رۆژه‌ڤكوردستانینێرین

ئاریشێن ئراقێ ژ وێ مەزنترن ئەوا هزر تێدا دهێت کرن بۆ چارەسەرکرنێ!

سەگڤان ئەرتیسی

ئراق ئەو دەولەتەیە ئەوا ژ بەرمایکێن هەرفتنا دەولەتا ئوسمانی ڤەمای و پاشی ب دروستکەریا بریتانی و فرەنسیا و ب تایبەت بریتانیا بوویە دەولەت.

دەما ئێکەم مەلک ل 21ێ اب سالا 1921ز ب دوو ویلایەتا ( بەسرا و بەغدا ) ب تاج دانانا مەلک فەیسەل هاتیە راگەهاندن، ژبەر کو تورکیا میسل ب ئەردێ خوە دزانی و پشتی فشارێن زور ل سەر تورکیا، تورکیا ل سالا 1926ز رازی بی کو میسل ب بیت بەشەک ژ ئراقێ ب مەرجێ وێ بۆ ماوێ 25 سالا 10% داهاتێ نەفتێ ب بەخشیتە تۆرکیا، دیارە ویلایەتا مویسل ئاریشێن ئراقێ کویرتر لێکرن، ژبەرکو ئەوا مەلک فەیسەل ئینایە زمان ل دەمێ ئێکەم گوتنا وی پشتی تاج لێنانێ، ژێ پرسین تە وەلاتەکێ چەوا دیت؟

ئەویژی گوت من مللەتەک دیت حەزا ئاین مەزهەب ئەشیر زورترە ژ یا خاکێ و من چ مللەت نەدیتن ب خاکێ ڤە د گرێدای!

ئەڤ گوتنە بەری چونا ویلایەتا میسل بی یە، هەلبەت دیارە ویلایەتا میسل ژی بەشێ هەرە زورێ پێکهاتا وێ کوردبینە، ئانکو نەتەوەکا دی یا جودا ب هەمی پێکهاتێن خوەڤە ژ وێ دەولەتێ جودانە ئەوا دێ چیتە دناڤ دا،

ژ بو ڤێ گوتنێ دیروکا ئراقێ سەلماند کا راستیا وێ چەند ژ راستیێ راستر دەرکەفت.

ژ بەر وێ پشتی سەد سالێن دامەزراندنا وێ کوردا وەک بەشەک ژ ڤێ سەد سالێ خوە نەدیت، و بەلگەژی روژا دامەزراندنا ئراقێ بەشدار نەببین و ل بەرە روژا لەشکەریا ئراقێ ژی ل هەرێمێ پێگریێ ب وێ رێ و رەسمێن نەکەن.

ب کورتی چارەسەری یا کێشێن ئراقێ زەحمەترین کریارا سیاسی و مێژووی یە ل دەڤەرێ. هەر چەندە زور جارا دەولەتێن زل هێز داخازا ئراقەکا ئێکگرتی و بهێز دخازن! لێ! دەما ب لوژیک و ئستبیان دچین ناڤ روژەڤێ دێ بینین زەحمەترین کریارە، چونکی دیارە ئەگەر چارەسەریەک هەبیت ژی دێ برێ یا پەرلەمانی بیت ئانکۆ هەلبژارتنا! پرسیار ل ڤێرێ یە ئەرێ دێ هەڵبژارتن شێن ڤان کێشا چارەسەرکەن؟ دیارە ژ 2005ێ وەرە هەلبژارتن دهێنە ئەنجامدان پشتی ژناڤبرنا دکتاتورێ نیڤا دوویێ یا سەد سالا 20ێ، لێ تا نها و دیماهیک هەڵبژارتن ژی ل 10\10\2021ێ سالا پار هاتن ئەنجادام و دیارە پروسێسا دانوستاندنا پشتی ئەنجامدانا پروسەسا هەلبژارتنا، ئەنجام و لایەن ل کیرا سفرێ دانا وەک دیار کۆرد جودا شیعە و سونە جودا، دناڤ ناکوکیێن ناڤخوەنە، ئانکو ئەڤ سێ پێکهاتە ژ بەر ناکوکیێن ناڤخوە ل سەر وەرگرتنا پلە و پوستە د ناکوکیێن رەهای دانە! ئانکو ل گورەی ڤان پێشهاتا بیت 100 هەلبژارتنێن دی ژی نەشێن چ گهورینا دروستکەن! چونکە شیعە نەشێن پێکبهێن ل سەر دەست نیشانکرنا سەروک وەزیری! سنی ل سەر سەروکێ پەرلەمانی! کورد ل سەر سەروک کوماری!

پرسیار ئەڤەیە ئەرێ ئەڤ سێ پێکهاتە ئەوێن نەشێن ل سەر پشکێن خوە پێکبهێن ئەرێ دێ چەوا شێن ل گەل جیاوازیێن سێ پێکهاتا پێک ئێن و بنە ئەگەرێ دەولەت بوونەکا بهێز!

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close