بژار نێروەی
حکومەتێن ژیر و زانا دترسن ئەگەر خەلکێ وان باوەڕی پێ نەما، ھەروەک چیروکا درەوینی لێ دھێت ئاگر بەربو مالا وی کەسێ باوەر ژێنەکر، چونکی لدەمێ پرا باوەریێ ب حکومەتێ و دەسھەلاتا نافخو ھەرفت کارێن گەلەک مەزن دروست دبن و ئەف کارە د بەرژەوەندیا ھەردولایان دا نینن، چونکی باوەری تاکە رێکە مللەت و حکومەت د ئێک دو بگەھن، ……………. دسالێن بوری دا بھایێ نەفتێ گەلەک ھاتەخار کوێت ئێک ژ وان وەلاتان بو کو رێژەکا زورا فەرمانبەرا ھەیە وی دەمی ب سوشیالێ ھەمیان ب شێوەیەکێ ب ترس تەماشەی ژیوارێ خودکرن ژ ترسا برینا موچێ وان ل کومبونا ئەنجومەنێ وەزیران ئێک ژ وەزیڕان داخازکر کو موچێ مللەتێ وان بھێتە کێمکرن و برین، بەلێ ل وی دەمی سەروک وەزیڕێ کوێتێ گوت: ئەز دێ دەستێ خو برم موچێ فەڕمانبەرێ خو نابرم، ژفێ لێدوانێ کوێتی گەلەک کەیفخوش بون و بو ئەگەرەک خەلک ھێجەتا بو حکومەتا خو بینن، ھەڕ ئەفە بو ئەگەر ژکێم خزمەتگوزاریا رازیبون ھەتا نوکە کوێت ھێدی ھێدی بەرەف پێش دچیت، نە حکومەتێ باوەریا خو شکاند نەژی مللەتێ وان باوەریاخو دگەل بری، ………………….. حکومەتا ھەرێمێ گەلەک پێتفی ب وەزارەتەکێ یە بنافێ (وەزاڕەتا زفراندنا باوەڕیێ) دونیایەکا قەیڕانان بەروکا فی مللەتی گرتیە و حکومەتێ بێدەنگی لسەڕ ھەلبژاڕتیە،دفی دەمێ نوکە دا ھزاڕەھان گەنجا ئەف وەلاتە ھێلا و بونە قوربانیێت شاشیێت مەزنێن حکومڕانیا کوردی ددەمێ سھ سالان دا نەشیان سەرەتایترین ماف بو دابین بکەن، وەک موچە و غاز و گاز و پەنزین و کارەب و ئاف، ئەفە مافێن گەلەکێن دەست پێکی نە، لێ نە ھاتینە چارەسەرکرن، ئەگەر حکومەت نوکە بێژیت ئەم دێ موچا دابەشکەین فەرمانبەر دێ بێژن ھەتا ئەم وەرنەگرین باوەڕناکەین، نەبونا باوەریێ شکەستنە بو حکومەتێ و سەڕوەیاوێ و لفێرە عیڕاق دێ مفادار بیت بجیکتڕین ھاولاتی تا دگەھیتە پەرلەمانتاری باوەری نەمایە ب حکومەتێ ئەرێ پا گەر ریدانەکا مەزن بومە بھێتە ڕەوانەکرن ژلایێ روژھەلاتا نەفەراست فە دێ ژیوارێ مە چ بیت..!
