پەیبەر پەنابەر
پەیبەڕ پەنابەڕ .. رەخنە د جهانا نوی دا میکانیزمەکە بو پێشکەفتن و نەهێڵانا کێم و کاسیا ژ لایێ کەسانێن بیڕدوز و ڕوشنبیر و بسپوڕ د هەڕ لایەکێ ژ لایەنێن کولتوری و فەڕهەنگی وئەدەبی و ئەیدولوژی و سیاسی و جڤاکی ب گشتی. ڕەخنێ دیڕوکا خوە یا پتڕ ژ هزاڕ سالی هەیە دناڤا چڤاکێن جیهانێ دا . ئەو وەلاتێن کو ڕەخنەگڕ زوڕن وەلاتێن پێشەنگن د جیهانێ دا، وەک ژاپونێ کا چەوا ژ چێکڕنا بەڵەما و ماسی گڕیێ بەڕەف تەکنولوژیەک زەبەلاح پێشڕەوی کڕ .
لێ ڕەخنە ب گشتی دوو جوڕە..
٭ ڕەخنا ئاڤاکەڕ.. کو نیازێن پاک و پێشکەفتی ل پشتن .
٭ ڕەخنا ڕوخێنەڕ.. کو وەکی جویڤێ کوڕا بێ ئاڕمانج و مەبەست و پیڵانە وتەنها پڕوپاکندەیه ژ بال تابوڕێن پێنجێ ڤە .
دیسان ڕەخنا فەڕمی هەیە کو ب ستایلەک ڕونکاڕ و نەمژداڕ دهێتە ئاڕاستەکڕن . دیسان ڕەخنا نەفەڕمی ژی هەیە کو دنهادا د سوشیالێ و چاپەمەنی و مەدیایێن فەڕمی و لوکاڵ دا دهێتە سازکڕن . و دیسان ڕەخنە دئێتە ئاڕاستە کڕن ب شێوێ ڕاستە و خو ! ونە ڕاستەو خو چ د نامێن ئەکادیمی چ د ناڤەندێن یاسایێ و سیاسی چ ژی د ڕیا ڕاگەهاندنێ ڕا ب گشتێ کو نوکە یابالدارە و بەڕچاڤه ل سەڕ هەڕ پێشهاتەکێ و ڕوژەڤەکێ .
ئاڕمانجا ڕەخنێ وەک ڕوەشت جاڕەسەر کڕنا گڕفتایە ژپێخەمەت باشتڕ کڕن هەڕ کاڕەکێ و پێڕابونەکێ و دیسان ڕەنگڤەدانەکێ . لێ ئایا تێکەه و ڕوڵێ تاکێ کوڕد چیە د ڕەخنە گڕتن و ڕەخنە ئامێزیێ دا ؟ ئایا مە ڕەخنە گڕ هەنە ! ئەڕێ ڕەخنە گڕا شیایە ئاڕاستەیا چڤاکێ و دەستهەلاتێ بگهوڕن ؟ ب باوەڕا من (ئەم هەمی ڕەخنە گڕین ، د هەمان دەم دا چ ژ ڕەخنێ نزانین ) ژبەڕکو ئەگەڕ تو تەماشەی تێکەلی و سەڕەدەڕیا مە یا چڤاکی و سیاسی و هەتا حزبی بکەی دەما ب کوڕدی دبێژن ئەم هەمی دەواتینە و ئێک ژمە ب ماڵا دەواتێ ناکەڤیت !! بتایبەت د ڤان سالێن نیمجەئازادیا کوردا دا دناڤا توڕێن چڤاکی و سوشیال مەدیایێ دا ئەم هەمی ڕەخنەگڕین و ژ دەستهەڵاتێ و احزاباو کولتوڕێ خوە نەڕازی نە و بێ دیاڕ کڕنا پێکە و ڕوڵ و دەڕئەنجاما ئەم هەڕ تشتی ب ڕەشی و ڕەشبینی دبینین لێ یاسەیر کەس ژ مە ڕەخنە ل خوە نەگڕتیە هەمبەڕێ ئەڕکێ خوە کەسایەتیا خوە ڕەفتاڕێن خوە ، یا دویێ ژی ئەم ڕەخنەگڕێن بێ ئاڕمانج و پیڵان و جاڕەسەڕینە ،
ژبەڕکو چڤاک دەستهەڵات پێشکەفتن ژ کەسێ بەڕەف چڤاکی یە ، لەو ما ئەگەڕ مە خوە چێکڕ ئانکو چڤاک دەستهەڵات چێبو لێ مخابن ئەڤە نینە و پێچەوانەیه لەو ما تاک چڤاک دەستهەڵات سەڕ جەم کونتاکت و پێنگاڤێت مە نەڕێنی و ڕەشبینی و پاشڤەڕونە گەهایە ئاستەکێ و پیڤەڕەکێ کو تاکێ کوڕد
٭ یاخی یە و حەش خوناکەت.
٭حەژ دەستهەڵاتا خوە ناکەت .
٭ حەژ ئاخا خوە ناکەت .
٭ حەژ کوڵتوڕ و فەڕهەنگ و زمانێ خوە ناکەت .
٭ حەژ دیڕوکا خوە ناکەت ب هەمی شوڕەش و لڤ و تەڤگەڕ ڤە .
٭ حەش پیڕوزی و دەستکەفتێن خو ناکەت .
لێ ئەڤە نە جاڕەسەڕیە بەڵکو نەخوشیە و کالفامیە ل هەمبەڕ تێگەهێن فەلسەفی و ئاییدایی هەر ڕەهەندەکا خوڤە و کاوسەکا ل هەمبەڕێ هەڕ داهێنانەکا تەندڕوست ژبەڕکو تێگەهێ نەتەوی نیشتمانی و مڕوڤی و ژینگەی ی کولتوڕی لنگ مە بەڕەف پاشە، کەس ژمە کەدەک پیڕوز نەدا بو ڤان مەسەڵا ، مەنەزانی خزمەتەک شایستە و گاڕانتی بو ئاسایسشا نەتەوی ب گشتی بکەین (هەڕ ئێک ژمە بخوە ژیا ) لەو ما مە نیشتمان و نەتەوا ژ دەست دا و ئێخستە بەڕ گەفا مەتڕسیێ ، پێچەوانەی ئوڕفێن و تێگەهێن جیهانی و مڕوڤی و ئاسایی ژبەڕکو ئەگەڕ نیشتمان چو ئێدی تە چ نامینیت و تو چ نینی و جاڕەنڤیسێ بەڕەبابێت بهێت ژی تە بەڕەف تونێڵەکا تەنگو تاڕی بڕ .
ژبەڕکو (ئەگەڕ تاک تاک بیت دێ چڤاک جڤاک بیت ) هەڕ وەسا (ئەگەڕ جڤاک چڤاک بو دێ دەستهەڵات ژی دەست هەلات بیت ). لەو ما یا پێتڤیە و دهەمان دەم دا ئەڕکە ژی کە ئەم پێداچونێ ب خودا بکەین و نانی بو نان بێژی و زێڕی ژی بو زێڕینگڕی بهێلین . ژبەڕ کو مە باجا وێ گەڵەگ دا بڵا بەس بیت ئێدی نەدەین .
