كوردستانینێرین

وەرار و ئازادیا جڤاکی د بازنەکێ دا

سەردار هێتوتی

پەیوەندیێن کویر دناڤبەرا ئازادیێن سەرەکی و وەرار و گەشەپێدانا جڤاکی دا هەنە، جڤاکێ ئازاد ب هەموو پیڤەرێن ژیانێ جڤاکەک گەشەکریە چونکی گەر تاکێن وی جڤاکی ئازادی نەبان نەدشیان بگەهنە گەشەکرنەکا هەمی لایەنە و نەدشیان کۆمەڵە و جڤاکێ خۆ بگەهیننە گوپیتکێ، لەوما ئەڤ هەر دوو دەستەواژە زێدە گرێدان دگەل ئێک دا هەیە. ئازادیا جڤاکی دبیتە ئەگەرێ زێدەبوونا بەرهەمێ نافخۆیی و بلندبوونا ئەولەکاریا جڤاک و دەوڵەتێ و بهێزبوونا هەمی کەرتێن ئابووری و دابینکرنا پێدڤیێن پەروەردەهیێ و زێدەبوونا چاڤدێریا ساخلەمیێ و مافێ مرۆڤی بنەجهـ دبیت دناڤا دەستور و دادگەهان دا و ل کولانان ژی ئەڤ ئێکە بەرچاڤ دبیت و مافێ سیاسی و گروپ و ڕێکخراوێن سیاسی بەرەڤ زێدەبوونێ دچن و خەلک ب ئازادانە دەربرینێ ژ گوتن و باوەریێن خۆ دکەت و د هەمان دەمدا سنعەت و پیشەسازی وەرارێ دکەن و تەکنولوژیا زێدەتر بەرەڤ پێش دچیت. لەوما یا فەرە ئەڤرۆ ل کوردستانێ ژی ئازادیەکا رەها ب یاسایێن ستاندەرد یێن جیهانێ بهێتە هەبوونێ داکو گەنج ب ئازادانە بشێن کارێن خۆ بکەن و بەرهەمێ خۆ بدەنە جڤاکی و کار بۆ پێشڤەبرنا ژیانێ ل ڤی وەڵاتی بکەن چونکی پەیدابوونا گەشەیەکا ئابووری یا بنەجهـ دبیتە ئەگەرێ نەهێلانا هەژاریێ و کێمبوونا هێزا دکتاتوران.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close