جیهانیكوردستانینێرین

دین دکتاتورا د ئافرینیت

کرمانج هاریکی

ئەڤ رەوشا خراب یا گەلێ مە تێدا دژیت هەر هەمی بو دواکەوتیی و پاشڤەمانا عەقلێ مە ڤەدگەریت. ئەو عەقلێ کو هەردەم ب دو ئالیاڤە بەربەست ل بەر هاتیە دارژتن. ژ ئالیێ سەران و مەلایێت ئیسلامێ ڤە و ژ لایێ کولنیالیزما جیهانی ڤە . هەردو ئالیان هەردەم ئیسلام وەکی ئالاڤەکێ پیروز و هوشبەر ب دژی عەقلێ سەردەمێ جڤاکێ ب کار ئینەیە.ژ مێژە ئیسلام بویە ئامیرەکێ کارا د دەستێ ئیمریالیزما جیهانی دا کو ، ب دژی گەلێن روژهەلاتا ناڤین و جهێن ئاڤا گەرم ب کار دئینن. هەردەم پالپشتیا عەقلێ بوگەنێ مزگەفتێ و پاشڤەرویا درەوێن دیروکا ئیسلامێ یا تەژی کارەسات و درندە یا کری. سمبولێن مەزن یێن خوینرێژ یێن کریە کابوس دانایە سەر سینگێ جڤاکێن پاشڤەمایی.هەر چەند کەس و رەوشەنبیر و خودان هشیاریا جڤاکی هەول دابن کو ببنە چرایێ روناهیا رێیا جڤاکێ هەر ب دەستێ ئیسلاما سیاسی یا درندە یا داردەست و عەمیل یێت ڤەمراندی. ب دەهان رەوشەن هزر و نویخاز ل سەر ئاستێ دیروکێ د رێیا هشیاریا جڤاکێ دا ب دەستێ شەمشەمە کوێرێن ابن التیمیەیی یێت بویە قوربانی. هەر ل سەرەتایا ئیسلاما سیاسی هەیا نوکە سالانە مروڤێن روناك بیر ب دەستێن رەش یێن ترورێستێن ئیسلامێ یێت هاتیە ل ناڤ برن . هەر ل نوەیری و عبداللە المقفع و حەلاج و سهروەردی و ابن الرشد و ابن الروندی و ابن السینا و تا دهێتە ڤی سەردەمێ ئەم تێدا ب دەهان کەسێن وەکی شریعەتی و عبدالخالق معروف و معروف الرصافی و فرج فودە و…. یێن ب دستێن رەش یێن درندەیێن ئیسلامێ هاتیە کوشتن و تەفر و تونا کرن. بێگومان ماکا پاشڤەمانا مە ژی د ڤی سەردەمی دا پاشڤەرویا عەقلێ ئیسلامیە. ئەو ئیسلامو شیای جڤاکەکا رزی و عەقل گەنی و دو رو و نەساخ ئاڤاکەت. هەردەم درەو یا کریە بنگەهێ خو ل سەر ئاڤڤاکرنێ. درەوێن مەلا و پەروەردا مزگەفتا یێ وەل جڤاکێ کری کو هەردەم خو ب کوێلە و دەرون نزم و حەز خواز ببینیت. مزگەفت یا کریە مەرکەزەکێ بێوژدانی و درەوا و خەیالێن ئاشوپی بێ بنگەهـ و بێ بنەما. مزگەفت و پەروەردێن عەقلێ بوگەنێ مزگەفتێ سەدەمە کو مروڤێ موسلمان ب گشتی مروڤێ کورد ب تایبەت خو وەکی مروڤ نەبینیت. ئیسلام هەر کومپلێت پاکێتەکا غەدر و درەو داگیرکاریێیە چ پەیوەندی ب پیروزیا خوداوەندی روحا پیروزا قودسیەتا لاهوتیەتێ و کەسایەتیا مروڤی ڤە نینە. گەر مروڤەك فاما ب هوری گوهێ خو بدەتە مەلا خودێ د هەمبەری عەرەبادا یێ کریە خزمەتکارێ و وەکی دڤێت وەسا ب کار د ئینن.ئەگەر هویر گوهێ خو بدەیە وتارێت مەلا ل مزگەفتا دێ تو ب خو بینی کو ٨۰٪ ل وان ئاخفتنێت دبێژن درەون و بێ بنەمایەکێ زانستی و دبێ بەلگەنە . دینەکێ تەرهیبی و تەرغیبیە ل سەر بنگەهێ شاباش و بەرتیلێ یێ ئاڤا بوی. ئەخلاق د هەمی دیروکا ئیسلامێدا ل سەردەمێ نبوەتێ حەتا دگەهیتە قاعیدە و داعشا یێ هاڤیە واتە یێ غائیبە. ئیسلام دینەکێ قەومەچی عروبی توندرەوێ تروریستیانەیێ عەرەبیە. ئەم بدارێ زوریێ یێت پەلکێشی ناڤ وێ تاریستانێ کری. سەدەمێ حوکمێن دکتاتورییێن جیهانا ئیسلامی ژی هەمی ب ئەگەر دەستوریەتا لاهوتی قورئانیە. نەهێلایە د وان وەلاتان دا مێشکێ مروڤی وەك تاک و جڤاك کارا ببیت. هەردەم قورئانەکا تەژی ناسخ و مەنسوخ و تەزویرا سەر دەمێ عەباسیایا کریە دەستور. نەهێلانەدەستورێن ناسوتی واتە ئینسانی ل مێشکێ جڤاکێ ل گوربەرژەوەندا سەردەمیانەیاجڤاکێ ل ناڤا جڤاکێت ئیسلامی دا پیادە ببن . بەلوڤاژی هەر ب درەوێن شاخدار و ب ترس و توقاندنێ دکتاتور یێت ناڤ گەلێن دەڤەرێدا ئاڤاکری. ئەگەر ئەم ل جیهانا پێشکەفتی یا جڤاکی و پیشەسازی و تەکنولوجی و ئەلکترونی ب مەیزینین. دێ بینین هنگی پێشکەتن پشتی دین هاڤێتیە د کەنیسان دا. دینێ خو خەساندی و دەمکوت کری. دەستورێت مروڤی و واقعی د ناڤ جڤاکاندا سەرهەڵدای. دەستورێن لاهوتی بونە توحفە و ئەنتیك کەتنە موزەخانادا. ئەم ژی وەکی مللەت تاکو خو ل وێ تەخەلوفا عەقلێ دینی رزگار نەکەین تا قورئانێ دیسان بچاڤەکێ عیلمی رەخنەگرانە نەخوینینەڤە. وات هەمی تەزویراتێت سەردەمێ عەباسیا ل قورئانێدا فرەنەدەێ . چارەیەکێ ل فەلسەفا ناسخ و مەنسوخا نەکەین. خو ژ نەخوشیا عەنعەنێ رزگار نەکەین. وان فەرمودە و دەقێن هەلبەستی ئادە نەکەین ئەم نابینە مروڤ. تاکو ئەمقورئانێ ل حەیاتا مروڤایەتیێ نەئینینە دەرڤە. نەکەینە توحفەك بەس بو لێ نێرینێ بیت ئەم نەشێین دگەل گەلێن جیهانا پێشکەفتی رێ بکەین وخو پێش بێخین.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close