رۆژه‌ڤكوردستانینێرین

شوڕەشێن کوردی شوڕەشێن پاڕتایەتی بون نەکوڕدایەتی ..

پەیبەڕ پەنابەڕ

من گومان ل سەڕ وێ نینە کو (ئەڤ لڤ و بزاڤێن ب ناڤێ شوڕەشێن کوڕدی هاتین کڕن نەدۆڕ و نەنێزیک نەتەوی نەبونە ،بەلکو پاڕتیزانی ژی نەبون تەنێ ماڵباتی بون ) لەوما د دیڕووکا کوردا دا هەڕ ل سەڕ دەمێ تیڕو عەشیڕا و شوپێن ئول و ئولزا وەک قادڕی و نەقشەبەندی و تەسەوف تا میڕگەها و تا ئەڤڕو ژی شوڕەشێن ئەتنیکی یێن ناوجەیی و عەشائیڕی و حزبی بون، نە شورەشێن سەڕتاسەری و خودان ئاڕمانج و ستڕاتیژ وخودی دسپلنێن نەتەوی و نیشتمانی بون لەوما ژی ڕەنگڤەدانا وا ئیڕو وەک شێڕپەنجەگێ یه ل سەڕ زەهنیەت و جەستێ تاک و نەتەوێ کوڕد !

ئاسەوارو بڕینێت کویڕ ل سەڕ لاشێ ڤێ خاکێ هێلاینە و پاڕچە پاڕچە مایە و ەکی نێچیڕەکێ هەر وەلاتەکێ بخو پاڕچەک یابڕی .

ڕاستە خەلکەکێ بێ گونە هەبو د خەیاڵا خاڤا سەڕبەخویێ دا سەڕو سامان و زەڤی و گوندێن خو کرن قوربانی و تویشی محنەت و گوجبەڕیێ بون و کەتن ناڤا ڤان لڤ و تەڤگەڕا و ژ پێخەمەت بزاڤا ڕزگاڕیخوازیا نەتەوی ڕوباڕێن خوینێ دان ، لێ د کوکا خوە دا چ ژ بو نەبو بەلکو دڕوشمێن وان بزاڤا و ئاڕمانجا وان ژێک چودابون . تاکە ئاڕمانجا ڤان لڤ و تەڤگەڕا خزمەتکڕن بو بەگلەڕ و ئاغا و کوێخا و کەس و کاڕیکتەڕێن دیاڕ ودیوانخانە و تەکیایێن وان وبلندکڕنا وێنە و ناسناڤێ وان وەک بنەماڵ یێن کو خو ب پێشەنگ و کاڕیزما نیشانێ خەلکەکێ ددا و خەلک دبون پێخاڕنا وان، لەوماژی بەڕهەمی وێ پاشڤەڕویێ دیاڕ بو .

ل جهێ بلند کڕنا نەخشێ کوڕدستانێ وێنێ سەڕوکێت وا حزبا دهێنە بلند کڕن و هەلاویستن ل جهێ گڕنکی دانێ یێ گڕنکیێ ب ڵایەنگڕ و رێکخستیێن خو و پاڕتێن خو ددەن ل جهێ خوشگوزەڕانیا گشتی خوشگوزەڕانیێ پێشکێشی ڕێکخستی و دیڤەلانکێن خو دکەن ئەڤجاڕ هەر پاڕەتەکا بیت ل هەڕ پاڕچەکا کوڕدستانێ لنگ من چوداهی نینە ژبەڕکو (هەمی ئێک قوماشن، تەنها ڕەنگ جودایە ) .

شوڕەشێن بێ بەڕنامە و پێ پڕوگڕام و بێ ستڕاتیژ وبێ تاکتیک بون ڕێگخستن و پێشخستن و گڕنکی دانا هزڕی و فیزیکی و پەڕوەڕدەی تێدا ڤاڵا بو لەوماژی زوی زوی دهاتنە سەڕکوت گڕن و نەدمان سەڕپیا ل ئالیەکێ تێکوشان هەبو ل ئالیێ دی ژی داڕ دەستی وچەتەیی ،ئەڤێن کو پێشەنگیا ڤان ڕەوت و لڤ و تەڤگەڕا دکڕ د مەسەلێن نەتەوی و نیشتمانی نەگەهشتنە و تەنها ناسناڤ و بەرژەوەندی ڤیایە .

لێ دیسان ژی جهێ داخێ یە کەس ل جیهانێ بقاسی مە ب خوەندنێ ڤە مژیل بیت و کێم مال نەبن ئێک دوو باوەڕنامە تێدا نە ودیسان ژی هەڕ پاشکەفتی و پاشڤەڕوینە . ئەڤا ڤان پاڕتێن کوڕدی کڕی هیچ دوژمنەکێ دگەڵ خەلکێ کوردستانێ نەکر ،چ ژ بڕاکوژی و گڕتن و بێ سەڕوشینکڕن و بڕسی کڕن و تاڵانکڕنا ڤی خاک و خەلکی . لەوما دبێژم ئێک قوماشن ژبەڕکو چ جوداهیێ نابینم پاڕتێن دەستهەڵاتداڕ یان پاڕتێن ڕادیکاڵ و ئیسڵامی و چەپ و لیبەڕال هەمی ژی د بێ بەهر نینن ژ بلند کڕنا دڕوشمێن حزبی و بنەمالی و ل داویێ حەمەیێ حاج مەحمود ژی تێگەهشت و د دوماهیک ئەنجامێت کونگڕا پاڕتا سوسیالیست دا ئەندامێت سەڕکڕدایەتیێ ژ ئەندامێت ماڵا خو پێک ئینا ، ئانکو یا من دڤێت ل داویێ بێژم ڕاستی ژی کوڕد پێتڤی شوڕەشەکا ڤولکانیا ناڤخویی یە بلا ژ پێنچی ملیونا ب نیڤی ب مینن بەس ئەوێن د مینن تاکێن شیاڕ و ژیهاتی بن بکاڕن ل سەڕ ڤی نیشتمانی وەلاتەکێ پێشکەفتی بخو ئاڤا کەن وبنیات بنن کو شاڕستانیەت و مەدەنیەت و دیموکڕاسیەت ستونێت وێ بن! نەک تیڕو عەشیڕ ٫چەتەیی و دز وتالانجی وئەشکیا و داڕدەست و دیڤەڵانگێن تێدابن

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close