چاند و هونه‌ركوردستانی

یا من دیتی و من گوهلێ بوی

مەهدی تەلئەت

Kan være et bilde av 1 person og innendørs

بەشێ سێ یەمین

وێ چاخا بنەمالا چاف و ئاعاێن زێباریا دگوت و شێخێن سورچیا و ووووو. وووووووو. دگوتن شورەش لسەر بیروکا تەریقەتا نەقشە بەندی هزرو بیرێن خێلەکی هەتینە ب بنگەهگرتن ئارمانجێن بنگەهی دڤەشاسرتینە . ئارمانجێن سەرانێن شورەشێ ژناڤ برنا مالباتێن ئا‌غاو دەرەبەگانە و کەسێن بەر نیاسێن جڤاکێ دا بخوە جهێ وان بگرن و ببن ئاغاو دەرەبەگێن بێ رکابەر .

ژبەرکو مە شورەش و سەرکێشێن شورەشێ بسەر کێشێن پاقژو گەل دوست موقەدەس دزانی ، کەسێن خلاسکەرێن مللەتی ژ زولمو زورداری وستەم و گڤاشتنێن ئاغاو دەرەبەگێن رەفتار پیس و کرێت . گوتنێن وان لمە گران دهاتن و توهین ئامیز و بوتان دان پال سەرانێن شورەشی کە دهزرا مەدا موقەدەسبون .

لەوماژی دلێ مە بەرامبەر گوتنێن وان پری کەربو کین کدورەت دبو و مە نەمان و ژناڤ برنا وان ژناڤ ئەرکەکی پیروزو نەتەوی دزانین ……………….. لێ پشتی خەباتا بدەها سالا و قوربانی دانێن بێ سنور و دەر بدەری و ئاوارەبون و ئەنفالێن رەشێن بسەرێ مللەتی هاتین و وان کێمیا و شێمیا بارانێن جانێ بهزاران مروڤ گرتی وێ ژیانا تالو دژوار و بترسا مللەتی روژێن خوە تێدا دەرباز کرین وان کارەساتێن مللەت توشبوی و بملیونا زارو بێ دەیباب بوین و هێزو هزرو بیروکا کەڤنارا کەڤنە پەرستیا ئاغاو دەرەبەگا هاتی رامالین و چو نە کرن کونترول و ئێختیارا هاژوتنا کارا تام کەفت دەستێ بەر پرسێن شورەشێ .

لێ ب مخابنیڤە گوتنێن وان جاشە جامێرا راست دەرکەفت و سەرانێن لبن ناڤێ شورەشێ سەر کێشیا بزاڤێ دکرن دوربون ژ هزرو باوەرو خواستێن نەتەوی و ئارمانجا وانا یابنگەهی رامالینا ئاغاو دەرەبەگابو ڤەگوهاستنا دەست هەلاتا وان کو بخوە ببن شوینگرێن ئاغاو دەرەبەگا لسەر دفنا مللەتی ببن ئاغاێن بێ رکابەر و وەک دڤێت رەفتار بکەن .

تازە ئەگەر مروڤ بگور وژدان هەلسەنگاندنێ لناڤ بەرا ڤان ئاغاێن تازە و ئاغاێن کەفندا بکەت دێ جوداهیەک مەزن بینت . گەر تشتەک لمروڤی قەومتبا و قەستا ئاغای کربا دال مروڤی خودان دەرکەڤت ، یان ژنەک رەڤابا و چوبا نک ئاغای دای پاراستی بت . لێ ئەگەر کەسەک توشی گرفتەکێ بو و قەستا ڤان ئاغاێن تازە کر و درفتەرێن دولارا نەبن هەر خوە پێگولێ ناکەن .

ئەگەر ئێک ژنەکێ برەڤێت و ببت نک ڤان ئاغاێن تارە ، گەر ژن جوان بت ،نەکە وی مروڤی نا پارێزن بەلکو دێ چاڤێخوە بنە ژنێ و بەری مالباتا ژنکێ بزاڤا کوشتنا وی مروڤی کەن دا ژن دخزمەتا وانا شومدا بمیت . ژڤێ ژی خرابتە بەرێ هەر عەشیرەکێ ئاغایەک هەبو .

ئەڤرو هەر کولانەکێ ئاغایەک یێ پەیدابوی . ئاغاێن بەرێ لسەر ٢دو مێترێن گوندێ خوە یان عرشیرا خوە دکەتن شەرو پێکدادانا . ئاغاێن نهو دەڤەر دەڤەر ژدەست ددەن و نرچێن ژی لێ نائێت . ئاێن بەرێ هەر ١٠ دەهێ ئێک ژ دەر ئامادێ گوندێن خوە وەر دگرت .

ئاغاێن نوکە گوندیا ب ئەردو مروڤە ژبو خوە رادمالن . ئاغاێن بەرێ ئێساساتێن عەشائێری و مللەتینی پالددان بهێزبونێ . ئاغاێن تازە ئێحساسات و ڤیانێن نەتەوی د ڤیان و گرێدانێن تاکە کەسیدا حەلاندن . ئاغاێن بەرێ ئاغاتەنێ بریار دەرێ کاران بو دڤیا رێز لێ هاتبا گرتن .

ئاغاێن تازە ب زارو و ژن و خزم و کەسوکار بتەڤ بریار دەرن و مللەت ناچارە رێزل تەڤا بگرن و گوهداربن . ئاغاێن بەرێ ژترسا گوندیا عەشیرێ ب دزی هندەک کەسێن هەڤرک ژناڤ دبرن . ئاغاێن تازە روژا رون بیکو حسابێ بو کەسێن بکەن ێن دبێن دگرن و دکوژن و ژناڤ دبن .

ئەڤ تشتەک حاشا هەلنە گرە کو روژانە ئەم بتاڤ دیدەبانین و دبینین و کەس نەشێت ئینکارێ بکەت ؟….

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close