.. پەیبەر پەنابەر
.. نەریتێ خاپاندنێ نەریتەکێ دیڕوکی گشتی و ژینگەیی وجیهانی یە، نەک تەنێ ل نک جڤاکێ مڕۆڤان بەلکو ل نک ئاژەلان ژی یاهەی لێ گەر ئەم تەماشە کەینێ ڤی نەریتی ڕهو ریشێن خوە هەبونە هەر ژ (ئادەم هەتا خاتەم ) بەلکو گەلەک وێڤەتر ژی. ئەڤجاڕ چ ب ڕیا ئولی یان سیاسی یان ئابوڕی یان لەشکەری یان هەتا چڤاکی و تا داویێ .
لێ خاپاندنێ سنوڕێن خوە هەنە ئەو ژی ژ سەرهلدانا سەروەریا یاسایێ و جێگیربونا شارستانیەتێ پەیدابونا دادگەڕایی و جیهان گەڕیێ و مودێڕنیزمی شیا جڤاکێن مروڤا ب ڕێکخستن و ب سیستەم کەت ، هەر چەندە نکارینە بن بڕ بکەت لێ کاریە سنوردار بکەت. لێ یا کو من مەبەست پێ تایبەت د ڤی سەردەمی دا ل کوردستانێ نەک تەنها حکومەت و احزاب خەلکی دخاپینیت بەلکو خەلک بخو ژی یێ ئێکو دوو دخاپینن!! ئانکو نەب شێوەکێ ئاسایی کو ئەم بێژین بازڕگانەگ یان فڕوشیارەک ….هتد ، بەلکو ڤێ داویێ ب بهانا چێکرنا ئێکەیێن نشتەجی بونێ ب ملیونا دولار ل ژێر ناڤێن خەیالی ژ خەلک هاتنە چێکرن و پاڕێ وا چو و چ لێپرسین ژی دگەل وان کەسا نەهاتنەکرن .
ل ژێر میناک و ناڤو نیشانێن دیار ب ملیونا دولارا خەلک زەڕەڕمەند بو ، دیسان بریا بازارێن ئەلکترونی و قومارا ئەلکترونی وەکی بێت و پێتکوینا ژی خەلکانەک ب ملیونا دولارا زیاندار بو. دیسان ب ریا پێشانگەهێن ترومبێلا و بهانا قستا دیسان خەلکانەک هەبون ملیونا دولاڕێن خەلکی خارنە ، ڤێ داویێ ل دەڤەڕێ هندەک کەس رابوینە ب ناڤێ جهێن بلند و کەسانێن دیار د پێگەهێن هەرە بلندا خەلک خاپاندیە ب بهانا دامەزراندنێ و دانا پارجە زەڤیا هەم دەنگێ وا و هەم برە پارەک ژێ وەرگرتنە و ئەڤە چەند ڕوژەکە دەنگوا وێ هەیە کو هیچ هەبۆنەک وراستیەک بو نەبویە و خەلکانەک دجیتە جهێن بەرپرس و دەست ڤالا دزڤرن ژبەرکو هیچ راستیەک بو وێ نە بو تەنها فێڕەک بو ل خەلک هاتیە کرن و چ جهێن پەیوەندی دار ژی ڤێ بەرپرسیاریێ ناگرنە سەر ملێ خوە .
یا سەیر ئەڤ تەخا دبنە قوربانی ژ ی د هەر ئاستەکێ تێدانە و خودان پێگەو باوەرنامێن بلند ژی دناڤدانە، ژبەرکو ئەڤ نەڕیتە نەیێ نامۆیە و ئەڤە ژی بەڕمایکێن گەندەلیا کوردستانێ یە و کو ب قەبارەو ئەندازێ وێ نەبونە ،ژبەرکو گەندەلیێ چ ڕێک و پیلان نەمانە تاقی نەکری لەو ما ژی خەلکەک ژ نەجاری دبنە قوربانی ڤان پیلانا لەو ماب کورتی دبێژم هیڤی ژ خەلکی دکەم خالا دوماهیێ دانن وبلا بەس بیت وەکی دبێژن (بو هیچ کارەکێ تەمام نەبوی پارا نەدە ) و (ئەگەر شولەکێ بکەی ب دەستێت خو بکە نە ب دەستێت خەلکی) ئەگەر نە دێ هەر قوربانی دەر بی .
