رۆژه‌ڤكوردستانینێرین

دیموکراتیەت نە واتە فراکسیونا مەزن دڤێت حوکمەتێ پێکبینیت.

شەبان مزوری

زۆر جاران مروڤ نەشێت بهیچ رەنگەکی بپەرژرینیت کانێ بەشەک مروڤ کو خوە ب پێشەنگێن خەلکێ دوزانن. براستی من بخوە تێگەهشتن هەیە بو بوچونێن چەندی چەپەل بن لێ بەرهەمێ کەسەکی بیت یان گروپپەکی بیتن، لێ نابیت هندەک تێگەهێن کو مروڤاتی لپرانیا جیهانێ کودەنگە لسەر رامانا وان. پشتی هەر هەلبژارتنەکێ ل عیراقێ و کوردستانێ، نە گرنگە هەلبژارتنێن لۆکال بن یانژی نیشتیمانی بن ئەم دوچاری پرسا فراکسیونا مەزن دبین ژبو پێکهینانا دەستهەلاتا نیشتیمانی و لۆکالی.

باشە ئەگەر سیاسەتمەدارێن عیراقێ هەمیێ د دیموقراتیەتێ نەگەهن، گەلو پێویست هەبو سیستەما دیمۆکراتی هەلبژێرن؟ تشتەک مروڤ پێگیر نەبیت واتە ئەو تشت نینە، چونکە هەبونا هەر تشتەکی یانژی دیتن و باوەریەکێ د بکاررئینانا وانە دژیانێ دا.

پشتی هەلبژارتنێن دوماهیکێ لعیراقێ دیسان پرسا فراکسیونا مەزن بو بابەتێ رۆژەڤێ، دهەمی هەلبژارتنا دا بەڤلێت ئێک هەردەم هەولدایە لژێر سیبەرا فراکسیونا مەزن خوە بسەپینن لسەر لایەنێن دی هەیا ئەگەر لایەنێن دی زۆرینە بن.

ل پرانیا وەلاتێن جیهانێ پشتی سەروکاتیا پەرلەمانی و سەروک کۆمار ئەگەر هەبیت، سەروکێ فراکسیونێ مەزن تێ راسپاردن ژبو پێک ئینانا حوکمەتێ، لێ ل تەڤایا وەلاتێن دیموکرات دەما فراکسیونا مەزن بزانیت کو بهەبون یانژی چێکرنا بەرەکێ مەستر ژوان لناڤ پەرلەمانی سۆپاس دکە و خوە ژ پێکئینانا حوکمەتێ پاشڤە دکێشە و ماوێ دستوری ژی سودی ژێنابینیت. لپرانیا وەلاتا لیستا مەزن ماف هەیە یەک هەیڤ کاربکەت ژبو پێکئینانا حوکمەتێ، لێ ئەگەر لیستەک بزانیت کو نە بمەهەکێ بەلکو ب یەک سال ژی نکاریت حوکمەتێ پێک بینیت، بوچی دێ بیت رێگر کو حوکمەت زو دوروست ببیت ژبو کار و خزمەتکاری نەراوەستن، کو دبێژنێ بەرژەوەندیا گشتی.

ل وەلاتێن نە دیموکرات فراکسیونا مەزن هەمی هەولا ددەت بهیڤیا کو بەرەیێ هەڤرکێ خوە لاواز و پەرتەواز کەت، ب بەرتیلا بیت بەشەکی بکریت یان لژێر گەفا بیت. لێ ئەڤکارە پێچەوانەی دیموکراتیەتێ یە و لدژی سەقامگیری و پێشڤەچونا جڤاکێ یە. ئەگەر حوکمەت دوروستکرن مافێ فراکسیۆنا مەزن با وێ دەمێ لسێد وێ هەردەم سوسیالدیموکرات ل دەستهەلاتێ بانە.

هەلبەت من بخوە تێگەهشتن هەیە بو هەمی لایەنێن دخوازن بەشداری دەستهەلاتێ بن لژێر مەترسیا وان ژ پارتا دەستهەلات کو سامان و دەزگەهێن میری بکار بینیت ژبو لاواز کرن و نە هێلانا هەڤرکێن خوەیێن دەستهەلاتێ، لێ دیسان دڤێت رۆژەکێ ئەم ژی وەک جیهانا دیموکراتی دەست ب دانا نا بنیادەک موکم ژبو گوهارتنا دەستهەلاتێ بشێوەک دیموکراتی، شوینا نە باوەریێ، ئەم باوەریێ بەلاڤ کەین. ئەڤ کارە ئەستەمە بێنە ئەنجام دان بێی کو لایەنەک جڤاکێ تاپویا وێ نەدەت.

سەردەما خوەندەڤانێ زانکویێ بوم لسوڤیەتا کەڤن، من و ماموستایەکی گەنگەشا ئابورێ کاپیتالیزمێ و سوسیالیزمێ دکر، من هیچ سەردەمەکی باوەری نەبویە و تا ئەڤروژی نینە کو تشتەک هەیە بناڤێ ئابورێ کومونیستا یانژی ئیسلامیا ….هتد، ئابور وەک دەمارێن سەرەکیێن خوینێ یێن مروڤانە، هەمی وەک هەڤن، جودابون تەنها د دەمارێن گەلەک بچیک دا هەنە کو هیچ تشتەک ژ پێکهاتا لەشی نا گوهوریت. ماموستای گوت من، باشە جودایی چیە لناڤبەرا سوسیالیزمێ و کاپیتالیزمە، من گوت، ل کاپیتالیسمێ کەسێ سامان هەی دەستهەلاتدارە و لدسوسیالیزمێ کەسێ دەستهەلاتداربیت سامان هەیە.

بکورتی و بکوردی لهەرێما مە ئەو کەسێن دەستهەلات هەبیت سامان هەیە، لەوما هەمی کارەکی دکەن ژبو دەستهەلاتێ ژدەست نەدەن.

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close