مەهدی تەلئەت
بەشێ یەکەمین
دەمەکە هەڤال بمنڤە ، د بێژن ژبەرکو تو پێشمەرکێ ئیلولێ بوی و کەسەکی نێزیک مالا بارزان بتایبەت گیان شاد ئیدیس بارزانی . هەر وەسان مالباتا پێشەوا قازی ، مالباتا داود بەک جاف ، بنەمالا ئەحمەد ئاغا زێباری و مەحمود ئاعا زێباری ، مالباتا سمکووێ شکاک تاهرخانی وان دناسی یا پێتڤیە پێزانینێن تە لسەر هەین بنڤێسی و بێخی بەر چاڤ .
من گەلەک تشت ژڤان کەس و مالباتێن من ناڤ برین گوهلێ دبو . لێ ژبەر کو پارتی بوم و سوفیەک بارزان ئەز ژگوتنێن وان عاجز دبوم و من هزر دکر گوتێن دبێژن نەد راستن .
مالا داود بەگێ جاف کە سەروک عەشیرا جافن و بنگەهێ وان ل کەلار بو . پشتی قانونا ئێسلاح زەراعی دەما عەبدول کەریم قاسمی هندەک شەرو پێکدادان لناڤ بەرا وان و حکومەتێ رودا و ناچار بون چونە ئیرانێ . ژبەرکو پتریا جافا دکەڤن ئیرانێ شارێ پاوە ، کەرمانشا ، سەراب ، جوان رو ، مەریوان شاهێ ئیرانێ بهایەکی مەزن ددا ڤێ مالباتێ و بتەڤ ل دورێن خوە کوم کرن .
سەردار جاف کە زاڤایێ پێشەوا قازی بو هاوسرێ مریەم خانێ کرنە وەزیرێ دەربار و سەر پەرستێ بەرنامە رێزیا چاڤ پێکەفتنێن شاهی دگەل سەروکێن وەلاتێن بیانی . دارا کو ئەوژی زاڤالێ پێشەوا قازی بو کرن وەرگێرێ عەرەبی تایبەت بشاهی . سروەت کرنە دکتورێ تایبەتێ مالباتا شاهی . سالار کرنە نوێنەرێ کەرمانشاو پاوە و جوان رو ل پارلمانی . سەر بەست کرنە سەر پەرستێ هەوال گیری شامیرانات و پەیوەدێ دگەل هەوال گیرێن هندەک وەلاتان . شهریارو سەچل مژول بون ب ئیدارە کرنا کارێن مەزرەعەو دامدارێن ب بنە مالێڤە گرێدای .
مەریەم خان کە هاوسەرا سەرداری بو وەزیری دەربارا شاهی عەلەنی نەیارا شاهی و رژێما ئیرانێبو . دەمێ ناڤێ شاهی دهات تف دکر و هەر چی خراب دگوتێ . ناڤ بەرا من و مەریەمێ و دەیکاوێ ژینان قازی و فەتاحێ قازی و تا رادەیەکێ کورەرەش عەلی قازی باشبو . بنەلال قازی ژی دلەکی خواش ژمە نەبو ب چاڤەکی باش ئەم نەد دیتین .
لێ روژەکێ هندەک مناقشە چێبو لسەر مەسەلێن نەتەوی . سەردار گیانێ وی شادبت ئاخفت . مەریەمێ گوتێ ژبو وە نینە هون تەڤلی مەساێلێن نەتەوی ببن وە خوە ئێک لاکریە و بوینە خولامێن شاهی . سەردار عاجزبو گوت ئەم بونە خولامێن شاهی و مە خوە ئێک سەرە کریە ئە چینە و ل کیڤەینە . لێ مە وەکو هندەکا خەلک نەخاپاندە ژبو ئەهدافێن خوەی شوم کوردا لبن ناڤێ شورەش و خەبات لخوە کوم بکین و دمفایێ نەیارادا کورد ڤێک را بەردەین و کوردا بدەستێ کوردا بدینە کوشتن.
ئایا ئەڤا هاتی کرن و دئێتە کرن ل عێراقێ بناڤێ شورەشگیرێ و کوردایەتی شورەشو کوردایەتیە گەلو ؟… نە نە هون بیروکەکا شوما خێلەکیە و مایەی بن بر کرنا کوردە بدەستێن کورد و ئەنجاما دێ ئێنە دیتن چ ئەڤرو و چ سوبەهی . ڤێ گوتنا سەرداری هندە باندور لمن کر گەر من شیان هەبان ب چو رەبگا من چاڤ پوشی ژ درب لێدانا وی نەد کر کە چەوا بڤی رەنگی بەحسێ شورەشا مەی موقەدەس دکەت و ڤان بوتانێن هندە کرێت ددەت پال سەرانێن مەی موقەدەس .
زێباریا ژی دگوت بێکو خەلک ئەگەرێن چونا مە بو ناڤ حکومەتێ بزانن مارکا جاش و خوە فروش دانە پالمە . لێ راستی نە ئەڤە ئەڤا دئێتە گوتن و دیتن . دزەنێ خوەدا هەر شورەشەکا ل باکورو جهێن دی دهات کرن مە زێباریا پالپشتی دکرو هێزو هەفکاری بو فرێت کرن . ژبەرکو مالا بارزان شێخ بون و ئێرشاد کەرێن دەڤەری مە دپاراستن . هەر هاریکاریا مە بوجهەکی فرێتکر ژبەرکو شێخو مەلا و عالمێن ئولی لجەم جڤاکێ و خەلکێ رێزدار بون مە کەسەک ژ شێخێن بارزان مینا نوێنەر دگەل فرێت کر .
ئەڤ بو ئەگەرێ هندێ ئەو پالپشتی و هەفکارێن مەزێباریا دهنارتن بو وی شێخێ نوێنەر بێت هژمارتن و دناڤ جڤاکێدا بێنە ناسین . پشتی شێخ عەبدول سەلام هاتیە سێدارە کرین و مالا بارزان وەک بنەمالەکا سەرەکیا کوردا بهێز هات باسکرن . ئێدی هێدی هێدی نەرازینون پەیدابون و حزب هاتن چیکرن و ژ شانسێ وان شورەشا ئیلولێ دەست پێکر و مالا بارزان ژی دەم غەنیمەت هژمارتن و بناڤێ شورەشێ مل دا ژناڤ برنا بنەمالێن بهێزێن ئاغا بزاڤ کرن بناڤێ شورەشی و پشتەڤانیا خاپاندنا مللەتی ئاغا ژناڤ ببن و بخوە ببن ئاغاێن پتریا دەڤەرێن بادینان و زێباری بهێزترین عەشیر زانین ،گەر زێباری نەمینن کونترولا عەشیرێن دی زەحمەت نابت . لەوماژی هێڤێنێ نەیاری لناڤ بەرا مەو خوە بەلاڤکرن و مە ژهەڤ کوشتن کر .
ئەڤە بو ئەگەرێ هندێ مالا بارزان لچیابن ئەم لناڤ حکومەتێ و ئەو لناڤ حکومەتێ بن ئەم بچین چیا . هەلبەت ئەڤ گوتنا زێباریا ژبومە هەمیا جهێ پێکەنین بو ژبەرکو مە ئەو بکورتان ددیتن بارکێشێن حکومەتێ و بارزانی شورەشگێر لجیا ؟…. لێ پشتی شوەش نەمای و ئەم ئاوارەی ئیرانێ بوین و ئەز دگەل بنەمالێ چومە کەرەچ و من من گەلەک خورشدی سوفێن خودانێ بارزان گیان شاد شێخ ئەحمد بارزانی . من کەسەک ناسی بناڤێ مام عەلی سەر کێری و هەر تم نم نمەک دکر و تشتەک ب وەزنو قاف دئینا ئەزمان دەمێ من ئیلحال لێ کری بو من بێژت کا چی دبێژت چیروکا نەیارەتیا زێباریاو بارزانیا بو من ڤەگێرا . پاش گوت حەم . ئەز کیسەلێ پشت رەقم . ژبو بارزان د تەقم . ژبو بارزان عەبدالم . دێ زێبارێ رامالم .
ئەحمەد کورێ زێباری . چاڤ کێڤریشکال نزاری . بەرازێل بنیا طاری . ئەزم عیسێ سوواری . دێ روژا رون لتە کم شەڤا طاری . تەق تەق تە خمە روباری ؟…. ئەحمەد کورێ زێباری ئەحمد ئاغایێ زێباری بو بابێ ئەرشەد زێباری وان لەتوی وووووووو برایێ مەحمەد ئاغایێ زێباری بو بابێ زبەیری و عەمەری و تەتەری و هشیاری ووووووو . ب بریارەکا بارزان ل موسل د دەستپێکا شورەشا ئیلونێدا هەت تەور کرن .
درێژە هەیە .
