فەرهاد عەلی حەمید
ماتە شولە ژێ یە، ئەڤ خەلکە نەیێ ژ ھەژی یە تو خۆ بۆ بکەیە قوربانی !!! تو ژی وەکی ڤی خەلکی خۆ بێدەنگ بکە ما چ ژ تە یێ کێمە !! مە گەلەک جاران یا گوتی و دێ بەردەوام بێژین ، ئەو کەسێن خۆ لسەر ڤێ زولم و تەعدا و نەدادپەروەریێ بێدنگ بکەت ناسناڤێ کووێلە یێ ژ هەژی وی کەسی یە، یان ھندەک دی یێت ھەین بۆ پاریەکێ نانی حەپحەپا دەڤێ وانایە، ڤێچا دێ خۆ ل دەلنگێ ڤی دەن وەکی سەیی دێ ڕەون یێدی….هندەکێن دی دێ ئێن گەل ئێک ئاخڤن دێ بێژیت تو خولامێ برا گەورە بی، ناسناڤێ مەلاق دکەڤیتە سەر ڤان کەسان و بەردەوام دێ بێژن ما تە شولەژێ یە ئەڤ خەلکە نەیێ ژ ھەژی یە تو خۆ سەرا وان تورە بکەیی، ھەما تو ژی وەکی ڤی خەلکی نانەک ھەبیت بخۆ و دەستێ خۆ ب سەرێ خۆ ڤەنە. لێ یا مە ژ ڤان جورە بونەوەران جودا دکەت وژدانە و راستی یە دهەمان دەم دا ئەرکێ مە ئەوە ئەم درەوێن وان ئاشکرا بکەین و ڕاستیێ نیشا خەلکی بدەین.
بەلێ زۆر راستە خۆ تشتەک یێ ژ من کێم نینە و من منەت ژی ب چ حکومەت و خزبێن کوردی نینە. لێ دەما نالەنالێت خێزنا شەھیدەکێ دهێنە گوهێت من بۆ بەرمیلەکا گازێ یان پیرەمێرەکێ 70 سالی، بابێ شەھدەکی سپێدێ حەتا ئێڤاری پاکیتێت جگارا و تزبحا لسەر جادێ دڤروشیت حەتا بشێت پاریەکێ نانی بۆ نەڤێن خۆ پەیدا بکەت، یان پیرە دایکەکا بێچارە لسەر رەسیڤێ جادەکی، لیڤک و بەلگێن مێوا و دەستکێن بەقلیێ و کەرەڤسێ دڤرۆشیت حەتا بشێن زارۆکێن کورێ خو یێ خۆ قوربانی ڤێ ئاخێ کری خودان بکەت، ڤێجا چەوا ئەز دێ شێم بێدەنگ مینم لسەر ڤێ زۆرداریێ. سەیدا ژی دێ ل ڕۆژا ژ دایکبونا لەشڤروشەکێ، ترۆمبێلەکا 500،000$ دیاری بۆ کریت .
ڤێجا چەوا دێ شێم ھزر دژیانا خێزان و زارۆکێن خەلکێ هەژار و پێشمەرگەهی دا نەکەم، ئەوا من ژ هەوە جودا دکەت وژدانا منە بۆ هژارێن وەڵاتێ من !!! مخابن کۆ بەرپرسێن ڤێ دەستهەلاتێ بازرگانیێ ب خاک و ئاخا کوردستانێ و خوینا شەھدا دکەن و داھاتێ کوردستانێ ژی بۆ گەشت و خوشی و مەیی ڤەخارنێ و سەما و کەیڤێ ب مەزێخن، دەربازبونا شەڤێن وان دقومارخانە”و باران”ڤە بن و چ بێشەرەڤیی و بێرێزیەکا ھەیی حەتا سپێدێ تێڤە ئەنجام بدەن ، ئەڤجا ئەگەر ئەز بێدەنگببم و من شولە ژێ نەبیت، ئەو چیە من ژ کووێلە_و_مەلاقا جودا دکەت ؟!
