رۆژه‌ڤكوردستانی

دەست کەفتێت ئوپەڕاسیونێت تورکیاژ 2019 تائەڤڕو ..

پەیبەڕ پەنابەر

بێ کومان دژایەتیا توڕکا هەمبەڕێ کوڕدا ل هەر پارچەکێ ل هەر کونجەکێ جیهانی سەد سال دەرباس کرن ورهوڕیجێن دیروکی هەنە هەر ژ قوناغا هەڕێما و میرگەها و عەشیڕا و تاشورەش و لڤ و تەڤگەڕین سالێن بیستا و چ هێز و شیانێن هەیی ب تەقەنیا خوە یا هەری پێشکەفتی وب کەلەرەقیا خوە یا شوفێنیزمی و ڕەگەزپەرستیێ یا خوە یا بێ سنور هەر د بەردەوام بون ل سەر کو م کوژیێ و شیایە ب ملیونا کوردا بکوژیت و جینوسایدێن هوڤانە ب سەر گەلێ کوردا بینیت و هەر چ کەرب و کینا دلێ خوە دا هەیە هەمبەڕێ کوڕدا بکاڕ بینیت و چ ژ ئالیێ کولتوری و فەڕهەنگی و فیزیکی و سایکولوژی و ئابوری و جڤاکی و پەروەردەیی وروشنبیری نمونێت ئەرجیشێ و ئاگریێ و دێرسم و بینگول و ئاراراتێ ومەنزوڕێ و گەلیێ زیلان و گەلەگ جهێن دی میناکێن زێندین هوڤایەتیا دڕوندەیا تورکیا بابەتەکێ حاشا نەهەلگڕە .

نەمازە د ڤا چل سالێن سەرهلدانا بزاڤا پەکەکێ تورکیا ب هەمی هەول و هێز و بزاڤا خوە هەول دایە کو ڤێ بزاڤێ ژناڤ ببەت لێ سەڕکەفتن نەئینایە ڕاستە ب هزاڕان مولگە و حەشاڕگەهێن وانا ژناڤ برنە و ژمارەکا هەرە بەرجاڤ ژ گەریلایێن وێ پاڕتێ ژناڤ برنە لێ نەشیایە دوماهیک پێ بینیت .

لێ د سالێن 2019 تائیڕو تورکیا شیایە تەکتیکا لەشکەڕیا خوە بگهوڕیت و ب ڕیا جەکێن پێشکەفتی بتایبەت بالەفرێن هەوالگیڕی و جەنگی جەکێ ربوتی دەست ب ئاپەراسیونا بکەن بتایبەت ل دەڤەڕێن گاڕە و مەتین و هە ڤتەنین و زاپ و ئاڤاشین و گەلەگ جهێن دی شیایە 18ئاپەراسیونێن جودا جودال ژێڕ ناڤێن جوداجودا ئەنجام دەن و د هەمی ئاپەڕاسیوناژی دا درویشمێن نەهێلانا پەکەکێ بلند کڕنە و ب هەمی هێزو شیانێن خوە هەول دایە بشێن کونتڕولا پەکەکێ بکەن لێ نەشیایە ، سەرەرایێ ب ملیاڕا دولار د ڤێ ڕێ دا ب هەدەڕدایە و قەرداڕێ زوڕبەیا وەلاتێن جهانێ بویە ب هزاڕان بلەداڕ و ئەڤسەر و لەشکەڕێ خوە ژ دەست دانە لێ تا ڕۆژا ئەڤڕو کو ئوپەڕاسیونا ب ناڤێ pence kilit نەشیایە ڤێ هێزێ بێ باندوڕ بکەت .

ئانکو ئەڤە تێ وێ واتایێ تورکیا ئەڤ شەرە پێ چێ نابیت و سەڕکەفتنێ نائینیت .ئەگەر ب هەلکرنا گلوپاکەسکا هەڕێمێ نەبیت بتایەت ژی ئەڤ بێ هەلویستیا هەڕێمی بەلگەکێ دیاڕە بتایبەت پەیوەندین هەڤلێڕ ئەنقەڕە کو ئەڤ ئاپەڕاسیونە دوو ڕوژا پشتی وێ سەڕەدانێ هات پێک ئینان ،لێ جهێ تێبینیێ یە ئایا تورکیا ب ڤان هەولا ئارمانجەکا ستراتیژی هەیە و ئەگەر هەبیت نیشانێن وێ چ نە؟

بێ گومان دیاڕە مەبەستا تورکیا داگیر کرنا باشور و ڕۆژئاڤایە ونەهێلانا هەر ستاتویەک تەڤگەرەکا کوردیە ئەڤە ژزاڕدەڤێ گەڵەک بەرپرس و سیاسی و هەتا خەلکێ سیڤیل ب ئاشکرایێ بەحسا ڤەگەراندنا نەخشا دەولەتائوسمانی ئێک ژ ئاڕمانجێن ستڕاتیژیە و دکاڕم بێژم دگەل هەبونا هەڕێمەکا فەدەڕاڵ تانوکە د بیاڤێ ئابوڕی وبازرگانی و هەوالگیری و لوجستی و ئەولەهی و لەشکەری هەتا دراماو راگەهاندن باشور یا هاتیە داگیر کرن لێ وەکی خاک دکارم بێژم 20% ژ ئاخا هەرێمێ ژی داگیر کریە و سەربازگە بو هەتاهەتایێ داناینە لێ ئەگەر دوماهیک ئاپەڕاسیونا کو لژێر ناڤێ pence kilit ئەڤا کو د 18/4دا ئەنجامدایی و ب دڕێژاهیا زنجیرەچیایێ کوڕەژا ر و مەتینی نها داگیر کریە و لەشکەڕی وا ب چاڤ دیاڕن ب مینن ب ڤی شێوەی هەم هێزێن پەکەکێ دێ هێنە دوڕپێچ کرن چونکی ل سەر سنوڕێ هەرێمێ و باکوڕێ ژێ ب دڕێژاهیا 25کم ئەڤە ماوێ ساڵەکێ یە سەربازگەهێن وانا لێ هەنە و تەنها هەڕێما پاراستنا مەدیا ئانکو زاپ و ئاڤاشین و خامتر تا باکوڕێ ڕوژهەڵاتی و قەندیل ئەڤ هێلە یا مای وەک بوشاهی لێ باوەڕم ئەو ژی یا دبیلانێ دا چونکێ مەبەستا توڕکیا قەندیل و مەخموڕ و شنگالە و پاشان هەڕێما باشوڕ و ڕوژ ئاڤا ، لێ باوەڕم ئەڤ هەولە ب ئاسانی ڕوی نادەت ژبەرکو پەکەکە د نووکەدا کاڕتەکا فشاڕێ یە هەم د دەستێن حکومەتا عیراقێ دا هەمی د دەستێن حکومەتا ئیڕانێ دا چونکی هەمی لایەک ژڤا و ژ دولەتێن جیهانێ دزانن نیازا توڕکا داگیر کڕنە و دەست دانانە بو سەڕ داهات و سامانێن ڤی وەلاتی بتایبەت (گاز غاز و ئاڤا شرین و سازگاڕ و گەلەگ کانزایێن دی) یێن گڕان بها .

د ڤێرە دا دکاڕم بێژم ئەگەڕ ژ خیانەتا کوڕدی بخو نەبیت تورک نەشێت ڤێ ئاڕمانجی و ڤێ خەونا ئوسمانلیا ب جی بینیت لێ کورد فاکتەڕێ سەڕەکی نە بو ژ ناڤبڕناخوە و دەستکەفتێن خوە لەوما گومان تێدا نینە ئەگەڕ کورد بگشتی د ڤی شەری دا سەرنەکەفتن دێ هەمی لایەنەکێ کوردی بێکڤە دورینن و نەدورە ئەڤ هەرێمە ببیتە مەیدانا تەسفیا حسابا دناڤبەڕا تورکیا و عیراق و ئیڕانێ دا لەو ما تاکە چارەسەڕی ئەوە یان ئگرتنا کوردا یان ژی ژ دەستدانا هەڕهەبونەکا کوردا .

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close