رۆژه‌ڤكوردستانی

نارگیلە

Ingen fotobeskrivning tillgänglig.

سەردار هێتوتی

پەیڤین جان، یێن ژ هەژی بەژن و باڵا هەر مرۆڤەکی، یێن لێکدای و ژێگرتی، ژ دەڤێ مەلاقان یێن دفرن. مرۆڤ یێ دبیتە ئامیرێ دەستێ مافیا ژ بۆ خودەوڵەمەندکرنێ و پارە کومڤەکرنێ و تێرخارنێ و گەریانێن جیهانی و مەلاق ژی یێ رۆژانە زرنایێ دژەنن و ئەو ژی وەک هەمی خەلکێ ڤی وەڵاتێ بێ ناڤونیشان یێن برسینە و قورینا دەنگێ زک و سەرێ وان یێن دچنە ئەسمانێ هەفتێ. خەلک ژ بۆ داخازکرنا مافێ خۆ هند ژ پارێزڤانێن دز و گەندەل و تاڵانکار و مافیایا ناترسن هندی ژ سیندخارنا ڤان مەزنە مەلاقا دترسن.

مرۆڤێ کورد، ل سەر ئەردێ خۆ و لژێر دەستهەڵاتا خۆ یا کوردی هند یێ رەزیل بووی کو چ جاران دژمن نەشیانە هندە ڤی مللەتێ خۆرستی رەزیل بکەن. ئەڤرۆ بهایێ هەر تشتەکی یێ فڕی و خەلکێ بەلەنگاز ژی ژ نەچاری وەک بەقا یێ خۆ دگونجینن، حکومەتا ب ناڤ هەرێمێ نەشیایە کارەبێ و ئاڤێ و قوتابخانا بۆ وەڵاتیێن خۆ دابین بکەت و ژ بۆ چارەسەریێ ژی بهایێ کارەبێ و ئاڤێ ژی لسەر خەلکی یێ گرانکری و ئەو نیڤ موچێ هەیڤانە بەشێ ڤان پێدڤیان ناکەت، دگەل هندێ بهایێ کەلوپەلێن خارنێ و پارچێن عەردی و شوقەیان و باجێن هاتنوچوونێ و کارتێن موبایل و بەرێخودانا جادەیان و سڵاڤا هەڤالینیێ و ئوکسیژن و باران و بەفرێ ژی دانایە سەر ڤان بەلەنگازان و مشەختبوونێ ژی ب عەیبە بۆ مللەتی ل قەلەم ددەن.

مەلاقێن ئەزمان حلی، برسیێن عاقلی و چاڤتاریێن ژیانێ زرنایێ دانن و هەر چ نەبیت ژ بینەران بن و چ دیتر نەکەن، ناڤا نەدانن پال خەلکی و وان ب کێشانا نارگیلێ و حەشیشێ و تریانکێ تاوانبار نەکەن ئەو کورێن ڤێ ئاخێنە و وان قوربانی داینە بۆ ڤی وەڵاتی و ئەڤرۆ ژ بەر هەوە و مەزنێن وە یێن د ڕێزا رەڤینێ دا.

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close