وەرگرتیە
دبێژن جارەکێ مروڤەک برێ دچو، راستەقی کاروانیەکی هات.
- ماندینەبی
- سۆپاس مالا تە ئاڤا
- ئەڤە ژ کیڤە تێی دێ کیڤەچی
- – باوەرکە ئەز ژ مال تێم و بەرەڤ زۆما دچم، پەزێ مە لزۆمایە.
- سەرکەفتی بی، لێ بو من مەراقە بزانم بارێ تە چیە؟
- بارێ من باوەرکە ملێ راستێ ئەرزاقە و ملێ چەپێ ئاخە
- تە گوت ملێ چەپێ ئاخە؟ ئاخ بوچی یە؟
- ژبو سەنگا باری دوروست بیت من لدویف گرانیا ئەرزاقی ئاخ کریە تێرکا ملێ چەپێ.
- ئاها، باشە جامێرو ما هەکە تو ئەرزاقێ خوە لسەر هەردو هەکبا بنیڤەکەی، وێ بارێ کەری ژی سڤکببیت و بو هەکبێن تەژی باشترە.
- تو راست دبێژی دێ کانێ هاریکاریا من بکە ژبو بارێ کەری وەک تە گوتی دوروست کەین.
پشتی بارێ کەری دوروست کری و بەری کاروانچی بکەڤیتە رێ، ژ رێڤینگی پرسی:
ئەرێ کاتو بو من نابێژی تو شێخێ کیرێی؟
براستی ئەز نە شێخم.
باشە پا تو سەروک کویژان هوزێی؟
باوەر کە ئەز مروڤەک ئاسایی مە، نە شێخم، نە سەروک هوزم.
نە شێخی و نە سەروک هوزی و تە دڤێت گوهداریا تە بکەم و باوەری بتە بینم؟
کاروانچی جارەکا دی بارێ خوە وەک بەرێ لێکر، ئالیەک ئەرزاق و ئالیەک ئاخ؟
پرانیا مروڤا لوەلاتێ مە بموخابنیڤە وەک ڤی کاروانچینە، بو وان هزر و بیر نە گرنگن هەیا کو چاکژی بن، بو وان گرنگە کی بو وان دئاخڤیت.
لەوما کەسێ ئازاد بەرەڤانیێ ژ هزرێ دکەت و کەسێ کویلە بەرەڤانیێ ژ کەسان دکەت گرنگ نینە ئەو کەس چەوا هزر دکەن.
