رۆژه‌ڤكوردستانینێرین

دیڕوکێ دتابلویا شنگالێ دا دووباڕە نەکەن !!

پەیبەڕ پەنابەر

مانگا هەشت ژی وەک مانگا سێ تژی مەرگەساتە ، ئەو رویدانێت هەیڤا هەشت دا رویدای ب سەر دیروکا ژیانا کوردا ب گوتارەکێ نائێن زمان بگەرە ژ کومکوژیێن ئاشوری ئەنفالا بارزانیان و و ئەنفالا بەهدینان ل داویێ ژی مەرگەساتا ناخ و وژدان هژینا بڕا ئێزدیان ل سەڕ دەستێ جەکجەکویلێت خوین مژ و هوڤ و ستەمکاڕ . دبیت ئەڤ تابلویە خالەک بیت ژ تابلویا 73 فەرمانێن دی کو تایبەتن ب گەلێ مە گەلێ ئێزدی ڤە لێ جهێ داخێ یە کو د وان هەمی فەڕمان و کارەسات و محنەتێن هاتینە سەڕێ وا چ بەلگەهەک یان ڤیدیوەک یان وێنەی یان چاپەمەنی یان نڤێسکی ل پاش خوە نەهێلانه دا کو ئیڕو بەڕاوڕدیەکێ دگەڵ دیروکێ و ڕویدانا بکەین بزانین کا قەباڕێ وا رەشەکوژی و کومکوژیا چەند بو ؟ کا گەلو ئەگەڕ د ڤی سەڕدەمێ پێشکەفتی دا ئەڤ هەمی بەتڕەوشتیە هەمبەڕێ گەلێ کوڕد بگشتی و بڕا ئێزدیان ب تایبەتی هاتینە کرن و ئەنجام دان ئایا پا نوکە د سەڕدەمەکێ مژاوی و پاشکەفتی دا چ جوڕە کارەساتەک ب سەڕ ڤی گەلی دا ئیناینە ! براستی ب فەڕ دزانم د ڤان بیڕەوەڕیێن رەش کەرنەڤال هاتبان سازکڕن هەم ژبوی چاڤێ میدیا جیهانی هەم ژی بو کوڕدێن د خەوا گڕاندا نڤستی و شیاڕ نەبوین . ژبەڕکو ئەڤا ڕویدای د سەدێ بیست و ئێکێ دا ل جیهانێ نەڕویدایە . کاڕەساتا کومکوژیا ئێزدیا کومپلوەک هەڕێمی و ناڤخویی بو ، کارەساتەکا مرۆڤی بو ژ ئەنجامێ کالفامیا هەست وهزڕا نەتەوی و بیرو بوچونێت بەڕتەسکێن حزبی وناوچەیی و فراموشکرنا وێ دەڤەڕێ ب چاند وکوڵتوڕ و خویندن وخزمەتگوزاڕی و ئاڤەدانی ڤە ! خەمساڕیا سیستەمەک فویدال وکاپیتالیزمی و رادیکال بو ، بێ ئاگاهیا هەستا بەڕپرسیاڕیێ بو . گرنگی نەدانا مە بو شنگالێ و مروڤێن وێ و چاندا دەولەمەندا وێ و ستڕاتیژا جهێ وێ یێ ئابوری و پێگەها چڤاکێ وێ ئەو کڕە قوربانی گەڵەگ تشتا ، سەڕەرایێ وێ ژی وەک هەستەکا نیشتمانی و مڕوڤی و ئەخلاقی دیمەنێن دەربەدەڕی و مالوێڕانی و کوشتنا بێ جوداهی و فڕوتنا مڕوفا و بکوێلەکڕن و گڕێدکڕنا ناڤو ناموسا گەلێ مە پێتڤیە نەئێتە ژبیڕ کڕن دا کو نەئێتە دووباڕەکڕن . دیمەنێن دل ئێش دڤی سالڤەگەڕێ دا ل بەرچاڤێ مەنە . پێتڤیە بهێتە زێندی کڕن دا نەهێتە ژبیڕ کڕن چونکی د دیڕوکێ دا گەلەگ جاڕا ئەڤ خەمساڕیە ڕویدانە ژ ئەنجامێ نەتەبایێ جینوسایدێن چڤاکی چێبونە ! ژ ئەنجامێ کالفامیێ سەڕوکێن مە ل سەڕ ئەساسێ پێدانا بەختەکێ دیاڕ خوە رادەستکرنا وا ب دارڤەکڕنە وهاتنە سێداڕە دان، ژ ئەنجامێ عاتیفا ئولی مل ب ملێ دوژمن مە بڕایێن خوە کوشتنە و قڕکرنە و پاشی ئەم بخوە ژی بونە ئارمانجا دۆژمنان . ئەڤ یەکە هێژ بەردەوامە هەڕ ل سەڕ دەمێ دەولەتێن ئاینی یێن کوڕدی هەم ل سەڕدەمێ میر و میڕگەهان هەم ژی ل سەڕدەمێ هوز و خێلا و تا ئیڕو ژی بەردەوامە !! نوکە ژی باوەرم ئەم ل خوە نەزڤرین و خوە د هەر وارەکی دا ئاڤانەکەین و ئامادەباشیێ نەکەین ئەم دێ بەرەڤ کومکوژیەک مەستڕ چین ژبەرکو دۆژمنێت دەڕدوڕێت مە هەمان ئەو هوڤن یێ سەڕێ زاڕوکا دفڕینن و تەجاوزێ کجا هەشت سالی دکەن و مال و ملکێ مە تالان دکەن و مە دەربەدەر دکەن مە ب ساخی بن ئاخ دکەن و دیروک و چاند و فەڕهنگا مە ئەسمیلە دکەن . ژ بەرڤێ دووبات دکەم پێتڤیە کوڕد دڤی سەڕدەمی دا شیار و خوراکر بن وچوکا نەدانن و ئاسایشا خوەیا نەتەوی و گشتی ب پاڕێزن ژبەرکو دبیت ڕوژ و ڕۆژکاڕ بهێن و پشتگیریا زلهێزێن جیهانی ژ دەست بدەین وفڕسەتا جاڕا ب دەست مەنەکەفیت . ل داویێ هزاڕ سڵاڤ و گول وگوڵاڤ بو سەڕگوڕێ هەمی چانگوڕین کوڕد یێن کو دڤێ مەها شیم دا جانێ خوە فەدایێ خاک ونیشتمانی خوە کڕی و ئومێدەوارم تاکێ کورد بخوەدا بچیت و هەستا بەرپڕسیاڕیا نەتەوی و نشتمانی ژ یا حزبی و هەڕێمی و مالباتی پیڕوزتڕ ببینیت و ژبو بریاڕێن ناتەندڕوست نەبت ملکەج بەلکو پێچەوانە ببت قەلغان و مەڕتال بو دوزا ڕەوایا گەلێ خوە ژ بەرکو دەما مڕوڤی خاک و نشتمان ژدەست دان ئێدی تشتەک نەمینیت ب ناڤێ پیڕۆزی .

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close