پەیبەڕ پەنابەڕ
شێلادزێ د قوناغا خوەیا مژدار دا ب گورەیی جوگرافیا وێ هەمی گورستانە جهێ پسیاڕێ یە کو تا نوکە کەسەک نزانیت ئەڤ گورە و ئەڤ گورستانە هەمی یێت کێ نە دیسان دقوناغا هەستداڕ ژی دا هەڕ ژ سالێن 1891وناکوکیێن ئاغایێن زێباڕێ و شێخێن بارزان و تا شەڕێن عەشائیڕی د 1960 دا وە دیسان بزاڤا خەلیل خوشاڤی و قوناغێن تەڕحیلێ ل 1976_1977ێ وە دیسان شەڕو شوڕێن پێشمەڕگەی و دەڤەڕێ د سالێت 1986_ 1988ێ وە دیسان کوجا ملیونی یا 1991 بەڕەف جەلێ و کنیانش دیسان ڤەگەڕیانا ئاواڕەیێن ئیڕانێ و توڕکیێ پشتی 1991_1992 ێ و دیسان شەڕێن خوە کوژیێ یێن دناڤ بەڕا ynk وpdk . وە دیسان شەڕێن pkk وpdk یێن 1994 بو 1997 وە دیسان شەڕێ داعشێ ێ و تا ئەڤڕو کو 2022 یە خەلکێ ڤێ دەڤەڕێ بگشتی یێ قوڕبانیا هەمی شەڕەکێ و پێشهاتەکێ ددەت. ئەڤجاڕ چ ژ دەستدانا نێزیک دوو سەد گوندا چ ژی ژ دەستدانا ڕەزو باغ و بەڕهەمێن سڕوشتی چ ژی ب خوینا ڕولێت خوە بەڕدەوام یا قوڕبانیت گیانی و مادی و مەعنەوی ددەت . تەنها ل شەڕێ بڕاگوژیێ پتڕ ژ 50 هێڕشێن pkkێ هاتینە سەڕ شێڵادزێ کو پتڕ ژ 50 کەسا تێدا گیانێ خوژ دەستدا دیسان نێزیکی 50کەسا ژی ژ لایێ فڕوکێت توڕکی و ئاپەڕاسیونێت وانا هاتنە کوشتن کو ئەڤ ڕودانە هەمی ب داتا هاتینە توماڕکڕن و ژبلی یێن کو د شەڕێن پاڕتی و یەکەتیێ دا هاتینە کوشتن ب دەهان گەنچ هاتنە گڕتن و تەنانەت هندک د زیندانادا هاتنە کوشتن تا ئەڤڕو کو بویە گوڕەپانەکا شەڕو پێکدادانا لەشکەڕێ توڕکی و گەڕیڵایێن پەکەکێ کو شەڕ ژ چیا ژی شوڕ بویە ناڤەندا باژێڕی و ڕۆژانە ب میلانوا و دەبابا و درون و فڕوکێن شەڕکەڕو سکوسکی و کوبرا ل ئەسمانێ شێڵادزێ بەڕدەوامە ب شەڤ و ڕوژ خەلک توشی دوو دلی و تڕسێ کڕیە و ژیان تێدا قەتیس کڕیە و باندوڕەک نەڕێنی ل سەڕ ئەولەهیا دەڤەڕێ کڕیە بتایبەت ئابوڕی کو بەڕی ڤا شەڕا ناڤەندەکا خوڕتا بازڕگانیێ و گەشتو گوزاڕێ بو بتایبەت بەڕهەمێن سڕوشتی و خومالی لێ نوکە سێک و بازاڕ دڕەوشەک ئاواڕتەدا دژین و خەڵکانەک ژ دەڕڤە نەوێڕن ڕوی بکەنە بازاڕێ شێڵادزێ ژ بەڕ تێکچونا باڕێ ئەولەهی و ڕۆژ بو رۆژ سنوڕێن شێڵادزێ یێ بەڕ تەنگ دبن و سنوڕێن شەڕو هێڕشا یێ بەڕفڕەه دبن لێ جهێ پسیاڕێ یە ب ڕاستی بو چی شێڵادزێ ئایا گونەها خەلکێ وێ یە یان جوگڕافیا وێ یە یان ژی ب مەبەست ئەڤ جهە بو ئاڕمانجا ڤا هەرەشە و هێڕشا . ئومێدە واڕین ژ هەڕ ڵایەکێ کو سنوڕەکێ بو ڤان کەفا دانن و چ دی خەلکێ مە نەبنە قوڕبانی شەڕەکێ کو نەدوڕ نەنێزیک پەیوەندی ب خەلکێ مە ڤە نینە و نەبیت بو چی خەلکێ شێڵادزێ باچا ڤا لایەنا ب دەت، یان ژی هەمان ڕویدانێت ب سەڕ گەڤەڕێ و شەڕنەخێ و سلوپیێ و جزیڕێ و سوڕا ئامەدێ دا تاقی کڕین وان دڤێت ب سەڕێ شێڵادزێ ژی بین ، ئومێدەواڕم ئەڤ یەکە نەبیت و جهێن بەرپرس ڕەوشا ڤێ دەڤەڕێ ل بەڕ چاڤ بگڕن وچ دێ خەلکێ مە ل ڤێ دەڤەڕێ نەبنە قوربانی ؟!.
