كوردستانینێرین

بەرزەبونا هێزا خوداوەندا ددیرۆکا هۆڤبونا مرۆڤاندا

بێکەس بەرواری

سپێدی زوی لمەزنترین پەڕتۆکخانا جیهانێ ،من ئێک ئێکە بەرپەڕێن پەڕتوکێن دیرۆکا جیهانێ ڤەدان ،ئەز مامە حێبەتی وهندی ئەز لێگەڕهام هەر ژسەردەمێ نەزانینێ وهەبونا هزاران خوداوەندا وتاکۆ سەردەمێ هەرسێ ئاینێن ئیبراهیمی لڕۆژهەڵاتێ ناڤەڕاست سەرهلدایی ونیاسینا تاک خودایی من دیت خوداوەندێن بەرێ و تاکۆ دگەهیتە ئەزادیێ نوکە ، اللە ، گاد ، خودا وخودانێ سەدان ناڤا ، من دیت دیرۆک هەمی وەکی ئێکە وهەردەم خوداوەند دبەرزەنە یانژی دبێ شیانن بەرامبەری نەبونا مرۆڤایەتیێ وهۆڤبونا مرۆڤان لجیهانێ بگشتی ونقومبونا کوردستانیان دخوین وژێردەستیێ دا. ئەز لێگەڕهام ومن لڕۆژ ژمێرا ساڵێ دگەلەک شەردەمان دا نێڕی ، من دیرۆکەک هند گەمار وتژی خوین وسەربڕین بناڤێ خوداوەند وئول وئایدیۆلۆژیا دیت ، ئێدی من چ گومان دهۆڤاتی یا مرۆڤان دا نەمان . ئێدی من ڤیا هەمی ڕۆژ ژمێرا بدڕینم، بەلێ چنکۆ هەمێ ڕۆژێن ساڵێ دثڕانیا ساڵێن دیرۆکێ دا یێن تژی بوین ژ ڕۆژ ویادەوەری وبیرهاتنێن ژێردەستی ،کوشتن وجینوسایدکرنا گەلێ من، لەوما من ڤیا هەمی پەرتوکێن وان ئاینا کۆم بکەم وهەمی زانا وشێخ ومەڵا وقەشە و ڕەبەنا پێکڤە بجەمینم، من ڤیا گازی هەمی شێخ وزانایێن عەرەب وفارس وتورکا وهەمی موسڵمانا وهەمی ئایدیۆلۆژستێن جیهانێ بکەم ، هەر ژئایدیۆلوژیا سەرمایەداری وکۆمنستی وسوسیالیستی وتاکۆ دیموکراسیەتی ولیبرالیستی ،بەلێ من گازێ بکەم وهەمیا پێکڤە کۆم بکەم ، من ڤیا داخواز ژوان هەمیا بکەم دا پێکڤە لاپەڕێن وێ دیروکا گەمار ڤەدەین وبەرسڤا پرسیاران ببینین ، کانێ مرۆڤایەتی وکانی هەڤ نیشتیمانی وکانێ هەڤ ئاینی وکانێ هەڤ سنوری وکانێ هێز وحەز وڤیانێن خوداوەندا ددلێ وان دا؟؟ من دڤیا بزانم کانێ ناڤەڕۆکا پەڕتوک وئاین وئایدیۆلژیایێت وان دپراکتیکێدا چنە ، بەلێ من ڤیا ئەم هەمی پێکڤە بزانین کانێ خوداوەند ویەزدان واللە وهێزێن فەشارتی لکیڤەبون ولکیڤەنە وئەم دناڤ نەخشەیە هەبونا وان دا هەینە ؟ ئایا ئەو دڕازینە لسەر ڤێ دیرۆکا تژی گەمار وخوین وڤێ ژیانا تژی ڕق وکین وژێر دەستی وبرین ؟. من ڤیا بزانم کانێ مرۆڤایەتی نەبویە و نینە یانژی یەزدان وخوداوەندا وئایدیۆلۆژیستان هایی ژڤێ دیرۆکا گەمار نینە؟. چ بکەم چەند ڕاستی یەکا تەحلە چنکۆ پەڕتوکێن هەوە ێن پیرۆز وئاینێن هەوەیێن پیرۆز وئایدیۆلژیێن هەوەیێن پیرۆز ژبومە هەر ئیش وژان وبیرن بونە ، هەر کەرب وکین وکوشتن وسەربڕین بونە ، برایەتی یا مە وهەوەژی سەدان ساڵە هەر درەوەکا ئاشکرا بویە و لدەمێ بێ هێزبونێ ئەم برایێن هەوە و پشتەڤانێن هەوەینە ولدەما بهێزبونا هەوە ئەم خراپکار وجوداخواز تیرۆرست وخائین وتێکدەربوینە وهەوە بێی دو دلی هەمی ئایەت وپەڕتوکێن خو وئایدیۆلۆژێن خویێن پیرۆز ودرۆشمێن درەوێن دیموکراسیەتی وبرایەتیێ بەرۆڤاژی کرینە ودژی مە بکار ئیناینە .بەلێ هەوە سەرێن مە لسەر سێنیکێن بازاڕکرنێ کڕین وفروتینە . لەوما من دڤێت ڤێ دیرۆکا گەمار تف باران بکەم و ڤان ڕەش ڕەشکێن درەو بدڕینیم وڤان سەرێن تژی گەمار ئەوێت دناڤ گەلێ منژی دا بوینە داردەستێن هەوە ژبو ژناڤبرنا هەبونا مە ئێدی لپێش چاڤێن خو نەبینم وهەمی کوێلە ودویڤەلانکێت هەوەژی ژوەڵاتێ خو ڤەمالم وبەرێ وان بدەمە مەخەلێن پەز وگیانەوەرێن دی دا هوین وان وەک بزن وچێلا بدۆشن ولدەمێ گیرە کرنێ وان ل شوینا گا وهەسپا لسەر بێدەرێن خو گریدەن وئەوێن دیژی ئەوێن بئایدلۆژیایێن درەو ودرۆشمێن بریقەدار هاتینە خاپاندن وخو وەڵاتێ خو ونەتەویێ خو کرییە ئێخسیرێ دەستێ ئایدیۆلۆژیێن درەو وڤالا دپراکتیکیدا پتنێ دبنە بنەمایێن پەرژەوەندی پاراستنا هێزێن مەزن وگەلێن هەوە وژبو گەلێ مە تەحلن ودەما مەدڤێت بکاربینین ژبو بڤە وقەدەغەنە ، بەڵێ وان هەمی کەسێن خو وهەبونا خو و نەتەوەیێ خو دکەنە قوربانی ژبو ئایدیۆلۆژیێن درەو وڤالا ببەنە مەیخانە ونایت کڵاپێن خوە و بکەنە سەماکەرێن سەرخۆش وبازڕکەرێن ئەرزان بها . من دڤێت ئەز ڤان هەمی پەرتۆک ولاپەڕێن کەڤنە دیرۆکا گەمار بکەمە خەتیرەک ژبو ڕوهنکرنا ڕێکا کۆچبەرەکێ کورد دارستاناندا دشەڤێن تاری دا کە بەرەڤ چارەنڤیسەک نەدیار دچن ، وهەمی دەپێن کیتێبخانەیێن هەوە بکەمە گەمیەک بۆ دەربازبونا زاڕوکێن مە یێن ددەریادا دبەلەمان دا نقومی ئاڤێن دەریایێن کویر دبن، دا ئەوژی وەکی ئالان کوردی نەبنە خارنا نەهەنگێن دەریایێن کویر و دویر.بەلێ من دڤێت هەوارەکێ بگەهینمە نەتەوەیێ قوربانی یا هۆڤاتی یا مرۆڤان ونەزانینا ڕێبەر وسەرکردە وشێخ ومەڵا وقەشە وبناڤ ڕەوشەنبیر وزانا وبێژمێ ئێدی بەسە ڤان چێڕۆک وچیڤانوکا پتنێ نەکەنە کەرەستەیێن پەروەردەکرنا جڤاکێ ،ئێدی هوینژی لهەبونا خو بگەڕهن وبهایێ مرۆڤبونا خوە بزانن ،دا ژهەژی ژیانەکا ڕومەتدار وسەرفەراز بن .

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close