رۆژه‌ڤكوردستانی

جڤاک دناڤبەڕا چاکسازی و قەیڕانسازیێ دا ..

پەیبەر پەنابەر

ل هەرێما کوردستانێ هندی دچە مەودا و مەسافێ دناڤبەرا جینا دەستهەلاتدار و جینا هەژار زێدەتر دبە، خەریکە ئەڤ چوداهیە وەکی دۆری و جوداهیا ئەرد و ئەسمانا یالێ دهێت ، جوداهیەکە ئەستەمە بشیێ ب چ پیڤەرا هەڤبەر بکەی ، جینا ژ گەندەڵیێ دەرباسی ئالیێ تالانکاریێ و ب هەدار دانێ یا دچیت و جینا ل ژێر ژی د قەیرانا را خەریکە ب حەندقیت .

جینا ل ژور پڕۆژە و کوربەند و لوتکێن ئابوری ڤە یا مژیلە و رەسیدێ وا جرکە بو چرکێ بەرەف ژورە و جینا ژێر ژی مژیلی گرفتا نەدانا موچا و گرانیا بازاری بگشتی و نەبونا غاز وگاز و بەنزین و کارەب و ئاڤ و زەیت وپیڤازا یادنالیت شەڤو رۆژ یێ د مینن د سرایێ دا دا کو لیترەکا بەنزینێ یان بتلەکێ غازێ یان برە پارەکێ پەیدابکەت و فتارا رەمەزانێ پێ بکەت .

ئەڤ دۆری و بێ ئاگاییا دەستهەڵاتێ بخو چەند بەرسڤەکن بو فەشەلا سیاسی و ئیداری و ئابوری و سیستەما حکومداریێ ل ڤی وەلاتی . دیسان ژی بخو بەرسڤەکە ژبوی خوە و خەلکی کو د ماوێ حکومرانیا خوەدا نەشیایە د بجیکترین پروژێ خوە دا ب سەرکەڤن نە شیاییە د بیاڤێ بەڕهەمێت ناڤخو دارکەکێ دودانا چێکەن ،

د بیاڤێ ئیدارەدانێ دا نەشیایە دوو ئیدارەیێ نەهێلن د بیاڤێ لەشکەری دا نەشیاینە دوو لەشکەرا بکەن ئێک ،د بیاڤێ چاندێ دا نکارینە پتاتەکێ بەرهەمبینن د بیاڤێ پێشەسازی دا نکاڕینە بزماڕەکێ چێکەن ،د بیاڤێ زانستی و پەڕوەڕدەیێ دا نکاڕینە زمانەکێ ستاندارت یان چ نەبیت ژ بەر رەحما زانکویێن ئەهلی رزگار کەن ،

د بیاڤێ تەندروستی ژی دا نەشیاینە ب کێماسی حەبەکێ بەرهەمبینن یان چ نەبیت کونترولا بازاڕێ ڕەش بکەن کو ب هزاڕان شەڕیکە یێ بازڕگانیێ ب تەندروستیا چڤاکی دکەن ، ئەڤە هەمی گڕوڤێن فەشەلا ئیداری نە ل هەرێما کوردستانێ کو کێمەک ژوا مە ئانین زمان لەوما ژی باوەرم زەنگا مەترسیێ یا ل سەر ژیانا هەڤوەڵاتیا لێدای و سەرەرایێ ڤێ نەبونا دەڕاڤێن کاری و نەبونا موچا و دامەزڕاندنێ باچێن حکومی هندی دچن گڕان دبن و سێ قات و چوار قات ژ خەلکی د ستینن .

ژبەڕ ڤێ ئەگەر حکومەت پێداچونەکێ ب ڤان ڕەفتارا دا نەکەت نەدورە چەنگەکێ چەند سەر ل پیشیا مەبیت هەم جەنکەکێ ناڤخویی هەم ژی یێ مەرکەزی و هەرێمی و دەرەکی و چڤاک ب دەستهەلات ڤە ببیتە قوربانی نێچیڕەکێ .

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close