سەگڤان ئەرتیسی
چەندەها سالان خەبات و تێکوشان و کیمیا باران و کوچا ملیونی و کوشتنا زاروک و ژن و پیرو کالان بکۆم و ب زیندی بن ئاخکرن و جانگوری بینا ب سەدان پێشمەرگێن مێرخاس و چاڤ نەترس، دەهان جانگوریێن دی، هەمی ژ پێخەمەت ژیانەکا سەرفراز و ب رومەت، و دویری بن دەستیا زولم و زوریا داگیرکەرێن مروڤ نەناس. خوەش بەختانە ل بهارا سالا 1991ێ ئانکو 31 سالان بەریا نها هەمی تەخ و چینێن مللەتێ مە پێکڤە گوتن بمریت دکتاتورێ داگیرکەر و سەرێ خوە هەلدان و دوژمنێ مروڤ نەناس راماڵین و ژ وەلاتێ پیروزێ باب کالان کرن دەرێ و ئەو روژ بی هیڤی و ئومێدا هەر کوردەکی ل هەر قولاچکەکێ دونیایێ! لێ نزا ژ بەخت رەشیا ڤی مللەتی یە یان زانین و شیانێن وانا ئەڤە نە، پشتی 31 سالا حکومرانیا خوە مالی، هەر تشت بەروڤاژی بزڤریت و خودانێن ئەنفالا گەردەنا سەدامێ دکتاتور ئازا بکەن، و بۆ بلند راگرتنا ئاگرێ ڤێ روژا پیروز بێژن نەفتێ ژ کیڤە بینین بۆ هەلکرنا ئاگرێ پر شکودار، و ب دەهان نموونێن دی، پشتی دیروکا پر قرێژا جالدێرانێ ل سالا 1514 و دوو بارە بینا ڤێ دیروکا پر شەرمزار جارەکا دی ل چەرخێ 21ێ پشتی وان هەمی جانگوری دانێ، دیروک دوو بارە مە بێخیت بەر پرسیارێن بێ بەرسڤ و هەلاویستی، مە گوت نزا ژ بەحت رەشیا ڤی مللەتیە یان زانین و شیان ئەڤەنە، لێ وەسا دیارە خوین و گوشتێن ڤی مللەتی تێکەل بینە ژبۆ وێ کا دێ چەوا دەست و سەرێ بێگانا بلند کەن و ئێک دوو پێ هەرشینن!
