رۆژه‌ڤكوردستانی

ژ شوڕەشێن حزبی ل چیا بو پوستێن حزبی ل بەغدا ..


پەیبەڕ پەنابەڕ

گوتنەکا مەزنا هەیە دبێژن چەوا شین بویە دێ وەسا بەهن ، پاڕتێن باشۆڕێ ژ بەڕکو پاڕتێن نەتەوی نەبون بەلکو مالباتی و دیڤەڵانگ بون لەوما ژی ئەنجام ئەڤە نە یێت ئەم دبینین ، ئەلبەت ئاڕمانجا سەڕەکیا ڤا احزابێن باشوڕ تەنها بەڕژەوەندیا پوڵ و پوستابویە ژبوی بەڕژەوەندیێن تەسکێن حزبی نەزێدەتڕ و ئەڤ یەکە ژی یادیاڕە د ماوێ حکومڕانیا وادا .

یاسەیڕە پشتی هندە شکەست و دوڕانا ڤان پاڕتا وانە ژ سەڕبوڕا نەوەڕگڕتن نوکە ب ڕۆنی ل سەڕ پوستەکێ سەڕوک کوماڕیێ ل بەغدا و ب دەهان کومبونێت بێ ئەنجام گەهشتە ڕادەیەکێ کو پەڕتەوازیێ د ناڤ ماڵا کوڕدی دا بکەن و هەڕ پاڕەتەک چودا یا هەڤپەیمانیەکێ دگەڵ پاڕتەکا عیڕاقی دکەت ، ئانکو ئامادەنینن دگەلێک ڤێ پڕسێ دناڤ خوە دا چاڕەسەڕکەن یێ چودا چودا خو دهاڤێنە ناڤ ماڵا احزابێن عیڕاقی .

سەڕەڕایێ وێ کو هەڕدوو پاڕتێن سەڕەکین هەمی پوست و پلەو داهات و خاک وخەڵک ب شێوێ ل هەڤهاتنێن پێشوەخت سەڕ خوە پاڕڤە کڕنە ، لێ نوکە ئەو ژی ژدەست دا و خەڕیکە هەڕێما کوڕدستانێ یا د فەڕاغەکا سیاسی ئابوڕی ئەولەهی دا دەڕباز دبیت ، لێ ئەو هەڕ مژیلی پلە و پوستانە هەڕ ئێک چودا یێ ئەندامەکێ خوە بەڕ بژێڕ دکەت بو سەڕوک کوماڕیا عیڕاقێ کو پوستەکێ بێ دەستهەڵاتە و تانوکە ژ ئێکەم سەڕوک کوماڕ کو مام جەڵال بو و تانوکە ژی هیچ سۆدەک بو مەسەلێن نەتەوی و نشتمانی نەبویە و بەلکو بچوکتڕین هەلویست ژی ل سەڕ بچوکتڕین کێشەیا هەڕێما کوڕدستانێ نەبویە .

باوەڕم ئەڤ بزانڤێن پاڕتێن کوڕدستانی دکەن دگەڵ پاڕتێن سیاسیێن ئیڕاقی ژبلی هەڤڕکیا ئێکو دوو هیچ واتایەکا دی نینەو باشتڕ ئەو بو ب ڕێکەفتن پاڕتێن کوڕدستانی ل کوڕدستانێ ئەڤ کێشە چاڕەسەڕکڕبان پاشی چوبانە بەغدا و ئەگەڕ ڕاستە نوینەڕێن مللەتی نە دا دەستا ژڤێ کێشمەکێشمێ ئینن و بەڕژەوەندیا ڤێ خەڵکی پاڕێزن .

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close