رۆژه‌ڤكوردستانینێرین

حەرامە، حەرامە، حەرامە………

شەبان مزوری

براستی دەما مروڤ گوهداریا سەلەفیێن تەجریحی ( جامی ) دکەت، هەما بێژە هەمی تشتەک حەرامە. لێ وەک کوردەک هەمی سەلەفی نەشەن ڤێ گوتنێ بکەنە کوردی، هەروەسا پەیڤا حەرام. باشە دەما واتا ڤێ گوتنە د زمانێن دیدا نە بیت، چەوا پێگیریێ پێکەت، ئانکو بکورتی ئەڤ هەردو پەیڤا تەنیا لسەر عەرەبا دەرباس دبن.

ئەگەر ئەم ڤەگەرین بو مێژویێ هەر تشتەکێ دوروست بوی ژبو ئاسانکرن و بەختەوەریا مروڤا ڤان خوەدانێن ریهێن درێژ و دەلنگێن کورت ب حەرام بناڤ کرینە و پاشی پاشکەشی کریە. سەلەفیێن تەجریحی دبێژن هەر تشتەک لسەر دەما پێغەمبەری نەبوی تشتەک بدعەیە، هەمی بدعەک زەلالەیە و هەمی زەلالەک جهێ وێ ئاگرە. لڤێرە پرسەک بو وان هەیە، گەلو کەنگی دەما پێغەمبەری مزگەفتا منارە هەبون؟ یەکەمین منارە لسەر دەما معاویە لشامێ هاتیە ئاڤاکرن، ئنکو  دڤایابا منارە حەرام لمزگەفتا.

دەما ئامیرەتێ چاپێ دوروست بوی، گوتن حەرامە و پشتی پتر ژ ٢٠٠ سالا تازە حەلال بو؟ دەما حەنەفیا ئاڤێ هاتی ناڤ بوسرمانا دیسان گوتن حەرامە، تا لایەنگرێن مەزهەبێ هەنەفی گوتن حەلالە و لەوما ناڤێ وێ کرنە حەنەفی ژبو مەزهەبێن دی خوە ژ جوداکەن.

دەما پلاستینکێن ( قەوانێن ) سترانا دەرکەفتین گوتن حەرامە، پاشی رابون حەدیس و قورئان لسەر تومار کرن؟ دەما پایسیکل هاتی ناڤ بوسرمانا گوتن ئەڤە حەرامە و بهەشپێ شەیتانی بناڤ کرن. کامیرە و نەگرتن حەرامکرن، رادیو گوتن حەرامە، تەلەڤزیون حەرامە، تایپ ( مسەجل ) حەرامە، ڤیدیو حەرامە، پاشان ئەڤێن ئەڤ ئامیرەتە هەمی حەرام کرین، دەولەت سەرێ ڤان ئامیرەتا بو نە ملیاردێر برێکا چامکرن و بەلاڤکرن تومارێن خوە برێکا کاسێتا و سی دیا. نمونێن ڤان کەسا زۆرن ل وەلاتێن بوسرمان.

ژبو تەڤنێ جڤاکی ژهەڤ جودابیت و کومەلگا توشی ئاریشا بیت سەلەفیێن تەجریحی بهەمی شیانا خوە نەڤیان لناڤ بوسرمان و ئولێن دی بەلاڤکر. نابیت تێکەلی خوەشیێن ئولێن دن ببی، نابیت دەما دمرن بێژی خوەدێ لێ خوش بیت، نابیت بەشداریا جەژنێن وان بکی، نابیت جەژنا وان پیروز کی، نابیت باەریا خوە بوان بینی. هەمی رۆژێن ئەینی هەما بێژە یەک دەنگ دبێژن، خودێ تو بوسرمانا لسەر کافرا پیرۆز کی، مالا کافرا وێران کی، زاروکێن وان سێوی کی، ئێکەتیا وان ژبن بی؟؟؟؟؟؟ هەلبەت وەک ئەم دوزانین هەرکەسێ نە بوسرمان بیت کافرە بو وان، پاشان دێ بێژن هەرکەس و دینێ خوە؟

ڤان رۆژا ئەم بەرەف دوماهیا سالێ دچین و دیسان بابەتێ سەرسالە بویە بازارەک گەرم بتایبەتی بو سەلەفیێن تەجریحی، دیسان وەک هەر سال دسبەژن بوسرمان نابیت بەشداری ئاهەنگێن سەرێ سالێ بیت و هەرکەسێ بەشدار بیت تاوانەک مەزن هەمبەر خودێ دکەت؟؟؟؟ چونکە بەشداری کرن د جەژنا ژ دایک بونا مەسیح واتە دانپێدان ب رەواتیا ئولێ کریستیانا. لێ لدویف لوژیکێ کەس نوزانیت عیسا کویژان سالێ یانژی دەمێ سالێ ژ دایک بویە، بەشەک دبێژن هاڤینێ ژ دەیک بویە، لێ لڤێرە پرسەک دی دەردکەڤیت گەلو پێغەمبەرێ بوسرمانا کەنگی ژ دایک بویە، چونکی د ژیێ مندا ل هاڤینێ، پائیزێ، زستانێ و بوهارێ ژ دەیک بویە؟؟؟؟؟؟

ئەم زاروک بوین دەما مەولیدا پێغەمبەری هەی و تا ئەڤرو، هەرچەندە زۆر تشتێن لناڤا مەولیدێ مەلا دگوتن دور بون ژ لوژیک و راستیێ لێ دیسان بمن ئەڤ جورە هەلکەفتنە کارتێکرنەک پوسیتیڤ ژی هەیە لناڤ جڤاکێ. بو نمونە دو کەس ژ هەڤ دلماینە ژبەر مەولیدێ پێکتێن.

بکورتی و بکوردی هەر تشتەکێ خوەشبەختی و شادیێ بو مروڤا بینیت بسەلەفیێن تەجریحی حەرامە…حەرامە… حەرامە ……

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close