مەهدی تەلعەت
هون دبێژن ئەو کەسێن دبن بەر پرسێن والاتی والاتی بریڤە دبن کو ئەرکێ وانێ بنگەهی پاراستنا سەرو سامان و ژیان و گیانێ هەڤ والاتیانە لێ بەرو ڤاژی ئەرکێ خوەی پێ ئەرکدار کارو رەفتاران دکەن .
مەسەم دبن دزو گەندەل و تالانچی وهەر تشتەکی ژسروەت و سامانێن گشتی دکەڤت لەپا رەحمێ پێنابن و بتالان دبن و دکەن ملکێ تایبەتێن خوە مللەتێ خوە رەزیل و زەلیل و هەژارو نەدار دکەن و لسەر حسابا رەشو روتێن مللەتی خوە دگەهینن ژیانەکا های هایلاێت کو دخەوناژیدا نەهاتی دیتن و نە ئێتە دیتن خوە دکەن خودانێ بملیاردا دولار و ژیانا گشتی دخەتمینن و دکەنە دوزەخ مللەتی روبەروی ژیانەکا هەرا دژوارا پری ئێشو ئازار دکەن بێکو ئوروەکێ ڤەدەن و بو خەمبت .
گەلو هون دبێژن ئەڤ جور بەر پرسە د کوکا خوەی خوینی و ژێنی و نەرەویدا چو گرێدان ب وی مللەتیبە هەبن و هەڤ خوین بن . بتایبەت بەر پرسێن مللەتەکی مینا مللەتێ کورد کو بگورەی ڤان وێنێن خوارێ و بهزاران وێنێن دی مینا وان بەدەل داین ژبو بدەستبە ئینانا مافێن خوەی رەوا و نەتەوی و ژیانەکا ئارام و ئازاد و برومەت .
مروڤ نەشێت باوەر بکەت بەر پرسەک یان رێڤە بەرەک چەندێ دل رەقو هوڤبت بشێت رێ بدەت خوە بەرامبەر هەڤ خوینێ خوە و مللەت و نەرەوێ خوە خودان چنین رەفتارێن زڤرو دور ژ ئەخلاقبیت سەر ئەدو بن ئەردێن والاتێ خوە تالان بکەت و ژیانا گشتی بخەتمینت و مللەتێ خوە بگەهینت ئاستەکی هندەی بێ چارە کە مینا چوچکێن تەیرو تەوالا دەڤێ وان یێ بەش کا کەنگی دایکا وان یان بابێ وان ژنێچیرێ بزڤرت و تشتەک نێچیر کربت و بێ ختەد دەڤێ وان یێ بەش و ڤەکریدا مللەتێ وان ژی روژانە چاڤەرێیبن دێ کەنگێ بێژا موژدە موژدە موچە هات دێ ڤان روژا دابەشکەن هەلبەت ئەگەر عێراق ٢ دوسەد ملیاردا فرێکەت ؟….
براستی دەمەکە بگومان کەفتمە . گەلو ئەڤ جور بەرپرسە بڤی شێوێ بێشەرمانە مللەتێ خوە تالان دکەن ورەحمێ بچو تشتا نابن و کەرامەتا تاکێ کورد بن پێ دکەن و روبەروی گڤاشتن و رەفتارێن زڤر هوڤانە دکەن دکوکا خوەدا کورد بن هەڤ خوینێن ڤی مللەتی هەژارن ؟..
بباوەرا من پتریا ڤانا نە کوردن . یان مشەختن و هاتنە دەڤەرێن کوردا بو بورینا دەم دناڤ کورداندا حەژیانە و بونە بەشەک ژ کورد . یان ژبال نەتەوێن دیڤە بزانابون هاتنە چێکرن و ژئایێ ئابوری و زانستڤە پالپشتی لێ هاتیە کرن و دجڤاکێدا کرنە خودان پێگەهەکا بهێز و بەر نیاس ژبو روژەکێ ئەگەر هاتو ئەو مللەتە بکەڤتە هزرا بزاڤ و تەڤگەرا ژبو مافێن خوەی رەوا ئەو بگورەی پێگەها خوە دجڤاکێدا بەر نیاسیاوان سەر کێشیا بزاڤێ بگرنە دەست بناڤێ دەستهەلاتا خویی و بزاڤێ بئاقارەکی دا ببن ئاقارەکی پری گڤاشتن و زڤری و بێ دادی و ژیانێ بکنە دوزەخ و زولمو ستەمەکا بێ سنور بدەن مەشاندن بگەهینن ئاستەکی بێزار کەر ، کو خەلک ژهەر تشتی بێزار ببت و ژخەبات بزاڤێن کرین و بەدەلێن داین پەشێمان و دل سار ببن ببن حەسرەتا چاخا لبن سیبەرا نەتارا بخوازن .
ئەڤ دیتنا منە و گەهامە وێ باوەرێ . ئەگەر فەحسێن دی ئێن بو ڤان جور بەرپرسو رێڤە بەرا چێکەن پتریا وان دێ دەرکەڤن ژ مللەت و نەتەوێن بیانی و دێ دیار بت چو گێداناوان بکوردڤە نینە ، لەوماژی هو سان هوڤانە دگەل ڤی مللەتێ خێر ژخوە نەدیتی رەفتار دکەن و بونە ئێشا پەنجە شێرێ و بەربونە هەبونا وان ؟…..
