رۆژه‌ڤكوردستانی

كريارا سياسى ل بەغدا و مەهزەلا گەڕیانا د بازنەیێ گرتیدا

جاسم محمد شرنەخى

نێزیکى هەشت هەیڤان، ب تەمامى (235) رۆژ ل سەر هەلبژارتنێن گشتیێن عیراقێدا بوورین و هێشتا گاڤا یەکەمین ژى بەرەڤ پێکئانینا حکۆمەتێ نەهاتیە هاڤێتن. ل هندەک ڕەخانڤە ڕەوش ژ ئێکەم ڕۆژا پشتى پرۆسەیا دەنگدانێ ئەوا سالا پار ل 10-10-2021 هاتیە ئەنجامدان خراپتر لێ هاتیە؛ چونکى هندەک فراکسیۆن و پێکهاتێن خوە ژبۆ دروستكرنا حکۆمەتێ باش بەرهەڤ کرین ژمارەکا هەلکەلشین و شەقبوون و خوەڤەکێشان و ناکۆکیێن دژوار بخوەڤە دیتینە و ئەڤ جۆرە بۆیەرە بەردەوامن ژى،

خنجر و حلبوسی در امارات / آشتی برای کسب قدرت | مطالعات عراق

ئێک ژوان ب ئەگەرێ ڤەگەڕانا کارەکتەرەکێ خۆرتە ل گۆڕەپانا سیاسی، ئەوژى بزنسمەن و سیاسەتمەدارێ بهێز (خەمیس ئەلخەنجەر)ـە؛ ڤێ هاتنێ بەرکەپی و نەڕێکیێن مەزن دناڤبەرا وى و سەرۆکێ پەرلەمانى (موحومەد ئەلحەلبۆسی)ـیدا روی داینە و نەڕاوەستاینە ژى. سەنگا حەلبۆسى ژى یا دیارە، کەسایەتیەکێ بەرچاڤێ سوننەیانە و سەرکردەکێ دیارێ مەزنترین قەوارە و فیدراسیۆنا پارستەیێن پەرلەمانیە، یا پڕانیێ د جڤاتا نیشتمانیا عیراقێدا پێکدئینت ئەوا ب ناڤ: (هەڤپەیمانييا قورتالکرنا وەلاتەکێ – تحالف إنقاذ وطن)،

شاهد .. اجتماع التحالف الثلاثي والإعلان عن تحالف ‹إنقاذ الوطن› ومرشحي رئاسة  الجمهورية والوزراء

نموونەکا دیتر: ئەو خوەڤەکێشان و شەقبوونە یا کەفتیە فراکسیۆنا (ئیمتیدادا تەشرین)ـدا، دەمێ پێنچ پەرلەمانتاران ب یەک نڤێسار دیەک دەمدا ل 15-5-2022 دەستلکارکێشانا خوە ژ فراکسیۆنا (ئیمتیدادێ) ڕاگەهاندین، ئەڤێ چەندێ – وەکى هندەک شارەزازیێن سیاسى دبینن- کەڤرێن ڕێگر هەمبەر پەیداکرنا حکۆمەتا نوى ل عیراقێ زێدە کرینە، مە نەڤێت دناڤا ئەگەرێن سەرهلدانا ڤان نەوەکهەڤى و پەرچەبووناندا بچینە خوار، لێ یا گرنگە دیسان دۆپاتیێ ل ڕاستیەکێ بکین: کو ئەگەرێن کۆمبوونا لایەنان د قەوارە هەڤپەیمانێن مەزندا هەر ل دەستپێکێ، نە ل سەر بناغەیێن سیاسیێن موکوم و بهێز بوو، نە ل دۆر بەرنامەیێن ڕێڤەبرنێ و پەیرەوکرنا پرۆژەیین سیاسى بوو، بەلکى ل سەر بونیاتێ بەرژەوەندیێن حزبى و کەسى یێن بەرتەنگ بوو،

حركة "إمتداد" تصدر توضيحا حول تحالفها مع الحكيم والعبادي والفيلي

ژ خوە بنەمایێ تائیفەپەرێسیێ هەما بەحس نەکە ئەو ماکا دەرد و ئێشیێن سیاسینە و بەرامبەر هەر هزر و بەرنامەکێ سیاسیێ دروست و نیشتمانى دیوارێ بەرلینە! و ئەگەر وێ گۆتنا لوژیکی دەربارەى پەیدابوون و ژ هەڤجودابوونا دناڤا کۆم و هەڤپەیمانێن سیاسى ل پەرلەمانێ عیراقێدا ئەوا دبێژت: (ما بني على باطل فهو باطل: يا ل سەر هیچۆ پۆچیێ ئاڤا بووى دێ هەر هیچۆ پۆچ بت)، یانژى ئەگەر ب كرمانجى گۆتنا: (بنئاخەیێ ل سەر بەفرێیە) دەربارەى خلۆلەییا پێکهات و پارستەیێن پەرلەمانى بێژین ئەلبەتە هەردوو گۆتن دجهێ خوەدانن.

البيان الختامي لتحالف "من أجل الشعب" بين حراك الجيل الجديد وامتداد

هەر چەوان بت ئەڤ ڤەلڤینا بەحس ژێ هاتیە کرن ڕەوشێ ئاڵۆزتر دکت، ئومێدا بوونا حکۆمەتێ ل عیراقێ ئەوا دەرگەهێ وێ هێشتا ڤەنەبووى ب (هەلبژارتنا سەرۆک کومارى) سست و خاڤتر دکت. ئاڵۆزیا پرۆسەیێ گەهشتیە ئاستەکێ زۆر بەرز تا وى ڕاددەى گەلەک چاڤدێرێن سیاسى دبینن کومارا عیراقێ یا بەرەڤ قەپاتبوونا (ئینسیدادا) سیاسى دچتن، ئێدێ هیڤیێن دەرگەهڤەبوونێ یانژى هەتا دەرزڤەبوونا ل کریسێ نێزێکى ئەستەمێ دبت. ئەو گۆتنا هندەک سەرکردەیێن سیاسى دبێژن: ((کلیلێت ب کارخستن و بەرەڤپێشڤەبرنا پرۆسیسێ نە ددەستێ چ لایەنێن عیراقیدانە))، مرۆڤ دکارت ڤەگێرت و تەکەزێ لێ بکت، بەلێ هەمى کلیل یێن د لەپێن وەڵاتێن زلهێزدانە، نەمازە ئەمریکا و ئیران. لێ بێ گومان لایەنێن عیراقى ژى چ رۆلەکێ ئەرێنیێ بهێز بەرچاڤ نەکرینە، نەرمى و مرۆنەیا سیاسیى ب کار نەئانینە، چ دەستپێشخەریێن چاک پێشکێش نەکرینە، ئەگەر نە وەسابت؛

ئیران: پێدڤیە ئەمریکا بڕیارا خۆ هەبیت

ئەگەر کلیل نە دەستێن مەزنە زلهێزاندایە؛ گەلۆ چ ئاقلە قەبوول دکت هێزەکا وەکى یا پارتى خوەدیا ئەزموونەکا پتر ژ حەفتێ سالان د سیاسەتێدا هەلویستەک هشکێ دژببەرى ئیڕادە و ئەجیندە و دیتنا دەولەتەکا مەزنا وەکى ئیرانێ هەبت؟! ئەرێ تشتەکێ لۆژیکیە بێژین: پارتى سەنگ و رۆلێ ئیرانێ نزانت؟!، هەمى کەف و گافێن ویێن ترسناک چاڤنەقینیێ لێ بکت کارەکێ سرۆشتیە؟!، ڤێجا چ ئەو پرۆڤەیێن تێکدانێ یێن ئاگر ل سەر سەرێ هەولێرێ باراندین بن، یانژى یێن ل پایتەختى و نەخاسمە ل دادگەها فیدرالیدا، ئیرانێ چاڤسۆریەکا دۆزەخى د قالبێ بڕیارێن توندێن ویرانکەر نیشا پارتى و کوردا هەمیان دایین!

مەسعود بارزانی

نەخێر یێ تشتەک کێم ژ سیاسەتا عیراقێ و کوردستانێ بزانت، ژبۆى وى نەپێچێبوونا مە کوردان د هەڤڕکی و دژبەریا دەولەتەکا وەکى ئیرانێ یا دیارە، ڤیجا تو چ دبێژى گەر لایەنەک ژ کوردان هەڤڕک بت، مێژوویا وى لایەنى دۆپات دکت: کو هەمى دەمان حەسێب بۆ ئێرانێ و کاراکتەرێن نێڤدەولەتى کریە، ل گەل واندا هەردەم بەلێ و لەبێ ژى بوویە، دیسان یێ بچەک خواندنا پراکتیکى و براگماتیکى ژبۆ سیاسەتێ هەبت دزانت چ شارەزیی و حیکمەت د هشکهەلویستیێ هەمبەر ئیرانێدا نینە، کو ب چ ئاوایا ڕازی نابت ئەگەر هەڤالبەندێن ویێن نها پتر نوینەراتیا بەرژەوەندیێن وێ دکن ئەوژى (چارچۆڤەیێ هەماهەنگى – الإطار التنسيقي) و (يەکێتى) و هەڤپەیمانێن وانن حوکمى ل عیراقێ نەکن،

پەرلەمانتارێکی کورد: ئه‌گه‌ری رێكنه‌كه‌وتن لەگەڵ بەغداد زیاتره‌

و دەستکێ دەرگەهێ کریارا سیاسى (سەرۆک کۆمارى) ژى دڤێت د دەستێ هەمان لایەنێ نێزێکێ وان بت. دیسان دێ دووبارە کین: ئەگەرێ وێ هشکهەلویستیا ناڤهاتى چیە؟، ب دیتنا من فاکتەرێ سەرەکى ژبۆ خالەکێ دزڤڕت ئەوژى ئەڤەیە: چونکى لایەنێ دیتر یێ ژ ئیرانێ بهێتر کو ئەمریکا و هەڤپەیمانێن وێنە، ل سەر نەرمهەلویستیێ ڕازى نەبوویە، ل ڤێرێ باشە گۆتنا ئەندامێ مەکتەب سیاسییا پارتى (فازل میرانى) بهینم زمان، دەمێ دبێژت: عیراقى چووینە د سندۆقەکا گرتیدا و كلیل داینە دەستێن خەلکەکێ ژ دەرڤەى وێ سندۆقێ، گۆتنا وى ڕاستە، نەک وى بتنێ ژى وە گۆتیە، لێ نە عیراقیان کلیل دانە ب خەلکێ بیانێ ڕا، بەلکێ وان بیانیان بهێزا خوە کلیل کرینە ددەستێن خوەدا و بەرامبەر هەمى کار و کریارێن چارەنڤێساز ئەو خوەدیێن بریارا داوینە، نەک عیراقیێن پەریشان.

الصراع على منصب الرئيس.. من هو الأقرب الى 'قصر السلام'

لێ عیراقى ژى ژ سوجداریێ بەری نینن، دڤیا هەمى شیانێن خوە دابانا کارى – هەلبەت من بەحسێ هێزێن سیاسینە – ژ بۆ دەرگەهقوتانا هێزێن نێڤدەولەتيێن ڕاسیپەر (وەصى) ل سەر عیراقێ، هەمى هەوڵ ل گەل وان کربان، ژبۆ هندى دەڤۆکەک ل ڤێ بازنا کرتیا ڤالا ڤەببا، دا پڕسگریکێن مەزن چاڤێن خوە ل رۆناهیا چارەسەریێ ڤەکربان، نەک وەکى وێ کۆما مێریان یا ڕێکا مێریستانێ بەرزەکرین، هەر دبازنەیەکا گرتیا وێ کۆمێ ژ خوەڕا چێکرى دزڤڕن و دزڤڕن هەتا خوە دکوژن، بەلێ سیاستەمەدارێن مە، هەر گاڤا ڕێکا دیتنا خەلاسبوونا ژ قەیرانا سیاسى نەدیتن؛ ئەم پشتراستن ئەو خوە ناکوژن بەلکێ دێ گەل و وەڵاتى قوربانى خوە کن و وێران کن. ئەز بباوەرم بێى نەرماتیا سیاسى ژ ڕەخێ لایەنێن عیراقیڤە ژلایەکێ و ژلایەکێ دیترڤە سازانەکا (تەوافوقەکا) هەردوو جەمسەران (ئیران و ئەمریکا) دەرکەفتنا ژ بازنەیێ گرتیێ ڤالا ئەستەمە.

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close