پیبەر بەنابەر
گەلەک جارا ل راگەهاندنا کوردی تێ بهیستن کو ئەڤ ئەزمونا حکومدایا مە یاهەرێمێ نمونەکا سەرکەفتیە ل ناوچێ و پێتڤیە خەلکانەک مفای ژێ ببینیت بتایبەت ل سەر زاری بەرپرسێن مە .
ئەلبەت ئەڤ درویشمێن باق و بریق دپراکتیکێ دا و ل سەر ئەردێ واقعی یا دیار کا خەلکێ کوردستانێ ئەڤ چەند ساڵە چەوا دەرباس کرن و گەهشتنە کیش خالێ و بەرهەمێ ڤان چەند سالا چەند بو و چ بو وبوکێ بو ؟ باوەرم چ کێشە و کریز و قەیران نەمان گەلێ مە ل باشورێ تاقی نەکری، بتایبەت ئەگەر ڤەگەریێنە سەر هەمی دامەزراوە و سەکتەڕین ژین و ژیارا خەلکی کو گرێدایی بوارێن جودا جودانە.
بێ دوو دلی ژ بلی پاشڤەروی و بێ دادی و نەوەک هەڤی و ترس و برس و رەڤ و کریزا و بێ کاریێ و نەخوشیا چ دی مە نە دیت. راستە هندەک کوج و کولان چێکرن و هندەک تەلار بلند کرن و هندەک میکیاژ د جادێن گشتی دا!! لێ دناڤ دا جەستەکێ نەخوش و ئێفلیج و ب کێڕ نەهاتی و بێ هێز بەرهەم ئینا جینایەتێ و پەرتەوازی و بێ زاڕی و رەش بینی ل سەر دلو دەرونێ تاکێ کورد خویانە ، دڤان چەند خول و کابینا و وەزاڕەت و دام و دەزگەهێن میری و حزبی و جڤاکی دا مە نە دیتن تەنانەت یێک ژڤا سەر کەفتن ئینای د کارو پروژەکێ دا وچمکورانکاری ژی مە نەدیتن هەمان کاریکتەرو هەمان سەروچاڤن و ئەڤ رەفتارو رەنگڤەدانە ژی ل سەر دوو بیاڤا دابەش بون..
ئەو ژی دەستهەلات دار ب گەندەلی و پروژێن خو ڤە مژیلن و روژانە داهاتەکێ ئێکجار زەبەلاح یێ ژ ناڤخو تالان دبەن و ل بەنکێن جیهانی خەزن دکەن ونیشتمانێ خو دفروشن و دچن خزمەتا گەل و نشتمانێن بیانی پێ دکەن. ژ لایێ دی خەلکانەک ژی مژیلە ب بێ کاری و نەدادی و نەخوشی و قەیران و سرا گاز و غاز و بەنزینا یە .
ژ رویێ دەرڤە ژی چ وەلات نەمان کێشە بو چێنەکری بتایبەت لێسەڕا ئەڤ سالە یا کوجبەرا کو بهزاران گەنجا ب ملیونا دولار خەرج کرن تەنها دا ژ ڤی وەلاتی ب ڕەڤن د نوکەدا بونە جهێ ژانەسەڕێ بو هەمی وەلاتا و خەرجێن بێ ژماڕ ژڵایێ ڤا وەلاتا لێ دهێنە خەرج کڕن و تەنانەت بو نەئەگەڕێ ناکوکیێت نێڤ دەوڵەتی ژی وەک وەلاتێن بلا روسیا و یونان و تورکیا وەلاتێن ئوروبی ب گشتی تا ئەمریکا ژی بێ بەهر نینن ژ ئاریشێن کوردا ، دیسان ل سەڕ ئەساسێ دولەتێن هەرێمی ژی وەلات نەما مە گرفت بو چێنەکری و نەبوینە بەلا سەڕێ هەمیا چ ژلایێ پروتوکول و سنور و پەیوەندین لوژستی و دبلوماسی و ئەکونومی ڤە ،
بویە دەم یێ هاتی یێ دی جاکسازیێن جدی د ژێر خانەیا هەمی بێ بیاف و سەکتەر وپێڕابو ن و بیڕکرن و سیستەم و پروژە و یاسا و ڕیسایێن ڤی وەلاتی دابکەین. و ڤی وەلاتی بکەینە ملکێ گشتی نە یێ ج کەس و لایەنا بتنێ .
