پەیبەڕ پەنابەڕ
دیارە دەمەکە زنچیرەکا رویدانا ژ لایێ ڕێکخستنا دولەتا ئیسلامی (داعش) ل هەڕێما کوردستانێ و عیراقێ و سوریێ د سەر هلدانێ دایە و دیار ترین رویدان ژی ئەو بون ل دەڤەڕا قەرەچوخ و ل دیالی کو تێدا ژمارەکا بەرچاڤ یا پێشمەرگە و وەلاتی و سەربازێن عیراقی هاتن کوشتن و دیسان ل باژاڕێ حەسەکێ ل ڕۆژئاڤا دیسان دا عشێ هێرش کرە سەر زیندانەکا کوتایبەت بو ب ئەندامێن داعشێ ڤە ڤان ڕویدانا مەترسی پەیداکریە ل دەڤەڕێ وە دیسان کەڤەک دڕستگڕیە ل سەڕ ئاسایشا ڤان وەلاتا د دەمەکێ دا کو ل 2017 حکومەتا عیڕاقێ ب فەڕمی سەڕکەفتنا خوە ڕاگەهاند ب سەڕ داعشێ دا و دیسان ل ڕۆژئاڤا ژی ل 2019 ب کوشتنا خەلیفێ داعشێ ئەبو بەکر بەغدادی و رامالینا هێزو ئەندامێن داعشی د پڕێس کونفرانسەکێ دا هێزێن قەسەد سەڕکەفتنا خوە ڕاگەهاند .
لێ بباوەرامن ئەڤ لڤ و ڕودانە ژ بوشاهیێ نائێن و دبیت ئەڤە پیلانەک بێت ژلایێ تورکی و خەونێن ڤەگەڕاندنا هەژمونا دولەتا ئوسمانی کو بەری دوماهیا جەنگێ جیهانیێ یێ ئێکێ دەولەتا ئوسمانی ویڵایەتا موسل و کەرکوک ژ دەستدان ول سالا 1926 ئەڤ ویلایەتە ڤەگەریانە سەر حکومەتا عیراقێ و تانوکە بویە جهێ ناکوکی و ئەزمەکا دبلوماسی و سیاسی دناڤبەرا عیراقێ و تورکیادا .
لەوما تورکیا ژ بەر ڤێ خەونێ دەمەکە ب فەرمی و دریا مەدیایێن خوە یێن حزبی و حکومی ڤێ ڕوژەڤێ ساخ دکەن چ ژلایێ akp یانchp یان mhp ڤە کو دیارترین هەرەشە ژی ئەو بو یاژ نک کلجدارئوغلوی ڤە کو نەخشا ئوسمانی د مەجلسێ دا بەرچاڤ کری و هەتا نیگەڕانی ژلایێ روسی ژی ڤە پەیداکر . دیسان د پراکتیکێ ژی دا چەند سالە یا ئەسمان و زەمینێ ڤان دوو وەلاتا د بەزینیت و داگیر دکەت و بارەگاینن خوە لێ جێگیر دکەت و یا بەردەوامە ژی .
دیسان ژی دیارتیرێن پێنگاڤێن وێ ژی ئەو پشتگیری بو یا د سالێت 2014ێ دا ب ئاشکرا دەعمەکا لوجستی و لەشکەڕی بو داعشێ دکر و هەتا د ملێ لەشکەڕی ژی دا ل گەلەگ جها ئاپەڕاسیونێن هەڤ بەش پێک دئینان بتایبەت ل عەفڕینێ و کوبانێ و شنگال و تەلەعفەڕێ لێ ئەگەڕ ئەم ب هویڕی مێزەکەین ڕویدانێن 2014 و 2021و 2022 ئەڤ زنجیرا ڕویدانێن ڕێکخستنا داعشێ و ئاپەڕاسیونێن تورکیا هەڤ دەمن و تورکیا ژی ل ڤان دوو وەلاتا نێزیک 35 کم تەجاوز کریە و دیسان ژ رویێ تەقەنیا لەشکەڕی ژی ڤە ئەگەر هێزەکا وەکی تورکیا پشتەڤانیا ڤێ ڕێکخسنتێ نەکەت ئایا پا ئەڤجەکێ پێشکەفتی ژ کیڤە گەهشت دەستێ داعشێ؟ دیسان د هەردوو سەردەما ژی فوکسا وا یا ل سەڕ ڕوژئاڤاو شنگالێ و بیابانا ڕوژئاڤا عیراقێ و دیسان دیالاو موسل تا دگەهیتە کەرکوکێ کو بوشاهیەکا ئەمنی لێ یە .
ب باوەرا من داعش و تورکیا دوو رویێت ئێک ئارمانجن و ئەگەر هەرێم و حکومەتا مەرکەزی و دیسان قەسەدە تەدابیرێن ئەولەهیێ نەگرنە بەر پشت ڕاستم ئەڤ دەڤەڕێن من ئاماژە پێ دای دێ بیتە موگە بو دوو بارە زێندیبونا داعشێ و سەڕهلدانا هوڤەتیا هەڤبەشا تورکیا و داعشێ، لەوما ئەز تورکیا د نوکە دا مەترسیەکە د کەڤلێ داعشێ دا بو ب جی ئینانا خەونا دەولەتا ئوسمانی ئەڤە ژی یادیاڕە کو توکیا ب ریا هەڤسوزیا ئیسلامی ب سەدان رێکخراوەیێن جوراو جوڕ دروڵتکرینە و ب هزاران ملیشیا و جەتەیێن وەلاتێن بیانی بو مەرەمێن خویێن داگیر کاریێ بکار تینیت ل هەڕێمێ و عیڕاقێ و سوریێ و لیبیایێ و هەتا وەلاتێن ڕۆژ هەلات ژی .
