دابەشکرنا نیڤ هەرێمێ بۆ دوو پیچکە هەرێما، جار ژی ئاڤاکرنا سوپایێ عیراقێ ب هێزا پێشمەرگە، جار ژی شەرێ کورسیکا و پارە ل بەغدا و نەبینا گرنگیا پرسێن نیشتیمانی و نەتەوی ل نیک پارتێن سیاسیێن کوردستانێ، جار ژی دابەشبوونا ڤان پارتان ل سەر دەوڵەتێن هەرێمی و نیڤ دەولەتی و بکارئینانا وان ژ لایێ ڤان دەوڵەتێن هەرێمی ڤە بۆ مەرەمێن خۆ یێن سیاسی و ئابووری، هندەک جاران ژی گەفێن دەوڵەتبوونێ و د نوکە دا ژی شەرێ جوت سەرۆکان و گرانبوونا بهایێ نانی و پەنزینی و غازێ و زەیتێ ب بەهانەیا گرانبوونا بهایێ دولاری. دگەل دوماهی هاتنا هەلبژارتنێن جڤاتا نونەرێن عیراقێ هەر تشتێ گرێدای ڕەوشا ژیاناخەلکی سەروبن بی، ئار گرانبوو، غاز هەر نەما و بهایێ پەنزینێ دووبەرامبەر لێهات و لێگەرێن خینێ ژی ل دەرگەهێن مالا ددەن و داخازا کریا ئاڤ و جوت کارەبا و گلێشی و سڵاڤا دکەن و خەلکێ رەبەن و نەدار و بێ دەسهەڵات ژی چ نەمایە نەدیتیە و نەچارە ئەگەر کورێ نەخری فرۆتیە دڤێت وان کریا بدەت. لەورا دەما ژ ڤێ ڕەوشێ دنێرم باش دزانم و بۆ من یا زەڵالە کو د دەمەکێ نێزیک دا دێ پیڤەرێ هەوا و ئوکسیژنێ لسەر ڤی مللەتی هێتە گریدان و هەر ئێک ژ مە دێ کلاڤەک لسەری بیت کو هەلگرێ پیڤەرێ ئوکسیژنی یە و دڤێت بهایێ وێ ئوکسیژنا ئەم د هەڵکێشین بدەینە ڤان تاڵانکەرێن وەڵاتی. ژ بەر ڤێ چەندێ هندی بمینین دێ ل ڤی وەڵاتی تشتێن سەیروسەمەر بینین، لەوما ب بەردەوامی سەرەدانا نەخۆشخانێن وان یێن تایبەت بکەن دا ژی درێژ بن ژ بۆ دیتنا ڤان سەیروسەمەران

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close