كوردستانینێرین

ئەرێ شاسوار دێ سەرکەڤیت؟

⁄فەرھاد عەلی گوللی⁄

شاسوار عبدلواحد و یاریا کلاسیکو!

ئەگەر شاسور عبدلواحد یێ ڕاستگویە وەکۆ ئەو دپەیامێن خۆ دا ڕادگەهینیت کۆ یێ دگەل ئێش و ئازارێن خەلکێ خۆ و ب تایبەت دەنگدەر و جەماوەرێ پارتا خۆ!!!

وەکۆ ئەز دبینم ئەڤە پیلانەکە ژلایێ مەسعود بارزانی ڤە هاتیە دارێشتن، دڤێت ب رێکا نێچیرڤان بارزانی و خانم بلاسخاتێ کۆ دبیتە نوینەرا نەتەوێن ئێکگرتی، کولاڤەکی بکەتە سەرێ هەمی سەرکردێن حزبێن کوردی و ب تایبەت ئوپوزسیونێ،

دڤێت شاسوار عبدلواحد ب ژیرانە سەرەدەریێ دگەل ڤێ پیلانێ بکەت و ب ساناھی سەرێ خۆ نەدەتە بەر کولاڤێ وان و بەژداریێ دکومبوونا بلاسخات و نێچیرڤان بارزانی دا نەکەت، ئەگەر وی بەشداری کر کەواتە کولاڤێ بارزانی دێ بیتە تاج و دێ کەڤیتە سەر سەرێ وی!!!

بزاڤێن ڤێ ژنێ و پشتەڤانیا وێ بۆ ئێکگرتنا هەر دوو زونێن کەسک و زەر نە ژ ڤالاھیەكێ ھاتینە و نە ژ خەمخوریا وێ نە، بەلکۆ بلاسخات ب پشتەڤانی یا نێچیرڤان بارزانی و بەرھەم سالیحی و مستەفا کازمی حەتا نوکە ل پێگەهـ و پوستی خۆ دا مایە، ئەو ژی یا سود مەندە لەوما دێ هاریکاریا وان کەت!

ژ زار دەڤێ نوینەرا نەتەوێن ئێکگرتی کۆ دداخویانیێن خۆ دا ئاماژە ب وان مەترسی یا كریە ئەوێن لسەر ھەرێما کوردستانی هەین، ئەگەر بلاسخات ڕاست دبێژیت كۆ مەترسیێن لسەر هەرێمێ هەین و خەمخورا ئاخا كوردستانێ یە، ئەرێ بوچی یا بێدەنگە و حەتا نوكە چ داخویانوی دژی سوپایێ فاشت و داگیركەرێن تورك ڕانەگەهاندینە،

ب بوچوونا من ئەڤ مەترسی یە بتنێ یێن لسەر دەستهەلات و بازرگانی و دزیێن مالباتا بارزانی و پێگەھێ پەیوەنیێن وان ل سەرانسەری جیهانێ،

ژبەرکۆ مەلەفێ نەفتێ حەتا نوکە ژی هەر یێت دەستێن نێچیرڤان بارزانی دا هەلاویستی مایی، ئەز پێشبینی دكەم ئەگەر بریارا داگەھا عێراقا فیدڕال جێبەجێبوو وی دەمی مانا نێچیرڤان بارزانی ل ناڤ ڕێزێن پارتی ب پیڤازەکا ڕزی ژی ناچیت،

ژ بەر پارستانا پێگەھێ دارایی و مەلەفێ نەفتا هەرێمێ مسعود بارزانی و مەسرور بارزانی ھەمی بزاڤا دکەن ب نوینەراتی یا نێچیرڤان بارزانی و ب ھاریکاری یا بلاسخاتێ بریارا دادگەھا فیدڕالا عیراقی هەلبوەشینن،

لێ دادگەھا فیدڕال حەتا نوکە حسابا دەستکەکێ کەرەفسا گەنی ژی نە بۆ نێچیرڤان بارزانی و نە ژی بۆ نوینەرا نەتەوێن ئێکگرتی نەکریە.

ئەڤجا ئەڤ کومبوونا بریارە بهێتە ئەنجامدان ب نوینەراتی یا کەسێن ئێکێ یێن ھەر شەش حزبێن کوردی، بتنێ پیلانا بارزانی یە، ژبەرکۆ ئەو بزاڤا دکەت کۆ هەمی حزبێن کوردی ڕێک بکەڤن دا کۆ ئێکرێزیا مالا کوردی نیشا عیراق و جیهانێ ب دەت، کۆ ھەمی لایەنێن کوردی دژی بریارا دادگەھا فیدرالی نە،

ئەڤجا دڤێت شاسوار ب ژیرانە ھزر دڤێ یاریێ دا بکەت،

وەرن دا پێکڤە تەماشەڤانێن ڤێ یاریێ بین، کا دێ شاسوار عبدلواحد یاریزانەکێ ژیر و سەرکەفتی بیت

، ئەرێ ھوین دبینن کۆ شاسوار سەربکەڤیت.

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close