پەیبەڕ پەنابەڕ
(نەو +ڕۆز ) ئانکو نی ڕۆژ یان ژی ڕۆژا نوی کە ژ دوو پەیڤا پێک دهێت کو ناڤەک و هەڤاڵناڤەکە ژ زمانەکێ هەڤبەشێ کوڕدی فاڕسی کە د بنەکوکا خوە دا ئەڤ زمان دوو تایێن داڕەکێ نە ، نەڤڕۆزێ دیڕوکەک دیاڕ ل پاش خوە هشتنە ئەو ژی دیڕوکا هەڤبەشا ماد و پاڕسیانە.
نەو ڕۆز نە تەنێ ڕێورەسم و کەڕنەڤاڵ وڤەستیڤال و ئاهنگە لێ د هەمان دەم دا ژی پیڕوزیەکە ژ بال یەزدان ڤە هاتیە بەخشین ب ژینگەهێ و ژینداڕیێ کو (زەمەن و زەمین زێندی کڕنە ) ئانکو (بهاڕ زێندگی و بایز مەرگ) دایە ، دئێکەم ڕێکخستنا سال و سالنامە و مانگ و ڕۆژا خوەدا ل سەڕ دەستێ شیشێ کوڕێ ئادەم ئەڤ دوانزدە کەلوکە هاتن ڕێک خستن و 365ڕوژ دابەشی دوانزدە کەلوکا کرنە و چەڕخ پێک ئانیە و د 21 نەڤڕۆزا کوردی هەمبەڕی 21 ماڕتا ئەفڕەنجی هەمبەڕێ 9ماڕتا کەڤنا ڕۆمی هەڤبەڕێ 24 ذی العقدا عەرەبی کو دبێژنێ کەلوکا بەرخ ڕۆژ دچیتە کەلوکا بەڕخ و دبیتە سەڕساڵا کوڕدی و ل گوڕ سالناما کوڕدی دبە 2722ێ کوڕدی هەڕ وەسا ساڵا ئاهۆرایی دەبێتە ١٤١٠١ ساڵی میترایی ، سالا ئاریایی دەبێتە ٧٠٤٤ ساڵا زەردەشتی دەبێتە ٣٧٦٠ ساڵا هەخامەنشی دەبێتە ٢٥٨١ دیسان پشتی شیتێ کوڕێ ئادەم دیسان ئەدڕیس پێغەمبەڕ دووباڕە ڕێکخستن د ڤێ سالنامێ دا کڕیە کو جهوی دبێژنێ (ئاختوخت ) ئەڤ ڕۆژە دبە سەڕساڵا کوڕدی کو ل سەڕدەمێ ئاینێ زەڕادەشتیێ ب پیڕۆزی دهات نڕخاندن .
مخابن گەلەگ ژ بوچونێت ملەتێن دەماڕگیڕ وەسا دایە دیاڕ کڕن کو (چەژنا جەمە، جەمشید) وە کوڕدا ب ئاگەڕ پەڕست ددن ناسکڕن! لێ زەڕادەشت ئێکە ژ 24 هزاڕ پێغەمبەڕا ئاینەگ جهانگیڕ و یەزدان پەڕست بونە ئاگڕ پەڕست لێ ئاگڕ وەک هێمایێ ڕۆژێ بکاڕ ئانیە و گەڵەگ بەڕی عیسای و موسای یەزدان پەڕست بو وەک ل گوڕ بوچونا هندەک دیڕوکناس و ڕوژهلات ناسا ئەڤ ئاینە و کولتوڕە بەڕی (جەم ) هەبو و( جەمشید) بخوە چەند جاڕا دناڤا ڤان ڕێ ورەسمادا ئامادەبویە و بادەنوشی دگەڵ زەڕادەشتیا کڕیە هەیانێ ڕوژ هەڵاتێ ئاگڕ هەلگڕنە کەیفو سەما کڕیە وەک هێماێ جڤاکێ ئاڕی ، ئاگڕی ، ئاتڕی ، ئاهیڕی ، کو ئەو چڤاکە دکەڤە ڕۆژهەڵاتێ و ئێکەم گەڵە تیشکێن ڕوژێ ڤێ دکەڤن.
د ڤێ ڕوژێ دا ئانکو 21 نەڤڕوزێ .. شەڤ و ڕوژ یەکسانن گەڕما سەڕ ئەڕدو بن ئەڕد یەکسانە ، دڤێ ڕۆژێ دا خودای جهان ئافڕاندیە ، دڤێ ڕۆژێ دا ( ئاخ ، گیانداڕ ، مڕۆڤ )ئاڤزدبن و ژیان زێندگی و ژینداڕ دبە ، ئەڤ جەژنە د سەڕی دا و هەیا نوکە بەڕدەوامە .
لێ ئا هەڕی گڕنگ د ڤێ ڕوژێ دا (دەما ناڤێ نەڤڕۆزێ دهێت گونەهەک مەزنە ناڤێ پیڕەمێڕد و گڕدەی یاڕ نەهێت) ژبەڕکو پیڕەمێڕد چەژنا نەڤڕوزێ بکەت و تێکوشانا خوە جاڕدن ژ گوڕی ئینادەڕ و زێندی کڕ و بجوانتڕین ناڤ و ناڤەڕوک ل سەڕ گڕدەی یاڕ ئەڤ نەڤڕوزە دوباڕە کڕیە و ب هەلبەست و هەست و سوزا خوە ب بەڕهەڤیێن واتا داڕ ئەڤ نەڤڕوزە سێ ڕۆژا دهاتن کڕن . ژبەڕکو مللەتێن دەڕدۆڕ ئەڤ چەژنە ژناڤ بر بو ب تایبەت پشتی هاتنا ئیسڵامێ ئەڤ جەژنە گەڵەگ تەشیڕ کڕ و بێ ناڤ و بێ بهاکڕ و گەڵێ مە ب مەجوسی ل قەڵەم ددا د دەمەکێ دا ب هزاڕان ساڵ بەڕێ هوزێت عەڕەبی ئەڤ مڵڵەتە یەزدان ناس و مڕۆڤ دوست بو د وی دەمی دا گەلێن جیهانێ داڕو بەڕ و خوڕما پەڕست بون و د ئەو پەڕێ دڕوندەی و هوڤەتی دا دژیان ، مللەتێ کوڕد ب ڕەوشت و عوڕفێن خوەیێن بنڕخ و خودان ئەخڵاق بون لێ مخابن کوڕدا ئەو نڕخ و بها ژ دەست دان .دڤێ ڕۆژێ دا چەوا ژینگە زێندی دبە هەستا نەتەوی ژی دناخێ جڤاکێ کوڕدی دا زێندی دبە،
د وێ باوەڕێ دامە ڕۆژ بو ڕۆژ دێ دەولەمەندیەک بالکێشتڕ و بجۆشتڕ وب هەیجانتڕ ئەڤ جەژنە د ئێتە پڕاکتیزە کڕن و خوەزیاڕم د ئایندەدا بەڕهەڤیێن واتا داڕ و بەڕهەڤیێن سەڕتاسەری بو ڤێ ڕوژێ بهێن کڕن وجەژنا نەوڕۆزێ ڵ گشت کوردێن جیهانێ پیڕۆز بیت.
