پەیبەڕ پەنابەڕ
.. دیاڕە کو دیاڕدا کوشتن و تول هڵدانێ هەڕ چەندە نەڕیتەکێ کەڤنێ چڤاکێ مڕوڤانە ب گشتی لێ بتایبەتی ڕەهەندەکا دیڕوکی یا هەی ل ناڤ مە کوڕدا دا . لێ هنگی پاشکەفتن و ژەنگا خێلەکی ببو کولتوڕ بڕادەکێ گەهشتبو ئاستەکێ کو تاڵان بڕن و ب سەڕداگڕتن و کوشتن ساڵوخەتێن خێل و ڕەشەک و ئاغابون و ب شانازی و مێڕخاسی دهاتن ل قەلەم دان و ماڵبات ل سەڕ وی ئەساسی دهاتنە پێش و دبون مەزنێن هۆزا و میڕگەها و دەڤەڕا . لێ مخابن د ڤێ جهانا پێشکەتی و مودڕن کو ئەڕک و ماف ڵ ژێڕ سیها جەکوجێ یاساو دادگەهێ دهێن ئێک لاکڕن.. نوکە ژی دناڤ مە کوڕدا دا ب چەکی و توندو تیژیێ یە . دەمەکە ل کوج و کوڵانێن هەڕێما کوڕدستانێ و ل بەڕچاڤێن خەڵکی سەڕا لەفێ یان پاڕکڕنا توڕمبێلێ یان ژی فوڵ لایتێن تڕومبێلێ یان شەڕە سە و کوتڕبازیێ زوڕ ب ساناهی مڕوڤ دهێ کۆشتن و دبن قوڕبانی و ڕوژانە ئەڤ دیاڕدێن کڕێت یێ ل کوڕدستانێ ڕوی ل بلند بونێ دبن . یاژ وێ ژی سەیڕ تڕ جهێ یاسا خو لێ بکەتە خودان یا دبیتە بابەتەکێ گەڕم دناڤ هوز و دیوانخانێت ئاغادا و زوڕ جاڕ بویە شەڕێن هوزا و تاخ و دەڤەڕا ل پەی هاتنە و ژ قونتڕولێ دەڕباز بونە . باوەڕم ئەگەڕ هوسا بەڕدەوام بیت هەما د نێزیکتڕین دەم دا دێ کوڕدستان ژ نێجیڕیا خڕابتڕ لێهێت. ژبەڕکو هیج جینەکا چڤاکێ خودانیێ ل ڤێ ئاڕیشێ ناکەت بەڵکو پێجەوانە هەمی نەڕاستەوخویێ دکەڤنە ناڤا ڤێ ڕەفتاڕا قڕێژ . لێ ل ڤێڕێ پڕس ئەڤە گەڵو ئایا ئەڤ ڕەفتاڕە ژ غیابا یاسایێ دهێن ؟ یان ژی ژ بێزاڕیا باڕودوخێ ڤی وەڵاتی؟ یان ژی کەسایەتیا چڤاکێ کوڕدی کەڵەڕەق و تولهەلدێڕە و توڵڤەکەڕا ؟ بباوەڕا من نەک ئەڤ سێ هوکاڕەنە بەڵکو هێشتا پتڕن بڕاستی . هیڤی خوازین ب ڤا ڕەفتاڕێن نەژ هەژی سەڕەدەڕیێ دگەڵ کێشانەکەین، بەڵکو پەنایێ ببەینە لێک بوڕین و یاسا و سنک فڕەهیێ. نە ب شێوازەکێ پاشکەفتی و دەماڕگیڕ و توڵڤەکەڕ ئێک دوو ب کوژین ل سەڕ کێم تڕین ئاڕیشە .
