جیهانیرۆژه‌ڤنێرین

فرێنکنستەین و سەر قوربانيخۆکرن!

  جاسم محمد شرنەخى

وە دیارە د بیست ساڵێن دواییدا کۆچکا سپی سیاسەتەک پەیڕەوەکریە؛ ھەر سەرۆکەکێ ئەمریکی د ماوەیێ حوکمێ ویدا سەرەک یان دوو سەرێن ئەژدەهایان بۆ بھێنە ژێکرن، ژبۆ وى ببنە قوربان:

١- (جورج دەبلیۆ بوش):

– سەرێ (ئەبو مصعب الزرقاوی) ل ٧-٦-٢٠٠٦

– سەرێ (صەدام حسین)ـی ل ٣٠-١٢-٢٠٠٦.                  

٢- (باراک ئۆباما):

-سەرێ (ئوسامە بن لادن)ـى ل ٢-٥-٢٠١١.

٣- (دونالد ترامپ):

-سەرێ (ئەبۆ بەکر ئەلبەغدادی) ل ٢٧-١٠-٢٠١٩.

– سەرێ جەنەرال (قاسم سولەیمانی) ل ٣-١-٢٠٢٠

٤- (جو بایدن) سەرێ (ئەیمەن زەواھری) ل ١-٨-٢٠٢٢.

   گەلۆ ئەو دەمە نەھاتیە خەلکێ جیھانێ ھەمی د لەیزتۆکێ باش بگەھن، بزانن سەرێ چیرۆکێ ژ گیڤە دەستپێکریە و گەھشتیە چ قویناغ و ویستگەھ، ل سەر هێلا خوە بسەرهەلبن: کا دێ رویدان بەرەڤ چڤە چن؟!

11 سبتمبر: ما هي أبرز التنظيمات الجهادية التي خرجت من رحم القاعدة؟ - BBC  News عربي

   چەوان دبت مرۆڤ هەمبەر ڤێ لەیزتنا ب سەھم کەڕ و لال و کوڕە بمینن؛ دوی دەمێ چەندین جاران خودانان یاری ب شاکەرایی (اللعب بالمکشوف) ئەنجامداینە، ئەوان خوە بخوە شادەیی ل سەر خوەدایینە، وەکی خودایێ مەزن خوەیاکری: ((وشھد شاھد من أهلها)) لێ یا سەیر ئەوە: نەجارەکێ و نەکەسەکێ ب تنێ شادەیی دانە، بەلکی ل چەندین گەڕان مەزنە لەیزڤانان ل ئەمریکا ل بەر چافکێن کامیرا ئەو کارە ڕویداینە؛ دانپێدانەکا سۆربسۆر  کرینە: کو وان بخوە فابریقەیا بەرھەمئینانا کۆم و کۆمەڵێن تیرورست و توندرەو و تاوانبارێن جەنگێ چێکرینە، ئەوێن ل دەستپێکێ بەحسێ بڕینا سەرێن وان هاتیە کرن.

القاعدة في اليمن يقر بمقتل الوحيشي ويبايع الريمي | راديو الرابعة 88.7fm

   ل گەل پەردەداپۆشینێ ل سەر هندەک دیمەن و رۆلێن شانۆگەرییا ئەمریکى و رۆژئاڤایی ، دێ ل خوارێ چەند نمۆنەیێت شادەییا خودانان ل کۆچکا سپی ل بیرا خوەندەڤانان ھینم:

  1. ل هەیڤا ئەیارێ ژ ساڵا 1993 دبلۆماتکارێ بەرنیاس و سەرۆکێ جێبەجێکارێ پەیمانگەها برۆکینگز(Brookings)ـا ئەمریکى زاڕاڤێ (جۆت سەرجەمیبوون Double Containment -) یەکەمین جار بکارئانى، شادەییەکا رۆهن دا: ئەمریکا ل گەل رژێما دکتاتۆرا صەدامى و خومەینى ئەو سیاسەتە پەیڕەو دکر، واتە: ئەمریکیان پشتەڤانى و هلپێچانا هەردوو دژبەران دکرن.

سەبارەت پشتەڤانیکرنێ ل دڕەندەترین و هۆڤترین کەس ل رۆژهەلاتا ناڤین، دکتاتۆرێ حزبا بەعسا ژناڤچووى، ئەو چەندە ژلایێ ئەندامێ سەرکردایەتیا پارتا ناڤبری ژ ساڵا 1959-1975 (خالد علی الصالح)ـڤە هاتیە پشتڕاستکرن، ئەوژى د یاداشتنامەیێن خوەیێن ب ناڤێ (على طريق النوايا الطيبة، تجربتي مع حزب البعث – ل سەر ڕێیا نیازپاکیێ، سەربۆڕا من ل گەل پارتا بەعس، ل سالا 2000 چاپبووین) ئاشکەرادکت: بەعسیێن عیراقێ ل کودەتایا سالا 1968 ب شەمەندەفرەکا ئەمریکى-ئسرائیلى گەهشتن دەستهەڵات و حوکمى.

لماذا برر سفر الحوالي تعاون تنظيم القاعدة مع إيران؟
  • 2-          ژیا بوورى گرنتر: شادەییا دبلوماتکار و سیاسەتمەدارا بناڤبانگا ئەمریکی (ھیلاری کیلنتۆن)ـه؛ دەمێ ل هەیڤا کانۆنا دویێ ژ ساڵا 2012 د سمینارەکا خوەدا تەکەست کرى: “ئەوێن ئەڤرۆ ئەم شەرێ دژى وان دکین – مەرەم پێ (ڕێکخستیا ئەلقاعیدە)ـیە- بەریا بیست ساڵان مە ئەو پەیداکرن”([1])
تنظيم القاعدة - ويكيبيديا
  • شادەییا (دۆناڵد ترامپ)ـى ژى جهێ گرنگیێیە دەمێ ل سەر ئۆباماى و هیلارێ بوویە دیدەڤان، وى ل هەیڤا ئاب ژ ساڵا 2016 خوەیاکر: ئۆباما و دپلۆماتکارا ناڤبرى رێکخستیا (داعش)، چێکرینە.([2])

   ئەڤ یاریکرن ب چارەنڤێسێ گەلان و لەیزتن ب خوین و گیانێن مرۆڤان؛ ب چێکرنا کاروانێت دەهبە و دڕنەدەیێت فاشست و خوینمێژێن مللەتان: ژ دکتاتۆرێن سادیزم تا تیرۆرستێن مرۆڤخوار ژلایێ ئەمریکاڤە مرۆڤى دبنە كەش و سەقایێن رۆمانا (فرێنکنستەین Frankenstein، يا نڤێسەرا بریتانى مارى چیلى (1797-1851) داناى، چیرۆکا  زانایەکێ گەنج ناڤى وى د ڕۆمانێدا کریە: ڤيكتور فرێنکنستەین، ژخەیالا خوەیا ئەدەبى نڤێسیە: فرێنکنستەین پەیدابوویەکێ چێدکت ب خوداوەندێ ئاگرى ناڤ یان ژى وەسف دکت، لێ ئەو دبتە دڕەندە و  کوشتارێت هۆڤانە ئەنجامددت، هەتا شلقاڤێت ئاگرێ دۆزەخا وى  دگەهتە (ئەلیزابیتێ) خوەشتڤى و دەستگرتا چێکەرێ وى دەهبەى بخوە، ب دەستێن وى دهێتە کوشتن…).

   واتە وەکى ئەم ب کوردى دبێژن: کورەمارێن فرێنکنستەینان جاران ب ب بنێ گوهێن وانڤە ددن، لێ یێن ئەمریکا کێم جاران ڕی ب وێ چەندێ دهێتە دان، بەهرا پتر ئەو ناهێلن بگەهن وى جهێ پێڤەدانێ، دەمێ کار و ئارمانجێن وان ب ماران ب داوى دهێن زوى سەران لێ دبڕن.

  لێ یا گومان تێدا تونە ئەوە: هەمى دەمان مارێن وان ب خەلکێ جیهانا ئیسلامیڤە ددن و مالێ ل وان کاڤل و خراب دکن، ژیانا وان ژ براژتنا ل سەر ئاگرى ژ بۆ نیڤەکا جەهنەما دونیایێ دبەن!


 [1]- https://www.youtube.com/watch?v=9_2B0S7tj9E ئەڤە لینکێ لێدوانا هیلارى کلنتۆنێیە.

[2]https://www.youtube.com/watch?v=XirtcKAJ4oU ئەڤە لینکێ داخویانیێت ترامپیە.

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close